Хатирә Ҝеҹәсини бәјан етмәк үчүн хүсуси кампанија!
1. Бүтүн дүнјада Падшаһлығын тәблиғчиләри 2009-ҹу ил мартын 21-дән башлајараг нә едәҹәкләр вә нә үчүн?
1 Бүтүн дүнјада 2009-ҹу ил апрелин 9-да Јеһова Аллаһын хидмәтчиләри Онун бәшәријјәтә олан мәһәббәтиндән ирәли ҝәләрәк атдығы ән бөјүк аддымы анмаг үчүн бир јерә топлашаҹаглар (Ром. 5:6-8). Үмидварыг ки, һәгигәтлә марагланан милјонларла инсан Иса Мәсиһин өлүмүнү бизимлә бирликдә гејд едәҹәк. Мартын 21-дән башлајараг бүтүн дүнјада Хатирә Ҝеҹәсинә хүсуси дәвәтнамә пајланаҹаг.
2. Дәвәтнамәләри тәклиф едәркән һансы мәгамлары јадда сахламаг лазымдыр?
2 Јадда сахламалы олдуғумуз мәгамлар. Дәвәтнамәдәки шәкилләрдән, суаллардан вә ајәләрдән мүкәммәл сурәтдә истифадә ет. Мәсәлән, диггәти дәвәтнамәнин үзүндәки шәклә јөнәлдәрәк дејә биләрсән: «Мән сизи 2009-ҹу ил апрелин 9-у, чәршәнбә ахшамы Иса Мәсиһин өлүмүнү бизимлә бирликдә гејд етмәјә дәвәт етмәк истәјирәм». Сонра дәвәтнамәнин башлығына вә алтындакы суаллара диггәти јөнәлт. Ев саһибинә билдир ки, өзү илә бәрабәр аилә үзвләрини вә ја башга танышларыны ҝәтирмәсинә шад олаҹағыг.
3. Кампанијанын әввәлиндә кими исә дәвәт етдикдән сонра нә етмәк олар?
3 Јығынҹағынызын саһәси бөјүкдүрсә, ола билсин, ағсаггаллар евдә олмајанлар үчүн дә дәвәтнамә сахламағы мәсләһәт ҝөрәҹәкләр. Һәфтәсонлары дәвәтнамә илә јанашы журналлар да тәклиф ет. Тәкрар баш чәкдијин, Мүгәддәс Китабы өјрәтдијин адамлары, гоһумларыны, мәктәб јолдашларыны, әмәкдашларыны, гоншуларыны вә башга танышларыны дәвәт етмәји гаршына мәгсәд гој. Кечән ил бир баҹы 30 нәфәр гоһумуну Хатирә Ҝеҹәсинә дәвәт етмиш вә сонра вахташыры бу һадисәнин ваҹиблијини онлара хатырлатмышды. Онлардан 25-нин ҝәлдијини, даһа сонра исә 4-нүн Мүгәддәс Китаб өјрәнмәсини гәбул етдијини ҝөрмәк баҹыны неҹә дә севиндирмишди!
4. Индидән нәји планлашдырмалыјыг вә нә үчүн?
4 Индидән планлашдыр. Бир чох тәблиғчиләрин март, апрел ајларында өз хидмәтләрини ҝенишләндирмәк имканы олаҹаг. Әҝәр сәнин ушағын вә ја Мүгәддәс Китабы өјрәтдијин адам руһани ҹәһәтдән инкишаф едирсә, онларын вәфтиз олмамыш тәблиғчи олмалары үчүн бу, чох мүнасиб вахтдыр. Мәһәббәтин ики бөјүк тәзаһүрүнүн гејд олунмасыны бәјан етмәкдә там иштирак етмәк үчүн елә индидән һәр шеји планлашдыр (Јәһ. 3:16; 15:13).