Мүгәддәс Китаб өјрәнмәләринә башламаг үчүн јени видео
jw.org сајтында јерләшән «Мүгәддәс Китабы өјрәнмәк нәјә ҝөрә ваҹибдир?» адлы гысаметражлы видео бир чох инсанлар үчүн әлчатандыр. Бу видео марагланан инсанларын пулсуз Мүгәддәс Китаб өјрәнмәсини гәбул етмәләри үчүн нәзәрдә тутулуб. Бу видеону ана сәһифәдән «Мүгәддәс Јазылары өјрәнмәк истәјирсиниз?» линкинә дахил олмагла вә ја јени трактатларын ахырынҹы сәһифәсиндә јерләшән QR коду скан етмәклә тапа биләрсиниз. Ашағыдакы бәзи үсулларын көмәклији илә биз бу видеону сәмәрәли истифадә едә биләрик.
Тәкрар башчәкмә едәркән ев сакининә белә дејә биләрсиниз: «Олар, мән сизә бир гысаметражлы видео ҝөстәрим? Орада суалларынызын ҹавабыны һарадан тапа биләҹәјиниз изаһ олунур». Етираз етмәсә, бу видеону өз мобил телефонунуз вә ја онун компүтериндән ҝөстәрә биләрсиниз.
Гејри-рәсми вә ја иҹтимаи тәблиғдә јени трактатлардан һәр һансы бирини верәркән онда олан QR коду ҝөстәр вә тәклиф ет ки, ону өз телефону васитәсилә скан етсин. Бу видеону бир чох дилләрдә QR код васитәсилә бирбаша сајтымыздан тапмаг олар. Ола билсин, сәнин мобил телефонунла бу видеоја бахмаг мүмкүн олсун.
Иш јолдашларына, синиф јолдашларына, гоһумларына вә диҝәр танышларына бу видео һагда даныш вә онлара она бахмағы тәклиф ет. Јахуд өзләри бахсынлар дејә е-маиллә бу видеонун линкини ҝөндәр.
Бу јени мәһсулу истифадә етмәклә биз «үрәјиндә әбәди һәјата дүзҝүн мејли оланларын» чоху илә Мүгәддәс Китаб өјрәнмәсинә башлаја биләрик (Һәв. иш. 13:48).