Тәблиғ етмәјимизин он ики сәбәби
Нәјә ҝөрә биз хош хәбәри евдән-евә тәблиғ едир вә инсанлара Мүгәддәс Китабы өјрәдирик? Әсас етибарилә, сәмими инсанлара һәјата апаран јолу тапмаға көмәк етмәк үчүнмү? (Мат. 7:14). Бу, ашағыда ҝәтирилән 12 сәбәбдән биринҹисидир, лакин ән әсасы дејил. Сәнҹә, онлардан һансы даһа ваҹибдир?
1. Тәблиғ етмәјимиз инсанлара хилас олмаға көмәк едир (Јәһ. 17:3).
2. Писләр Аллаһын һөкмләри барәдә хәбәрдарлыг алырлар (Јез. 3:18, 19).
3. Бунунла Мүгәддәс Китаб пејғәмбәрлији јеринә јетир (Мат. 24:14).
4. Фәалијјәтимиз Јеһованын әдаләтли Аллаһ олдуғуну ҝөстәрир. Бундан сонра һеч кәс Јеһованы писләри төвбә етмәјә имкан вермәдән мәһв етмәкдә иттиһам едә билмәз (Һәв. иш. 17:30, 31; 1 Тим. 2:3, 4).
5. Бунунла биз Исанын ганы илә сатын алынан инсанлара руһани көмәклик ҝөстәрмәк борҹумузу јеринә јетиририк (Ром. 1:14, 15).
6. Башгаларынын ганына ҝөрә мәсулијјәт үзәримиздән ҝөтүрүлүр (Һәв. иш. 20:26, 27).
7. Бу, хилас олунмағымызын шәртләриндән биридир (Јез. 3:19; Ром. 10:9, 10).
8. Инсанлара олан мәһәббәтимизин тәзаһүрүдүр (Мат. 22:39).
9. Бунунла биз Јеһоваја вә Онун Оғлуна итаәт етдијимизи ҝөстәририк (Мат. 28:19, 20).
10. Ибадәтимизин бир һиссәсидир (Ибр. 13:15).
11. Бизим Аллаһа олан севҝимизин тәзаһүрүдүр (1 Јәһ. 5:3).
12. Јеһованын адынын мүгәддәс тутулмасына хидмәт едир (Јешаја 43:10—12; Мат. 6:9).
Дүздүр, бунлар тәблиғ етмәјимизин сәбәбләринин һамысы дејил. Бундан әлавә, тәблиғ хидмәти иманымызы мөһкәмләндирир, һәм дә Аллаһла әмәкдашлыг етмәк имканы верир (1 Кор. 3:9). Лакин бизим тәблиғ етмәјимизин ән ваҹиб сәбәби 12-ҹи сәбәбдир. Инсанларын мүнасибәтиндән асылы олмајараг, тәблиғ фәалијјәтимиз Аллаһын адынын мүгәддәс тутулмасына хидмәт едир вә Јеһоваја Она истеһза едәнин ҹавабыны вермәјә көмәк едир (Сүл. мәс. 27:11). Бәли, хош хәбәри дурмадан бәјан етмәк вә инсанлары өјрәтмәк үчүн бизим әсаслы сәбәбләримиз вар (Һәв. иш. 5:42).