Ағзына су алыб дурма
1. Хидмәтдә башгалары илә әмәкдашлыг едәркән һәвари Павелин нүмунәсини неҹә тәглид едә биләрик?
1 Һәвари Павел һәмиманлылары илә кечирдији вахта бир-бирләрини руһландырмаг имканы кими бахырды (Ром. 1:12). Бәс сән хидмәтдә киминләсә әмәкдашлыг едәндә бу вахтдан ону руһландырмаг вә она көмәк етмәк үчүн истифадә едирсәнми? Ағзына су алыб дурмаг әвәзинә, нијә дә хидмәтдә еффектив олмагда сәнә нәјин көмәк етдији барәдә данышмајасан?
2. Хидмәтдә әмәкдашымызын әминлијини неҹә мөһкәмләндирә биләрик вә бу нә үчүн ваҹибдир?
2 Әминлијини мөһкәмләндир. Бәзи тәблиғчиләрдә өзләринә әминлик јохдур, бу да онларын үз ифадәсиндә вә сәс тонунда әкс олуна биләр. Онларын әминлијини мөһкәмләндирмәк үчүн сәмими-гәлбдән тәрифләјә биләрик. Инсанын әминлијини даһа неҹә мөһкәмләндирмәк олар? Бир сәјјар нәзарәтчи горхдуғу шејләр вә онларын өһдәсиндән ҝәлмәк үчүн тез-тез дуа етдији барәдә өз әмәкдашы илә сәмими бөлүшүр. Башга бир гардаш она әминлијини горумаға нәјин көмәк етдијини белә ифадә едир: «Илк аддым ҝүлүмсәмәкдир. Мән бәзән бунун үчүн дуа едирәм». Хидмәтдә сәнә әминлијини мөһкәмләндирмәјә көмәк едән нәсә олуб? Буну хидмәтә чыхдығын әмәкдашынла бөлүш.
3. Әмәкдашымызын хидмәтдә еффектив олмасы үчүн онунла нәји бөлүшә биләрик?
3 Тәҹрүбәни бөлүш. Сөһбәтә сәмәрәли шәкилдә башламаг үчүн јерли әразидә баш вермиш һәр һансы һадисә илә бағлы садә ҝириш сөзләр вә ја суал фикирләшиб тапмысан? Нүмунә үчүн олан тәгдимәләрә өз әлавәни едәрәк јахшы нәтиҹәләр әлдә етмисән? Буну әмәкдашынла бөлүш (Сүл. мәс. 27:17). Тәкрар башчәкмәјә ҝедәркән јолда әмәкдашына планларын вә буна неҹә наил олмаг истәдијин барәдә даныш. Киминләсә Мүгәддәс Китаб өјрәнмәси кечириб гуртардыгдан сонра исә мүәјјән фикри, ајәни вә ја тәлим үсулуну нә үчүн өјрәнәнин тәләбатына тәтбиг етмәк гәрарына ҝәлдијинин сәбәбини изаһ едә биләрсән.
4. Нәјә ҝөрә биздә һәмиманлыларымыза хидмәт ишиндә көмәк етмәк истәји олмалыдыр?
4 Биринҹи әсрдәки мүждәчиләр тәкҹә иманда олмајанлара көмәк етмәклә кифајәтләнмирдиләр. Онлар һәмчинин бир-бирләрини руһландырмағын вә мөһкәмләндирмәјин ваҹиб олдуғуну дүшүнүрдүләр (Һәв. иш. 11:23; 15:32). Һәвари Павел ҝәнҹ Тимотејә тәлим вердикдән сонра өјрәндикләрини башгалары илә бөлүшмәјә тәшвиг етмишди (2 Тим. 2:2). Хидмәтдә оларкән һәмиманлыларымыза јахшылыг етмәклә биз јалныз онларын севинҹини вә еффективлијини артырмырыг, һәмчинин сәмави Атамызы разы салмыш олуруг (Ибр. 13:15, 16).