«Јеһованын Шаһидләри нә үчүн евдән-евә тәблиғ едирләр?»

Белә ҹаваб вермәк олар: «Мүгәддәс Јазыларда бизим ҝүнләрдә баш верән бу фәалијјәт һагда әввәлҹәдән дејилмишди: “Падшаһлыг һаггындакы бу хош хәбәр милләтләрин һамысына шәһадәт олсун дејә, бүтүн јер үзүндә тәблиғ едиләҹәк вә сон о вахт ҝәләҹәк”. Иса пејғәмбәр һәмчинин демишди: “Ҝедин вә бүтүн милләтләрин ичиндә шаҝирд һазырлајын” (Мат. 24:14; 28:19)».

Јахуд белә демәк олар: «Иса пејғәмбәр шаҝирдләрини тәблиғә ҝөндәрәркән инсанларын евләринә ҝетмәји тапшырырды (Мат. 10:7, 11—13). Онун бир шаҝирди өз хидмәти һагда белә демишди: “Бүтүн фајдалы шејләр һаггында сизә данышмагдан, сизи инсанлар гаршысында, евдән-евә өјрәтмәкдән бојун гачырмадым”». (Һәв. иш. 20:20, 21, һәмчинин Һәвариләрин ишләри 5:42 ајәсинә бах.)

Башга үсул: «Јеһованын Шаһидләринин чатдырдығы хәбәр инсанларын һәјаты илә бағлыдыр, она ҝөрә дә онлар чалышырлар ки, буну һамы билсин (Сеф. 2:2, 3). Онлар буну Аллаһа вә инсанлара мәһәббәтдән ирәли ҝәләрәк едирләр».