Әҝәр кимсә дејирсә...

«Мүгәддәс Китаб јахшы китабдыр, анҹаг мүтләг һәгигәт мөвҹуд дејил»

Белә ҹаваб вермәк олар: «Дүздүр, һәр бир инсанын өз фикри вар. Һәтта бәзән инсана елә ҝәлә биләр ки, һәр шеји өлчүб-бичиб, анҹаг чох вахт ајдын олур ки, нәји исә нәзәрдән гачырыб. Анҹаг елә бир Шәхс вар ки, Онун имканлары мәһдуд дејил. Неҹә дүшүнүрсүнүз, бу, ким ола биләр? ... Бәли, Бәли, бу, Каинатын Јараданыдыр». Сонра әлавә етмәк олар: 1) «Буна ҝөрә дә, Иса пејғәмбәр Аллаһа демишди: “Сәнин сөзүн һәгигәтдир” (Јәһ. 17:17). Бу һәгигәт Мүгәддәс Китабдадыр (2 Тим. 3:16,17)». 2) «Аллаһ бизим ҹаһилликдә јашамағымызы истәмир. Чүнки О Өзү дејир ки, һәр ҹүр инсанын хилас олуб һәгигәт барәсиндә дәгиг билијә јијәләнмәсини истәјир (2 Тим. 2:3, 4). Мүгәддәс Китабда нөвбәти суаллара дәгиг вә инандырыҹы ҹаваблар верилир...» (Бәзи инсанларла әввәлҹә Аллаһын мөвҹудлуғунун сүбутларыны арашдырмаг јахшы оларды. 63—70-ҹи сәһифәләрдәки «Аллаһ» башлығы алтындакы мәгаләјә вах.)