Гәлбләри сыныг оланлара тәсәлли вер
1 Һәлә һеч вахт инсанларын тәсәллијә бу гәдәр еһтијаҹы олмамышдыр. Падшаһымыз Иса Мәсиһин ардынҹа ҝедән бизләр дә ‘гәлбләри сыныг оланларын јараларыны сарыјырыг’ (Јешаја 61:1).
2 Неҹә тәсәлли вермәк олар? Хидмәтимиз инсанлара тәсәлли ҝәтирсин дејә, тәгдимәләримиз таразлы, мүсбәт олмалыдыр. Хидмәтдә дүнјанын пис ишләри вә јалан тә’лимләрдән аз данышанда Мүгәддәс Китаб һәгигәти вә Аллаһын хошбәхт ҝәләҹәк һаггында үрәкачан вә’дләри өн плана чыхыр. Амма бу о демәк дејил ки, Һар-Меҝидондан данышмамалыјыг. Бизә «Рәббин лүтф илини, Аллаһымызын гисас ҝүнүнү бәјан етмәк» вә ‘пис адамлары хәбәрдарлыг етмәк’ тапшырығы верилиб. Амма Һар-Меҝидон вә онун ҝәтирәҹәји дағынтылар барәдә хәбәрдарлыг Аллаһын Падшаһлығы һаггында хош хәбәри көлҝәдә гојмамалыдыр (Јешаја 61:2; Јез. 3:18; Мат. 24:14).
3 Евдән-евә. Хәстәликдән, әзиз адамынын иткисиндән, әдаләтсизликдән вә ја мадди чәтинликдән руһ дүшкүнлүјүнә гапылмыш адамлара бу ҝүн тез-тез раст ҝәлмәк олур. Мәсиһи тәглид едән бизләрин онлара ‘јазығы ҝәлир’ вә хидмәтдә гаршылашдығымыз инсанларын дәрдинә шәрик олуруг (Лука 7:13; Ром. 12:15). Һәмсөһбәтимизин проблеми илә бағлы бир-ики ајә охусаг да, «ешитмәкдә ити» олмалыјыг ки, о өз фикирләрини бөлүшә билсин (Јаг. 1:19). Башланғыҹда гулаг ассаг, вердијимиз тәсәлли даһа мүнасиб олар.
4 Сөһбәтин мүнасиб вахтында белә демәк олар: «Мән сизинлә Мүгәддәс Китабдан бир нечә тәсәлливериҹи фикирләри бөлүшмәк истәјәрдим». Инсанын сөјләдији һәр јанлыш фикри тәкзиб етмәк мүдриклик олмазды. Әксинә, Мүгәддәс Јазыларын көмәјилә онлары руһландырмалы вә тәсәлли вермәлијик, онлара дајаг олмалыјыг. Буну етмәк үчүн «Мүгәддәс Јазыларын әсасында мүлаһизә» (инҝ.) китабынын 117-121-ҹи сәһифәләриндә «Руһландырма» башлығы алтында олан мә’луматы арашдыра биләрсән. Јахуд да һәмсөһбәтинә «Депрессијада оланлара тәсәлли» трактатыны вериб орадакы руһландырыҹы мә’луматы нәзәрдән кечирмәк олар.
5 Башгаларына тәсәлли вермәк үчүн имканлар ахтар. Гоншуларындан, иш јахуд синиф јолдашларындан, ја да аилә үзвләриндән киминсә тәсәллијә еһтијаҹы вармы? Нәјә ҝөрә белә инсанлара баш чәкиб Мүгәддәс Јазыларын вердији тәсәллини бөлүшмәјәсән? Онларын нәјә ҝөрә тәсәллијә еһтијаҹ дујдугларыны билсән, көмәк етмәк үчүн даһа јахшы һазырлашарсан. Бә’зиләри белә инсанлара мәктуб јазыб вә ја зәнҝ етмишләр. Инсанлара гаршы әсл мәһәббәт онларын дәрдинә шәрик олмаға вә Мүгәддәс Јазылардан лазыми тәсәллини вермәјә бизи сөвг едәҹәк (Лука 10:25-37).
6 Бәли, бизә гәм-гүссә чәкәнләрә тәсәлли вермәк, кәдәрли оланлары руһландырмаг вә хошбәхт ҝәләҹәјә онларда үмид јаратмаг тапшырылыб. Бүтүн инсанлар мәһз бу ҹүр тәсәллијә еһтијаҹ дујур. Аллаһын ҝөзәл вә’дләри һаггында севинҹлә данышмағымыз сәмими инсанлара тәсәлли вә үмид верәҹәк. Ҝәлин һеч вахт унутмајаг ки, гәлби сыныг оланлар јараларынын сарынмасына еһтијаҹ дујурлар.