Нүмунә үчүн тәгдимәләр

Нә үчүн бу гәдәр чох дин вар?

«Инсанлар анаданҝәлмә Аллаһа еһтијаҹ дујурлар (Мәтта 5:3). Бу еһтијаҹларыны тәмин етмәк үчүн инсанлар чохлу дин јаратмышлар вә бу динләр дә Аллаһдан чох инсан фикирләринә әсасланыб». Сонра әлавә етмәк олар: «Мәсәлән, Мүгәддәс Китабда биринҹи әсрдә мөвҹуд олан бир дини групдан бәһс едилир: Онлар Аллаһын гејрәтини чәкирдиләр, анҹаг буну дәгиг билијә әсасланараг етмирдиләр. Онлар Аллаһын салеһлик мејарларына табе олмурдулар, чүнки Онун салеһлик мејарларыны дәрк етмирдиләр, әвәзиндә өз салеһлик мејарларыны тәсис етмәк истәмирдиләр (Ромалылара 10:2, 3). Ејнилә, бу ҝүн дә әксәр динләрин “өјрәтдикләри ади инсан әмрләридир” (Марк 7:7)».

Аллаһын сизин үчүн ирадәси нәдән ибарәтдир?

«Аллаһын ирадәси ондан ибарәтдир ки, сиз Онунла јахындан таныш оласыныз. Она јахынлашасыныз вә Ону бүтүн үрәјинизлә севиб Она хидмәт едәсиниз (Мәтта 22:37, 38; Јагуб 4:8). Сиз Аллаһын ирадәсини неҹә јеринә јетирә биләҹәјинизи Иса Мәсиһин һәјатындан вә тәлимләриндән өјрәнә биләрсиниз (Јәһја 7:16, 17). Иса пејғәмбәр јалныз Аллаһын ирадәси һагда данышмырды, о һәм дә буна ујғун јашајырды. О демишди ки, һәјатда мәгсәди өзүнүн јох, ону ҝөндәрәнин ирадәсини јеринә јетирмәкдир (Јәһја 6:38)».