4. Павел нәјә әмин иди вә бу, Тимотејә јаздығы сөзләрдән неҹә ҝөрүнүр?

⁴ Павел әмин иди ки, Јеһова Она јаландан ибадәт едәнләри сәмими-гәлбдән ибадәт едәнләрдән ајырд етмәјә гадирдир. Павелин бу әминлији Аллаһдан илһам алараг Тимотејә јаздығы сөзләрдән ајдын ҝөрүнүр. Дөнүкләрин артыг јығынҹагдан бәзиләринә вурдуғу зәрәрдән сөз ачдыгдан сонра Павел јазмышды: «Бунунла белә, Аллаһын гојдуғу мөһкәм бүнөврә дурур вә онун үзәриндә бу мөһүр гојулуб: “Јеһова Она мәхсус оланлары таныјыр” вә “Гој Јеһованын адыны чағыран һәр кәс һагсызлыгдан әл чәксин”» (2 Тим. 2:18, 19).

⁶ Павел бу ифадәни Мусанын Сајлар 16:5 ајәсиндә Гораһ вә онун тәрәфдарлары һаггында дедији сөзләриндән ситат ҝәтирәрәк охшар вәзијјәт үчүн истифадә етмишди. Чох еһтимал ки, Павел Мусанын ҝүнләриндә баш вермиш һадисәләрә Тимотеји руһландырмаг вә она Јеһованын үсјанкарлары ифша едиб зәрәрсизләшдирмәјә гадир олдуғуну хатырлатмаг мәгсәдилә истинад етмишди. Јеһова әсрләр өнҹә Гораһын һәрәкәтинә ҝөз јуммадығы кими, мәсиһчи јығынҹағында да дөнүкләрин һәрәкәтләринә ҝөз јуммајаҹагды. Дүздүр, Павел «Аллаһын гојдуғу мөһкәм бүнөврә» сөзләринин мәнасыны тәфсилаты илә изаһ етмәмишди. Бунунла белә, бу сөзләр Тимотејин әминлијини вә Јеһоваја етибарыны ҝүҹләндирмишди.

8, 9. Павелин тәсвир етдији «мөһүр»дән нә өјрәнә биләрик?

⁸ Павел 2 Тимотејә 2:19 ајәсиндә бүнөврәнин үзәриндә мөһүр кими басылмыш бир јазы олдуғуну дејир. О вахтлар бинанын бүнөврәсинә бу тикилинин кимә мәхсус олдуғу вә ја бәннасынын ким олдуғу һагда мәлумат јазмаг адәти јох иди. Павел белә әјани нүмунәдән истифадә едән илк Мүгәддәс Китаб јазычысыдырa. «Аллаһын гојдуғу мөһкәм бүнөврә» үзәриндәки мөһүрдә ики бәјанат вар. Биринҹиси, «Јеһова Она мәхсус оланлары таныјыр» вә икинҹиси, «Гој Јеһованын адыны чағыран һәр кәс һагсызлыгдан әл чәксин». Бу сөзләр бизә Сајлар 16:5 ајәсиндә јазыланлары хатырладыр. (Ајәни оху.)