Руһани зијафәтә һазырлашмысанмы?
1. Адәтән зијафәт үчүн һансы һазырлыглар ҝөрүлүр?
1 Зијафәт үчүн чохлу һазырлыг ҝөрмәк тәләб олунур. Әрзаг алмаг, онлардан дадлы хөрәкләр биширмәк вә сонра јемәји сүфрәјә вермәк лазым ҝәлир. Јемәјин сүфрәјә верилмәси дә јахшы тәшкил олунмалыдыр. Бундан әлавә, зијафәтин кечириләҹәји јери дә һазырламаг лазымдыр. Һәмчинин гонаглар да буна һазырлашмалыдырлар, хүсусилә дә узаг јердән ҝәләҹәкләрсә. Ҝөрүләси иш чох олса да, достларла вә аилә үзвләри илә бирликдә дадлы, фајдалы јемәкләрдән зөвг алмаг үчүн бунлары етмәјә дәјәр. Тезликлә бүтүн дүнјада Јеһованын Шаһидләри бөјүк вә кичик груплар шәклиндә сәбирсизликлә ҝөзләдикләри руһани зијафәтдән — «Ојаг дурун!» адлы вилајәт конгресиндән һәзз алмаг үчүн топлашаҹаглар. Програмын вә башга шејләрин һазырланмасы үчүн артыг чох ишләр ҝөрүлмүшдүр. Бизим һамымыз бу зијафәтә дәвәт олунмушуг. Конгресдә иштирак етмәк вә мүмкүн гәдәр чох фајда әлдә етмәк үчүн биз өзүмүз дә һазырлашмалыјыг (Сүл. мәс. 21:5).
2. Руһани зијафәтин һәр тәамыны дадмаг үчүн нә тәләб олунур?
2 Мүмкүн гәдәр чох фајда әлдә ет. Ишләрини елә дүзүб-гошмусанмы ки, руһани зијафәтин һәр тәамыны дада биләсән? Әҝәр лазымдырса, конгресин һәр һиссәсиндә, еләҹә дә илк ҝүнүндә иштирак едәҹәјинә даир мүдријјәтә әввәлҹәдән мәлумат вер. Нәглијјат вә галаҹағын јерлә бағлы һазырлыг ҝөрмүсәнми? Ағсаггаллар диггәт јетирмәлидирләр ки, јашлыларын, зәифләрин, еләҹә дә, көмәјә еһтијаҹы олан башгаларынын гајғысына галынсын (Јер. 23:4; Галат. 6:10).
3. Дәвәт олунмамышыгса, бејнәлхалг конгресә нә үчүн ҝетмәмәлијик?
3 Бәзи јерләрдә бејнәлхалг конгресләр кечириләҹәк. Јадда сахла ки, бу мәрасимә мүәјјән јығынҹаглар вә әҹнәби нүмајәндәләр дәвәт олунмушлар. Бу һазырлыглары ҝөрәркән филиал јерләрин сајыны вә меһманханадакы јерләри нәзәрә алараг дәвәт едиләҹәк адамларын сајыны дәгигликлә һесабламышдыр. Тәблиғчиләр дәвәт олунмадыглары һалда бејнәлхалг конгресләрә ҝәлсәләр, һәддән артыг чох адам олаҹаг.
4. Һансы хатырлатмалар бизә һәр ҝүн програм башлајанда һазыр олмаға көмәк едәҹәк?
4 Конгресә һәр ҝүн кифајәт гәдәр тез ҝәл ки, програм башламаздан әввәл јер тапасан. Програм башламаздан әввәл бир нечә дәгигә әрзиндә програм вәрәгәсини нәзәрдән кечир. Бу, тәгдим олунаҹаг мәлуматы гәбул етмәк үчүн үрәјини һазырламаға көмәк едәҹәк (Езра 7:10, КМ). Програмын сәдри мусигинин сәсләнәҹәјини дејәндә, мусигијә гулаг ас вә сонра илк маһны вә дуаја һазыр ол.
5. Аиләмиз програмдан мүмкүн гәдәр чох неҹә фајдалана биләр?
5 Аилә үзвләри конгрес заманы бир јердә отурсалар, валидејнләр ушагларынын програма диггәтлә гулаг асыб-асмадығына нәзарәт едә биләҹәкләр (Ганун. т. 31:12). Һамы охунан ајәләри өз Мүгәддәс Китабында изләмәјә тәшвиг олунур. Гыса гејдләр апармаг диггәтини ҹәмләмәјә көмәк едә биләр. Сонралар, һәмин гејдләр чыхышлардакы әсас фикирләри хатырламаға көмәк едәҹәк. Програм заманы лазымсыз јерә данышма вә ја јериндән дурма. Әҝәр ҹиб телефонун варса, чалыш програм вахты нә сәнә, нә дә башгаларына мане олсун. Нә үчүн һәр ҝүн програмдан сонра хошуна ҝәлән фикирләри башгалары илә бөлүшмәјәсән?
6. Конгресләримизин диггәтәлајиг ҹәһәти нәдир вә бундан там мәнада неҹә зөвг ала биләрик?
6 Вилајәт конгресиндә баҹы-гардашларымызла дүнјада ҝөрмәдијимиз сых үнсијјәтдән һәзз алмаг имканымыз олур (Мәз. 133:1-3; Марк 10:29, 30). Нәјә ҝөрә наһар фасиләси заманы јанындакыларла таныш олмағы вә онларла сөһбәт етмәји гаршына мәгсәд гојмајасан? Јүнҝүлвари наһар ҝәтирмәјин вә фасилә заманы ресторана ҝетмәкдәнсә, конгрес кечирилән јердә галмағын үстүн ҹәһәтләриндән бири дә будур. Гаршылыглы руһланмаг үчүн белә бир имканы әлдән бурахма (Ром. 1:11, 12).
7. Ҝејинәҹәјимиз палтарларла бағлы һансы һазырлыглары етмәлијик?
7 Ҝејим. Диггәтәлајигдир ки, Јеһова исраиллиләрә палтарларынын әтәкләринә готаз тикмәји вә готазларын үзәринә бәнөвшәји гајтан салмағы әмр етмишди (Сај. 15:37-41). Буну ҝөрәндә јадларына дүшүрдү ки, онлар Јеһоваја ибадәт етмәк үчүн ајрылмыш халгдырлар. Конгресдә оларкән ләјагәтли, әдәбли ҝејимимиз бизи дә бу дүнјадан фәргләндирир. Бу, һәтта програмдан сонра јемәк үчүн ресторана ҝедәндә дә, бизи мүшаһидә едәнләрә ҝүҹлү шаһидлик едир. Буна ҝөрә дә нә ҝејинәҹәјинизи габагҹадан јахшыҹа өлчүб-бичин.
8. Конгрес кечирилән шәһәрдә башгаларына неҹә шаһидлик едә биләрик?
8 Шаһидлик ет. Габагҹадан бир аз планлашдырсаг, конгрес кечирилән шәһәрдә инсанлара тәблиғ едә биләрик. Програмдан сонра һәјат јолдашы илә ресторана ҝедән бир гардаш плакети ҝөстәрәрәк офисиантдан сорушмушду: «Фикир вермисинизми, нә гәдәр адам бу плакетдән тахыб?» Офисиант фикир вердијини вә онларын нә үчүн плакет тахдығы илә марагландығыны демишди. Бу, сөһбәтә јол ачмыш вә гардаш ону конгресә дәвәт етмишди.
9. Бизи гонаг дәвәт едән Јеһоваја миннәтдарлығымызы неҹә нүмајиш етдирә биләрик?
9 Нитгләри, мүсаһибәләри вә сәһнәҹикләри гардашлар тәгдим етсәләр дә, бу иллик руһани зијафәти бизим үчүн мәһәббәтлә һазырлајан сәмави Атамыз Јеһовадыр (Јешаја 65:13, 14). Конгресин һәр ҝүнүндә олмагла вә тәгдим олунан руһани гиданын һәр тикәсини дадмагла бизи гонаг дәвәт Едәнә миннәтдарлығымызы нүмајиш етдирәҹәјик. Бунун үчүн бүтүн һазырлыглары ҝөрүб гуртармысанмы?