«Шүкүр едәнләр олун!»
1 Иса он ҹүзамлыны сағалданда, миннәтдарлығыны билдирмәк үчүн онлардан јалныз бири гајытды. Иса сорушду: «Сафлашанлар он нәфәр дејилдиләрми? Бәс галан доггуз нәфәри һаны?» (Лука 17:11-19). Сәхавәтли вә мәһәббәтли сәмави Атамыз Јеһова Аллаһын һәр бир јахшы бәхшиш вә һәр камил һәдијјәсинә ҝөрә миннәтдар олуб Она шүкүр етмәк неҹә дә ваҹибдир! (Колос. 3:15; Јаг. 1:17).
2 Һансы бә’зи шејләрә ҝөрә шүкүр етмәлијик? Биз Аллаһын бәшәријјәтә ән бөјүк бәхшиши олан фидијәјә ҝөрә миннәтдарыг (Јәһ. 3:16). Јеһованын бизи Өзүнә ҹәлб етдији үчүн дә шүкүр едирик (Јәһ. 6:44). Биз һәм дә мәсиһчи бирлијимизин олмасына ҝөрә шүкүр едирик (Мәз. 133:1-3). Јеһованын вердији башга бәхшишләри дә, сөзсүз ки, јадына сала биләрсән. Биз һеч вахт Јеһованын етдикләрини унудан нашүкүр исраиллиләрә бәнзәмәк истәмәрик! (Мәз. 106:12, 13).
3 Миннәтдарлығыны билдир. Ола билсин, шәфа тапанларын ону да Исанын онлар үчүн етдијинә ҝөрә миннәтдар иди, анҹаг өз миннәтдарлығыны билдирән јалныз бири олду (Лука 17:15). Ејнилә, биз дә өз миннәтдарлығымызы хидмәтдә сәјлә иштирак етмәклә билдиририк. Әҝәр мәһәббәтли сәмави Атамызын бизим үчүн етдикләринә ҝөрә һәгигәтән дә шүкүр едириксә, гәлбимиз бизи Онун һаггында башгаларына данышмагла Онун мәһәббәт вә сәхавәтини тәглид етмәјә тәшвиг едәҹәк (Лука 6:45). Инсанлара Јеһованын ‘бизә аид харигәләри, дүшүнҹәләри’ һаггында данышмағымыз, өз нөвбәсиндә, Јеһоваја гаршы мәһәббәтимизи вә миннәтдарлығымызы артыраҹаг (Мәз. 40:5).
4 Башгаларына миннәтдарлыг һиссини ашыла. Биз ушагларымызда вә Мүгәддәс Китабы өјрәтдијимиз адамларда миннәтдарлыг һисси ојатмаг үчүн әлимиздән ҝәләни етмәлијик. Валидејнләрин буну етмәк үчүн чохлу имканлары вар, бунлардан бири, ушагларына Јеһованын јаратдыглары һаггында данышмагдыр (Ром. 1:20). Мүгәддәс Китабы арашдыраркән өјрәнән адамдан соруша биләрик: «Бу бизә Јеһованын шәхсијјәти һаггында нә өјрәдир?» Өјрәнән адамын миннәтдарлығы артдыгҹа, Аллаһа мәһәббәти вә Ону разы салмаг гәтијјәти дә артаҹаг.
5 Бу сон ҝүнләрдә әксәр инсанлар нанкор вә нашүкүрдүрләр (2 Тим. 3:1, 2). Садиг хидмәтчиләринин хидмәтдә сәјлә иштирак едәрәк миннәтдарлыгларыны билдирдикләрини ҝөрмәк Јеһоваја неҹә дә хошдур! (Јаг. 1:22-25).