Тәҹрүбәли тәблиғчиләрдән өјрән
Биз јығынҹагдакы тәҹрүбәли тәблиғчиләри чох гијмәтләндиририк. Онлардан бәзиләри узун илләрдир Јеһоваја сәдагәтлә хидмәт едирләр. Еләләри дә вар ки, һәгигәт јолунда чохдан олмасалар да, мәһарәтлә хидмәт едирләр. Бу тәблиғчиләр Иса Мәсиһин ахырзаманда тәблиғ вә шаҝирд һазырламаг ишини ҝенишләндирәрәк мәсиһи јығынҹағына неҹә рәһбәрлик етдијини ҝөрүбләр (Мәт. 28:19, 20). Онлар чәтинлик вә сынаглара бахмајараг, бу хидмәтдә иштирак едәркән «инсан ҝүҹүндән үстүн олан» ҝүҹү алыблар (2 Кор. 4:7). Бу мәтин тәблиғчиләрдән чох шеј өјрәнмәк олар. Онлардан сорушанда онлар мәмнунијјәтлә өз өјрәндикләрини башгалары илә бөлүшүрләр (Зәб. 71:18). Буна ҝөрә дә онларын тәҹрүбәләриндән бәһрәләнмәк үчүн өзүмүз аддым атмалыјыг. Буну неҹә едә биләрик?
Хидмәтдә. Мәһарәтлә хидмәт етмәк үчүн јени, јахуд аз тәҹрүбәли тәблиғчиләрә көмәк лазымдыр. Јеткин тәблиғчиләрин неҹә хидмәт етдикләрини мүшаһидә етмәклә онлардан чох шеј өјрәнмәк олар. («Ҝөзәтчи гүлләси» журналынын 2015-ҹи ил 15 феврал сајындакы «Хидмәтә шөвглү ол» адлы мәгаләнин «Тәҹрүбәси аз оланлара көмәк» јарымбашлығы алтындакы үчүнҹү абзаса бах.) Белә тәблиғчиләрлә хидмәт етмәјин сәнә һансы фајдасы олуб?
Мәһарәтли тәблиғчи илә хидмәтдә әмәкдашлыг едә биләрсән. Әҝәр һәмин тәблиғчинин сәһһәтиндә проблем варса, Мүгәддәс Китабы өјрәтдијин адамлардан биринә вахташыры онун евиндә дәрс кечә биләрсиниз. Дәрсдән сонра тәблиғчидән хаһиш ет ки, сәнә мәсләһәт версин.
Онларла вахт кечир. Тәҹрүбәли тәблиғчиләрлә вахт кечирәрәк онларла таныш ол. Онлары аиләви ибадәтә дәвәт ет вә өзләри һагда суаллар вер. Әҝәр тәблиғчинин сәһһәтиндә проблем варса, аиләви ибадәтини онун евиндә кечирмәји тәклиф ет. Ондан һәгигәтә неҹә ҝәлдијини, һансы хејир-дуалар алдығыны, јашадығы јердә һансы инкишафы өз ҝөзләрилә ҝөрдүјүнү, хидмәтдә ону нәјин севиндирдијини соруш.
Амма дүшүнмә ки, онлар һәр саһәдә сәнә көмәк едә биләрләр. Һәр биримиз кими, узун мүддәт хидмәт едән тәблиғчиләрин дә баҹарыг вә габилијјәтләри мүхтәлифдир (Ром. 12:6—8). Бәзиләри јашлыдыр вә буна ҝөрә дә бизә чох вахт ајыра билмирләр. Буна бахмајараг, Јеһоваја сәдагәтлә хидмәт едән бу баҹы-гардашларын тәҹрүбәсиндән чох шеј өјрәнә биләрик.