Хатирә Ҝеҹәсинә әсаслы сурәтдә һазырлаш
Иса Мәсиһин өлүмүнү гејд едәҹәјимиз ҝеҹәјә әсаслы сурәтдә һазырлашмаг онун давамчылары үчүн неҹә дә севиндириҹи вә шәрәфли ишдир! (Лука 22:19). Хатирә Ҝеҹәсинә һазырлашмаг үчүн һансы зәрури тәдбирләр ҝөрүлмәлидир?
◼ Вахт вә јер. Хатирә Ҝеҹәсинин нә вахт вә һарада кечириләҹәјини һәр кәс ајдын баша дүшмәлидир. Әҝәр Падшаһлыг Залындан бирдән артыг јығынҹаг истифадә едәҹәксә, ҝөрүшләр арасындакы вахт мәһдуд олдуғундан вахтында ҝәлмәк, јубанмадан вә низамла ҝетмәк ваҹибдир. Пилләкәнләрдә, һоллда, ҝедиш-ҝәлишин сых олдуғу јердә вә машын дајанаҹагларында лазымсыз јерә сыхлыг јаратмаг олмаз.
◼ Дәвәтнамәләр. Һәр бир тәблиғчи дәвәтнамәләри алыб вә мәзмуну илә таныш олубму? Онун неҹә тәгдим едиләҹәјини артыг мәшг етмисинизми? Кимләрә дәвәтнамә верәҹәксиниз? Чалышмаг лазымдыр ки, дәвәтнамәләрин һамысы пајлансын.
◼ Нәглијјат. Ола билсин, бәзи мараглананларын, еләҹә дә бир чох баҹы-гардашларын нәглијјата вә ја башга көмәјә еһтијаҹы олаҹаг. Онлара көмәк етмәк үчүн һансы тәдбирләр ҝөрүлүб?
◼ Символлар. Әмин олун ки, символлар ҝүнәш батмаздан әввәл верилмәјәҹәк. Зәиф сәһһәти уҹбатындан мәрасимдә иштирак едә билмәјән мәсһ едилмиш мәсиһчиләрә гуллуг етмәк үчүн тәдбир ҝөрүлмәлидир. Мүнасиб чөрәк вә шәраб тапылмалы вә һазыр едилмәлидир. («Ҝөзәтчи Гүлләси»нин 2003-ҹү ил, 1 март сајынын 10, 11-ҹи сәһифәләриндәки 14, 17-ҹи абзаслара бах.)
◼ Падшаһлыг Залы. Зал габагҹадан тәртәмиз јығышдырылмалыдыр. Әввәлҹәдән мүнасиб стол ҝәтирмәк, үстүнә сүфрә салыб, бошгаб вә гәдәһләр дүзмәк лазымдыр. Әҝәр мәрасим Падшаһлыг Залында јох, башга јердә кечириләҹәксә, динләјиҹиләрин һамысынын ешидә билмәси үчүн мүнасиб сәсләндирмә системи тәшкил едилмәлидир. Хидмәтчиләри вә символлары верәҹәк гардашлары габагҹадан тәјин етмәк, онлара ҝөрүшүн неҹә кечәҹәјини, вәзифәләринин нәдән ибарәт олаҹағыны, ҝејимин вә хариҹи ҝөрүнүшүн лајигли олмасынын ваҹиблијини изаһ етмәк лазымдыр.
Биз истәјирик ки, һәм ајры-ајрылыгда, һәм дә јығынҹаг шәклиндә бу ән мүһүм мәрасимә — Иса Мәсиһин өлүмүнүн Хатирә Ҝеҹәсинә әсаслы сурәтдә һазырлашаг. Сөзсүз ки, Јеһова севимли оғлу Иса Мәсиһин гурбанлығы васитәсилә бәшәријјәт үчүн етдикләрини үрәкдән гијмәтләндирән һәр кәсә бол-бол хејир-дуа верәҹәк.