Тәрбијә Јеһованын севҝисинин ифадәсидир

Тәрбијә дедикдә әсас етибарилә өјүд-нәсиһәт, тәлим вермәк нәзәрдә тутулур, амма тәрбијәјә һәмчинин төһмәт вә ҹәза да дахилдир. Јеһова бизи тәрбијә едир ки, биз Она мәгбул шәкилдә ибадәт едә биләк (Рм 12:1; Иб 12:10, 11). Бәзән тәрбијәни гәбул етмәк һеч дә асан олмур, амма тәрбијә сајәсиндә инсан салеһ олур вә немәтләр дадыр (Мс 10:7). Тәрбијә верәнләр вә тәрбијә олунанлар нәји јадда сахламалыдырлар?

Тәрбијә верәнләр. Ағсаггаллар, валидејнләр вә башгалары әлләриндән ҝәләни едирләр ки, тәрбијәни Јеһова кими мәһәббәтлә вә хејирхаһлыгла версинләр (Әр 46:28). Һәтта ҹидди ҹәза да мүнасиб шәкилдә вә мәһәббәтдән ирәли ҝәләрәк верилмәлидир (Тт 1:13).

Тәрбијә аланлар. Биз верилән тәрбијәни, нөвүндән асылы олмајараг, рәдд етмәмәлијик, әксинә, дәрһал гәбул етмәлијик (Мс 3:11, 12). Гејри-камил олдуғумуза ҝөрә һәр биримизин тәрбијәјә еһтијаҹы вар. Биз мүхтәлиф үсулларла тәрбијә олунуруг. Мәсәлән, Мүгәддәс Китабдан охудугларымыз, јахуд јығынҹаг ҝөрүшләриндә ешитдикләримиз бизи тәрбијә едир. Бәзән исә кимләрәсә интизам комитәси ҹәза вермәли олур. Тәрбијәни гәбул етсәк, хејир тапаҹағыг вә әбәди һәјата наил олаҹағыг (Мс 10:17).

«ЈЕҺОВА СЕВДИЈИ КӘСИ ТӘРБИЈӘ ЕДӘР» АДЛЫ ВИДЕОЈА БАХАНДАН СОНРА СУАЛЛАРА ҸАВАБ ВЕРИН:

• 

  Канон гардаш әввәлҹә неҹә һәјат сүрүрдү, амма сонра нә баш верди?

• 

  О, Јеһовадан һансы тәрбијәни алды?

• 

  Ондан нә өјрәнирик?