ЕЛИШАНЫН ҜӨРДҮКЛӘРИ

Јеһова Елишанын бу истәјинә неҹә јанашды? Мүгәддәс Китабда дејилир: «Онлар даныша-даныша ҝедәркән гәфләтән одлу бир араба вә одлу атлар ҝөрүндү, онлары бир-бириндән ајырды вә Илјас гасырға илә ҝөјә галдырылды. Елиша буну [ҝөрдү]»a. Бу, Јеһованын ҹавабы иди. Елиша Илјасын Јеһова тәрәфиндән неҹә ҝөтүрүлдүјүнү ҝөрдү, икигат руһ алды вә Илјас пејғәмбәрин руһани вариси олду (2 Пад. 2:11—14).

Илјасын гасырға илә ҝөјә галдырылмасыны ҝөрмәк, шүбһәсиз, Елишаја чох ҝүҹлү тәсир етмишди. Ахы инсан одлу араба илә одлу атлары һәр ҝүн ҝөрмүр! Бу ҝөрүнтү Јеһованын Елишанын хаһишинә ҹаваб вердијинә бир сүбут иди. Аллаһ бизим дуаларымыза ҹаваб верәндә биз нә одлу араба ҝөрүрүк, нә дә ки одлу атлар. Лакин шүбһә етмәјә биләрик ки, Јеһова ирадәсинин јеринә јетдијини сүбут етмәк үчүн Өз мөһтәшәм ҝүҹүндән истифадә едир. Биз Јеһованын јерүзү тәшкилатыны неҹә хејир-дуаландырдығыны ҝөрәндә, санки Онун һәрәкәт едән сәмави арабасыны ҝөрмүш олуруг (Јез. 10:9—13).