Физики сағламлыг

ҸАНЫНЫЗА ЈАХШЫ БАХЫН

МҮГӘДДӘС КИТАБ МӘСЛӘҺӘТИ: «Елә бир адам јохдур ки, өз бәдәнинә нифрәт етсин, әксинә, инсан өз бәдәнинин гејдинә галыр, ону әзизләјир» (Ефеслиләрә 5:29).

МӘҒЗИ: Бу мәсләһәт инсаны тәшвиг едир ки, баҹардығы гәдәр сағламлығынын гејдинә галсын. Бир арашдырма заманы мәлум олмушдур ки, сағламлыгла бағлы бир чох проблемләр инсанын һәјат тәрзи илә әлагәлидир. Беләликлә, дүзҝүн һәјат тәрзи сәһһәтин јахшылашмасына көмәк едә биләр.

ТӘТБИГИ:

• Гидаланма. Фајдалы гидаларла гидаланын, кифајәт гәдәр су ичин.

• Физики активлик. Физики активлик јашдан асылы олмајараг, сәһһәти јахшылашдыра биләр. Бу һәтта әлилләр вә хроники хәстәликдән әзијјәт чәкән инсанлар үчүн дә фајдалыдыр. Доғмаларыныз, һәкимләр сизә идманла бағлы мәсләһәтләр верә биләр, амма бунун фајдасыны ҝөрмәк үчүн сиз өзүнүз һәрәкәт етмәлисиниз!

• Кифајәт гәдәр јатын. Инсан узун мүддәт лазымынҹа јатмазса, бу, ҹидди хәстәликләрә сәбәб ола биләр. Бәзи инсанлар сүрдүкләри һәјат тәрзи уҹбатындан кифајәт гәдәр јатмырлар. Лакин јетәринҹә јатмаг сәһһәти јахшылашдырыр.

ЗӘРӘРЛИ ВӘРДИШЛӘРДӘН УЗАГ ДУРУН

МҮГӘДДӘС КИТАБ МӘСЛӘҺӘТИ: «Руһу мурдарлајан һәр шејдән өзүмүзү тәмизләјәк» (2 Коринфлиләрә 7:1).

МӘҒЗИ: Организми зәһәрләјән түтүн мәһсулларындан вә диҝәр зәрәрли маддәләрдән узаг дурсаг, сәһһәтимиз јахшылашаҹаг. Әслиндә, бу маддәләр бир сыра хәстәликләрин вә өлүмүн әсас сәбәбләриндән биридир.

ТӘТБИГИ: Бу вәрдишләри тәрҝитмәк үчүн ҝүн сечин вә тәгвимдә гејд един. Ондан әввәлки ҝүн сигарети, күлгабыны, алышганы вә сигаретлә бағлы бүтүн әшјалары атын. Сигарет чәкилән јерләрдән узаг дурун. Гәрарынызы достларыныза вә аилә үзләринизә билдирин ки, сизә көмәк етсинләр.

ДИҜӘР МӘСЛӘҺӘТЛӘР

ТӘҺЛҮКӘСИЗЛИЈӘ ФИКИР ВЕРИН

«Ев тикәндә дамына мәһәҹҹәр чәкин ки, кимсә дамдан јыхылмасын вә ганы сизин бојнунузда галмасын» (ГАНУНУН ТӘКРАРЫ 22:8).

ГӘЗӘБИНИЗИ ҸИЛОВЛАЈЫН

«Өзүндән тез чыхмајан бәсирәт саһибидир, һөвсәләсиз исә сәфеһлијини нүмајиш етдирәр» (МӘСӘЛЛӘР 14:29).

ҺӘДДИНДӘН АРТЫГ ЈЕМӘЈИН

«Әт һәрисләринә гошулма» (МӘСӘЛЛӘР 23:20).