Һадисәләр
◼ Австралија. Ҹон адлы али тәһсилли бир киши ушаглыгдан килсәјә ҝетсә дә, сонрадан «гаты атеист» олмушду. Бир дәфә пионер бир гардаш она «Һәјат неҹә јараныб?» брошүрасыны вермишди, нөвбәти дәфә ҝәләндә исә «Һәјатын әмәлә ҝәлмәси» (рус.) брошүрасыны сахламышды. Гардаш һәмин адамын марағыны артырмаг үчүн мүнтәзәм олараг журналларымызын сон сајларыны ҝәтирир вә онун диггәтини јарадылыш вә ја Мүгәддәс Китаб пејғәмбәрликләри илә бағлы мәгаләләрә јөнәлдирди. Ҹонун артыг һазыр олдуғуну баша дүшәндә гардаш она «Мүгәддәс Китаб — Аллаһын Кәламыдыр, јохса инсанын?» (рус.) китабыны тәклиф етди. Ҹон китабы охујуб гуртардыгдан сонра өзүнү «јарыагностик» һесаб етмәјә башлады. Сонра гардаш она «Мүгәддәс Китаб өјрәдир» китабынын 20-ҹи сәһифәсиндәки 8-ҹи абзасы вә 23, 24-ҹү сәһифәләрдәки 13—16-ҹы абзаслары ҝөстәрди. Мөвзуда ҝәтирилән ајәләр Ҹона елә ҝүҹлү тәсир бағышлады ки, нәтиҹәдә, о деди: «Бәлкә, Мүгәддәс Китаба даһа бир шанс верим».
◼ Мексика. Бир киши гардаша Мүгәддәс Китабын Аллаһын Кәламы олдуғуна инанмадығыны деди. Гардаш һәмин кишијә Мүгәддәс Китабын Аллаһдан илһам алдығына даир сүбутлар ҝәтирмәк истәдијини билдирди. Бир нечә дәфә сөһбәт етдикдән сонра Мүгәддәс Китабдан өјрәндикләри кишинин үрәјинә тәсир етмәјә башлады. Аллаһын нормалары һаггында өјрәндикләри ону хүсусилә риггәтә ҝәтирди. О, гардаша деди: «Илк дәфә Мүгәддәс Китабы сәнинлә бирликдә охумаға башлајанда орада јазыланлар мәнә ади китаблардакы мәсләһәтләр кими ҝәлирди вә һеч бир тәсир бағышламырды. Инди охујанда исә, хүсусилә дә әхлаг нормалары һаггындакы мәсләһәтләр үрәјими јарыб кечир».
◼ Бирләшмиш Штатлар. Ири шәһәрләрдән бириндә хүсуси иҹтимаи шаһидлик заманы бир ҹүтлүк Тајвандан олан бир гадынла таныш олду. Һәмин гадын Аллаһын мөвҹудлуғуна инанса да, Мүгәддәс Китабын гәрбдә јашајан инсанлар үчүн олдуғуну дүшүнүрдү. О, фираван һәјат сүрмәсинә бахмајараг, һәјатында бошлуг һисс етдијиндән онларын әдәбијјат стендинә јахынлашды. О үмид едирди ки, Мүгәддәс Китаб она һәјатын мәнасыны тапмаға көмәк едәҹәк. Ҹүтлүк «Мүгәддәс Китаб өјрәдир» китабы илә јанашы, «Әбәди сүлһ вә хошбәхтлији неҹә тапмаг олар?» брошүрасындан (рус.) истифадә едәрәк өјрәнмә башлады. Китабын 2-ҹи фәслини арашдырмаг әвәзинә, онлар брошүранын «Бүтүн бәшәријјәт үчүн фајдалы рәһбәрлик» башлығы алтындакы мөвзуну мүзакирә етдиләр. Илк алты абзасы арашдырдыгдан сонра гадын һејрәтлә билдирди ки, диҝәр дини китабларла мүгајисәдә Мүгәддәс Китаб олдугҹа надир китабдыр. Јеринә јетмиш Мүгәддәс Китаб пејғәмбәрликләрини мүзакирә етдикдән сонра о демишди: «Мәнҹә, башга һеч бир китаб Мүгәддәс Китаб гәдәр дәгиг ола билмәз!»
◼ Јапонија. Ев саһиби Аллаһа инанмадығыны десә дә, гардаш она тәкрар баш чәкмәјә давам едир вә «Ојанын!» журналындан «Тәкамүл, јохса јарадылыш мөҹүзәси?» адлы рубрикадакы мәгаләләри онунла бөлүшүрдү. Тәдриҹән һәмин инсан өз нөгтеји-нәзәрини дәјишди вә етираф етмәјә башлады ки, Јарадан мөвҹуд ола биләр. Инди о Аллаһын варлығына инаныр вә гардаш онунла «Илаһи мүждә» брошүрасыны арашдырыр.
◼ Канада. Бир баҹы евдән чыхыб машынына доғру ҝедән бир гадына журналларымызын сон сајыны тәклиф етмишди. Сонрадан баҹы тәкрар баш чәкәркән гадын гәти шәкилдә билдирди ки, о, бунунла марагланмыр вә Аллаһа инанмыр. Баҹы тәслим олмамаг гәрарына ҝәлди вә она «Һәјатда мәмнунлуғу неҹә тапмаг олар?» адлы брошүраны (рус.) ҝәтирди. Баҹы гадыны евдә тапанда она деди ки, Аллаһа инанмадығыны билир, амма өвладыны тәк бөјүтдүјү үчүн онун барәсиндә фикирләшиб. Баҹы брошүранын 4-ҹү сәһифәсиндәки 6-ҹы абзасы гадына ҝөстәрди. Орада фајдалы мәсләһәти һарадан тапмағын мүмкүн олдуғу мүзакирә едилирди. Сонра о, гадына 2-ҹи дәрсдән ушагларын тәрбијәси илә бағлы мәсләһәтләри охумағы тәклиф етди. Гадын бөјүк мәмнунијјәтлә брошүраны ҝөтүрдү.