«... ајында пајланаҹаг журналлары тәгдим етмәјин үсуллары»
Һәр ај Хидмәти ҝөрүшдә журналлары тәгдим етмәклә бағлы бәнд олур. Бу бәндин мәгсәди садәҹә журналларын мәзмунуну ҝөздән кечирмәк дејил. Әксинә, бу бәнд журналлары неҹә тәгдим етмәјә даир динләјиҹиләрин тәклифләрини мүзакирә етмәк үчүн нәзәрдә тутулуб. Буна ҝөрә дә, тәлиматлара әсасән, бу бәнди апаран гардаш журналлара мараг ојатмаг үчүн гысаҹа ҝириш етмәлидир. Сонра о, һамынын мүзакирәни изләмәси вә истифадә етмәк истәдикләри фикирләри гејд етмәси үчүн бир-бир тәблиғчиләрин һәр һансы мәгалә илә (јахуд силсилә мәгаләләрлә) бағлы тәклифләрини динләјир. Динләјиҹиләри бир тәгдимәни башдан ајаға кими демәјә тәшвиг етмәкдәнсә, онларда мараг ојадаҹаг суаллар вермәклә бир нечә шәрһ вермәјә тәшвиг ет вә сонра охујаҹағын бәзи ајәләрә шәрһ вермәји хаһиш ет. Сонда һәр журнал үчүн сәһнәҹик тәшкил ет. Биз јығынҹаға ҝәлмәздән әввәл журналлары арашдырмалы вә өз тәклифләримизи вермәјә һазыр олмалыјыг. Әҝәр һамы јахшы һазырлашса, онда бу бәнд бизә бир-биримизи итиләмәјә көмәк едәҹәк (Сүл. мәс. 27:17).