«Өзүнүзү Аллаһын мәһәббәтиндә сахлајын»
1. «Өзүнүзү Аллаһын мәһәббәтиндә сахлајын» китабы һансы мәгсәдлә дәрҹ едилиб?
1 Февралын 23-дән башланан һәфтәдән Јығынҹағын Мүгәддәс Китаб өјрәнмәсиндә «Өзүнүзү Аллаһын мәһәббәтиндә сахлајын» адлы јени китабы арашдырмағы неҹә дә сәбирсизликлә ҝөзләјирик! Рәһбәрлик Шурасы Јеһованы севәнләрә үнванладығы мәктуба бу сөзләрлә јекун вурур: «Биз сәмими гәлбдән үмид едирик ки, бу китаб сизә һәгигәтә ујғун јашамаға вә әбәди һәјаты ҝөзләјәрәк Аллаһын мәһәббәтиндә галмаға көмәк едәҹәк (Јәһуда 21)».
2. Бу јени китаб һәјатымызын һансы саһәләриндә бизә көмәк едәҹәк?
2 Китабда тохунулан саһәләр. Мүгәддәс Китаб принсипләрини һәјатын достлуг, әјләнҹә, һакимијјәтә һөрмәт, вәрдишләр, евлилик, данышыг вә адәтләр кими саһәләринә неҹә тәтбиг етмәк олар? Виҹданымыз Аллаһын Кәламынын тәгдим етдији јүксәк салеһлик нормаларына әсасән формалашаҹаг (Мәз. 19:7, 8). Јеһованын дүшүнҹә тәрзини даһа дәриндән баша дүшдүкҹә, Ону разы салмаг истәјимиз бизи һәјатымызын бүтүн саһәләриндә Она итаәткар олмаға тәшвиг едәҹәк (Сүл. мәс. 27:11; 1 Јәһ. 5:3).
3. Нәјә ҝөрә һәр һәфтә мүзакирәдә иштирак етмәјә вар ҝүҹүмүзлә чалышмалыјыг?
3 Иштирак етмәјә гәти гәрарлы ол. Һазырлашаркән јығынҹагда Аллаһы иззәтләндирмәји гаршына мәгсәд гој (Ибр. 13:15). Бүтүн јығынҹаг бу јени өјрәнмә нәшрини бирликдә арашдыраҹаг. Һәр һәфтә аз һәҹмдә материалы мүзакирә едәҹәјимиздән јахшы һазырлашмаға имканымыз олаҹаг, бунун сајәсиндә өјрәндијимизи әминликлә бөлүшә биләҹәјик. Јахшы һазырладығымыз гыса шәрһләр диҝәрләрини мәһәббәтә вә хејирли ишләрә тәшвиг едәҹәк, материалын мүзакирәсини ҹанлы вә мәналы едәҹәк (Ибр. 10:24). Һәмчинин өз иманымызы шәрһләрлә ифадә етмәклә севинҹимиз ашыб дашаҹаг.
4. Јеһованын әмрләринә итаәт етмәк нә үчүн ваҹибдир?
4 Јер үзүндәки һәјатынын сонунҹу ҝеҹәси Иса Јеһованын әмрләринә итаәт етмәји Онун мәһәббәтиндә галмагла әлагәләндирди (Јәһ. 15:10). «Аллаһын мәһәббәти» китабынын көмәјилә биз ҝүндәлик һәјатымызда Мүгәддәс Китаб принсипләрини тәтбиг етмәјә вә ‘өзүмүзү Аллаһын мәһәббәтиндә сахламаға’ даһа гәтијјәтли олаҹағыг (Јәһуда 21).