Пејғәмбәрләрдән нүмунә ҝөтүрүн — Сефанја
1. Сефанја һансы шәраитдә пејғәмбәрлик едирди вә биз ондан һансы нүмунәни ҝөтүрә биләрик?
1 Ерамыздан әввәл једдинҹи әсрин орталары иди. Баала ибадәт Јәһуданы бүрүмүшдү. Тәзәҹә өлдүрүлмүш залым падшаһ Амонун јеринә ҝәнҹ Јошија падшаһ сечилмишди (2 Салн. 33:21—34:1). Һәмин дөврдә Јеһова һөкм хәбәрини бәјан етмәси үчүн Сефанја пејғәмбәри ҝөндәрди. Сефанја Јәһуданын падшаһ нәслиндән олса да, Јеһованын Јәһуда башчыларына чыхардығы һөкм хәбәрини јумшалтмады (Сеф. 1:1; 3:1—4). Биз дә, Сефанја кими, ҹәсарәтли олмалы вә гоһумларымызын Јеһоваја ибадәтимизә мане олмасына јол вермәмәлијик (Мат. 10:34—37). Сефанја һансы хәбәри бәјан едирди вә бунун нәтиҹәси нә олду?
2. Јеһованын гәзәб ҝүнүндән гуртулмаг үчүн нә етмәлијик?
2 Јеһоваја мејил сал. Јалныз Јеһова Өз гәзәб ҝүнүндән инсанлары һифз едә биләр. Буна ҝөрә дә Сефанја Јәһуда халгыны, нә гәдәр ки ҝеҹ дејил, Јеһоваја, салеһлијә вә итаәткарлыға мејил салмаға тәшвиг едирди (Сеф. 2:2, 3). Бу, бизим ҝүнләрдә дә зәруридир. Сефанја кими, биз дә инсанлары Јеһоваја мејил салмаға тәшвиг едирик. Ејни заманда, өзүмүз дә «Рәббин јолундан» һеч вахт дөнмәмәк үчүн гәтијјәтли олмалыјыг (Сеф. 1:6). Биз Јеһоваја мејил салдығымызы Онун Кәламыны дәриндән арашдырмагла вә бизә јол ҝөстәрмәси үчүн дуа етмәклә ҝөстәрә биләрик. Салеһлијә мејил салдығымызы әхлаги ҹәһәтдән тәмиз һәјат сүрмәклә нүмајиш етдирә биләрик. Итаәткарлыға мејил салдығымызы исә һәлимлик руһу јетишдирмәклә вә Јеһованын тәшкилатынын рәһбәрлијинә дәрһал һај вермәклә ҝөстәрә биләрик.
3. Нә үчүн хидмәтдә мүсбәт әһвал-руһијјәни горумалыјыг?
3 Үрәкачан нәтиҹәләр. Сефанјанын чатдырдығы һөкм хәбәринә аз адам һај версә дә, бу хәбәр һәлә ушаглыгдан Јеһованы ахтармаға башлајан ҝәнҹ Јошијаја даһа чох тәсир етмишди. Јошија өлкәдән бүтпәрәстлијин көкүнү кәсмәк үчүн ҹәсарәтлә ислаһатлар апармышды (2 Салн. 34:2—5). Бу ҝүн дә Падшаһлыг тохумундан бәзиләри јол кәнарына, дашлыға вә ја тиканлыға дүшсә дә, бәзиләри мүнбит торпаға дүшәрәк бол-бол бар верир (Мат. 13:18—23). Әминик ки, Јеһова Падшаһлыг тохумларыны сәпмәк ишимизи индән белә дә хејир-дуаландыраҹаг (Мәз. 126:6).
4. Нә үчүн Јеһованы ҝөзләмәлијик?
4 Бәзи јәһудиләрә елә ҝәлирди ки, Јеһова һеч вахт һәрәкәтә кечмәјәҹәк. Амма Јеһова гәти олараг билдирмишди ки, Онун бөјүк ҝүнүнә аз галыб (Сеф. 1:12, 14). Вә јалныз Она пәнаһ ҝәтирәнләр гуртула биләрди (Сеф. 3:12, 17). Буна ҝөрә дә ҝәлин Јеһованы ҝөзләдијимиз мүддәтдә Уҹа Аллаһымыза чијин-чијинә хидмәт едәк! (Сеф. 3:8, 9).