Еффектив тәгдимәләрдән истифадә ет
1. Еркән мәсиһчиләрин тәблиғ етмәк үсулларындан нә өјрәнә биләрик?
1 Еркән мәсиһчиләр хош хәбәри мүхтәлиф мәдәнијјәтләрдән вә динләрдән олан инсанлара тәблиғ едирдиләр (Колос. 1:23). Онларын чатдырдыглары хәбәр бир шеј һагда — Аллаһын Падшаһлығы һагда олса да, тәблиғ етмәк үсуллары онлары динләјән инсанлара ҝөрә дәјиширди. Мәсәлән, Мүгәддәс Јазылара дәрин һөрмәт бәсләјән јәһудиләрлә сөһбәт едәркән Петер нитгинә Јоелин пејғәмбәрлијиндән ситат ҝәтирәрәк башламышды (Һәв. иш. 2:14—17). Јахуд да Һәвариләрин ишләри 17:22—31 ајәләриндә јазылдығы кими, Павелин јунанлыларла неҹә сөһбәт етдијинә диггәт јетирмәк олар. Бу ҝүн дә бәзи јерләрдә инсанлар Мүгәддәс Китаба һөрмәтлә јанашырлар, буна ҝөрә дә евдән-евә тәблиғ едәркән тәрәддүд етмәдән она истинад едә биләрик. Анҹаг Мүгәддәс Китаба вә ја динә марағы олмајан, јахуд христиан дининә мәнсуб олмајан кәсләрлә сөһбәт едәркән даһа еһтијатлы олмалыјыг.
2. Мүгәддәс Китаба мараг ҝөстәрәнләрә вә ҝөстәрмәјәнләрә көмәк етмәк үчүн әдәбијјатлардан неҹә истифадә едә биләрик?
2 Әдәбијјатлардан еффектив шәкилдә истифадә ет. Бу хидмәт илиндә тәгдим едәҹәјимиз әдәбијјатлар һәр ики ајдан бир дәјишдириләҹәк вә журналлара, трактатлара, еләҹә дә брошүралара диггәт јетириләҹәк. Һәтта, адәтән, әразимиздә инсанлар Мүгәддәс Китаба мараг ҝөстәрмәсәләр дә, биз онлары марагландыран шејләр барәдә даныша биләрик. Илк башчәкмәдә ајә охумамаг вә ја Мүгәддәс Китаба истинад етмәмәк олар. Анҹаг ев саһиби мараг ҝөстәрибсә, биз она тәкрар баш чәкиб Јарадана вә Онун Кәламына иманыны артыра биләрик. Инсанларын Мүгәддәс Китаба һөрмәт етдији бир әразидә хидмәт едириксә, биз әдәбијјатлардан вә онлара мүвафиг тәгдимәләрдән истифадә едә биләрик. Әслиндә, һәмин ај һансы әдәбијјатын тәгдим олунмасындан асылы олмајараг, биз Мүгәддәс Китабы өјрәнмәк үчүн нәзәрдә тутулан китабы, «Аллаһын сөзүнә гулаг ас» вә ја «Аллаһын сөзүнә гулаг ас вә әбәдијјән јаша» брошүраларыны истәнилән заман тәклиф едә биләрик. Ән ваҹиби, сәмәрәли тәгдимәләрдән истифадә етмәкдир.
3. Инсанларын үрәји һансы мәнада торпаға бәнзәјир?
3 Зәмин һазырлајын. Инсан үрәји илә торпаг арасында чох охшарлыг вар (Лука 8:15). Елә торпаг вар ки, Мүгәддәс Китабын һәгигәт тохумунун көк салыб бөјүмәси үчүн ону јахшы-јахшы һазырламаг лазымдыр. Биринҹи әсрдәки мүждәчиләр сәмәрәли шәкилдә һәр ҹүр торпағы әкиб-беҹәрирдиләр. Бу да онлара севинҹ вә мәмнунлуг ҝәтирирди (Һәв. иш. 13:48, 52). Тәблиғ етмәк үсулларымыза диггәт јетирмәклә ејнилә биз дә севинҹ дада биләрик.