Хидмәтдә JW.ORG сајтынын визит картларындан истифадә едирсиниз?

Бөјүк мүсибәт сүрәтлә јахынлашдығы үчүн тәблиғ ишини тәхирә салмаг олмаз (Мс 24:11, 12, 20). Инсанлара мүждәни чатдырмаг үчүн JW.ORG сајтынын визит картларындан истифадә едәрәк онларын диггәтини Аллаһын Кәламына вә сајта јөнәлдә биләрик. Картын үзәриндәки QR код инсаны «Мүгәддәс Китабы өјрәнмәк нәјә ҝөрә ваҹибдир?» адлы видеоја јөнәлдир, һәмин сәһифәдә һәмчинин зијарәтчијә әлавә мәлумат алмаг вә Мүгәддәс Китаб дәрси тәклиф олунур. Бәзи инсанлар бизим әдәбијјатлары охумаға һәвәсли олмасалар да, сајтымыза дахил олмаға етираз етмирләр. Одур ки, бу ҹүр инсанлара визит картлары тәклиф един. Амма картлары мараг ҝөстәрмәјән инсанлара вермәк лазым дејил.

Ҝүндәлик ишләрлә мәшғул оланда визит карты тәклиф етмәк үчүн белә демәк олар: «Бу визит карты сизә вермәк истәјирәм. Бурада ҝөстәрилән сајтда мүхтәлиф мөвзулара һәср олунмуш мәлумат вә видеолар јерләшир. Сајтдакы бүтүн мәлуматлары пулсуз әлдә едә биләрсиниз» (Јһ 4:7). Бу картлар кичик өлчүдә олдуғу үчүн һәмишә үстүнүздә бир нечә әдәд ҝөтүрә вә имкан јарананда инсанлара тәклиф едә биләрсиниз.