Тәблиғ тәһәммүл тәләб едир
1 Һәвари Павелин 30 илдән чох әсас иши она мәмнунлуг ҝәтирән тәблиғ иши олмушдур. Истәнилән лајигли ишдә олдуғу кими, онун тәблиғ фәалијјәти дә чәтинликсиз өтүшмәмишди (2 Кор. 11:23-29). Лакин Павел тәслим олмады (2 Кор. 4:1). О баша дүшүрдү ки, хидмәтини иҹра едәркән таб ҝәтирмәк үчүн ҝүҹү Јеһовадан алыр (Филип. 4:13, И–93). Сәдагәтлә таб ҝәтирмәкдә гојдуғу нүмунәни нәзәрә алараг Павел дејә билмишдир: «Мән Мәсиһи тәглид етдијим кими, сиз дә мәни тәглид един» (1 Кор. 11:1).
2 Сынаглара таб ҝәтиририк. Бир чох һәмиманлымыз һәр ҝүн аилә үзвләри, иш вә ја мәктәб јолдашлары тәрәфиндән тәгибләр, истеһзалар вә биҝанәликлә гаршылашырлар (Мат. 10:35; Јәһ. 15:20). Ола биләр, сәнин дә башына белә шејләр ҝәлир. Бәлкә дә, сағламлыгла бағлы проблемлә, јахуд иманыны вә тәһәммүлүнү сынаға чәкән јајындырыҹы вә ширникдириҹи тәсирләри дәф етмәк үчүн һәр ҝүн мүбаризә апарырсан. Биз кечмишдә јашамыш садиг хидмәтчиләрин, еләҹә дә чәтинликләрлә үзләшиб онлара галиб ҝәлән мүасир мәсиһчиләрин нүмунәсини арашдырмагла ҝүҹ әлдә едә биләрик (1 Пет. 5:9).
3 Хидмәтдә мөһкәм галмаг үчүн ‘Аллаһын бүтүн зиреһләрини ҝејинмәклә’ ҝүҹ әлдә едә биләрик (Ефес. 6:10-13, 15). Таб ҝәтирмәк үчүн дуа етмәк дә сон дәрәҹә ваҹибдир. Сынаглара дөзә билмәјимиз үчүн Аллаһ бизә мүгәддәс руһ верир (2 Кор. 6:4-7 ). Руһани мүбаризәдән мүвәффәгијјәтлә чыхмаг үчүн Аллаһын хатырлатмаларына диггәтли олмалыјыг ки, руһумуз јениләшсин (Мәз. 119:24, 85-88). Ушаг севән атасынын мәктубуну тәкрар-тәкрар охудуғу кими, бизим дә Мүгәддәс Китабы ҝүндәлик охумағымыз Јеһова илә мүнасибәтләримизи мөһкәмләндирир. Биз мүнтәзәм шәхси өјрәнмә васитәсилә сынагларын өһдәсиндән ҝәлмәк үчүн мүдриклик әлдә едир, беләликлә дә Аллаһын дүшүнҹәсинин гәрарларымыза тәсир етмәсинә вә Јеһоваја сәдагәтимизи мөһкәмләндирмәсинә јол веририк (Сүл. мәс. 2:10, 11).
4 Тәһәммүл хејир-дуалар ҝәтирир. Хидмәти иҹра едәркән, Павел кими, бизим дә таб ҝәтирмәјимиз Јеһованын үрәјини севиндирир, һәм өзүмүзә, һәм дә башгаларына хејир-дуалар ҝәтирир (Сүл. мәс. 27:11). Ҝәлин хидмәтдә мәтанәтли олмаға әзмли олаг, бунунла да иманымызын давамлы вә ‘одла сафлашдырылдығы һалда јох олан гызылдан даһа гијмәтли’ олдуғуну сүбут едәк (1 Пет. 1:6, 7).