Сөһбәт планындан неҹә истифадә етмәли?

2018-ҹи илин јанварындан «Мәсиһи һәјаты вә ибадәти. Иш дәфтәри»нин өн сәһифәсиндә «Сөһбәт планы» дәрҹ олунур. Онлардан неҹә истифадә етмәк олар?

Тапшырыг аланда. Сөһбәт планындакы суалдан, ајәдән вә кечиддән истифадә етмәлисиниз. Анҹаг бу о демәк дејил ки, тәгдимат видеосуну сөзбәсөз тәкрарламалысыныз. Сиз башга вәзијјәт сечә биләрсиниз, ҝириши, сөһбәтин ҝедишатыны вә саирәни башга ҹүр едә биләрсиниз. Һәмчинин тапшырыгда ҝөстәриш олмаса да, хидмәт үчүн вәсаитләрдән бирини тәгдим едә биләрсиниз.

Хидмәтдә оланда. Сөһбәт планлары бизә идеја вермәк үчүн тәртиб олунуб. Мараг ҝөстәрән вә әлавә мәлумат алмаг истәјән адамла тәкрар сөһбәтләрин планындан истифадә едәрәк сөһбәти давам етдирә биләрсиниз. Сөһбәт планларыны вәзијјәтә ујғун дәјишә биләрсиниз, јахуд тамамилә фәргли тәгдиматдан истифадә едә биләрсиниз. Ола билсин, өтән ајын тәгдиматынын мөвзусу, јахуд тамамилә башга ајә сизин әразиниздә мараг доғурур, јашадығыныз јердә инсанлары ҹари һадисәләр, јахуд јерли хәбәрләр марагландырыр. Сөһбәт планындан һәр неҹә истифадә етсәниз дә, мәгсәдиниз һәр шеји мүждә наминә едиб, ону башгаларына чатдырмаг олмалыдыр (1Кр 9:22, 23).