ӘҜӘР Ајданыa танысајдыныз, онун неҹә ағыллы, меһрибан, үнсијјәтҹил бир гыз олдуғуну ҝөрәрдиниз. Амма бу ҝөзәл симанын архасында ҝүнләрлә, һәфтәләрлә, һәтта ајларла дәјәрсизлик һиссинин уҹбатындан битиб-түкәнән бир инсан дурур. О дејир: «Өлүм һагда фикирләшмәдијим бир ҝүн белә олмур. Инанырам ки, мән олмасам, дүнја даһа јахшы олар».

Ајдан дејир ки, һеч вахт өзүнү өлдүрмәјәҹәк. Амма вахташыры олараг онда белә бир фикир јараныр ки, јашамаг мәнасыздыр. О дејир: «Бирҹә ону истәјирәм ки, өлүм өзү ҝәлиб мәни тапсын. Өлүм мәним ҝөзүмдә дүшмән јох, санки, ҹан достумдур».

Чох инсан Ајданын кечирдији һиссләрә јахшы бәләддир. Онларын арасында ағлындан өзүнә гәсд етмәк фикри кечәнләр дә вар, буна ҹәһд ҝөстәрәнләр дә. Мүтәхәссисләр диггәт јетирмишләр ки, өзүнә гәсд етмәк истәјән инсанларын әксәријјәти јашамаг истәмәдији үчүн јох, садәҹә чәкдикләри әзаба сон гојмаг истәдикләри үчүн бу ишә әл атыр. Гысаҹа десәк, онлар инанырлар ки, өлмәк үчүн әсаслары вар, јашамаг үчүн исә һеч бир сәбәб ҝөрмүрләр; онлара онлары јашадаҹаг сәбәб лазымдыр.

Јашамаға дәјәрми? Һәјата давам етмәјә әсас верән 3 сәбәбә бахын.

Суи-гәсдә «мүвәггәти проблемин һәмишәлик һәлли» дејибләр. Амма инанмаг чәтин олса да, сизә ағры верән вәзијјәт, һәтта сизин әлиниздә олмаса белә, ҝөзләнилмәдән јахшылыға тәрәф дәјишә биләр. («Онларын вәзијјәти дәјишди» адлы чәрчивәјә бахын.)

Вәзијјәт дәјишмәдији һалда белә, ән јахшысы, проблемләри бир-бир һәлл етмәкдир. Иса пејғәмбәр демишди: «Һеч вахт сабаһкы ҝүн үчүн нараһат олмајын, чүнки сабаһкы ҝүн өзү илә јени гајғылар ҝәтирәҹәк. Һәр ҝүнүн дәрди өзүнә бәсдир» (Матта 6:34).

Бәс әҝәр вәзијјәти дәјишмәк әлиниздә дејилсә, онда нә етмәк олар? Тутаг ки, сизин хроники хәстәлијиниз вар, јахуд да бошанма, әзиз адамынызын өлүмү кими дүзәлмәз бир вәзијјәт уҹбатындан үмидсизлијә гапылмысыныз.

Бу ҹүр вәзијјәтләрдә белә дәјишә биләҹәјиниз нәсә вар — вәзијјәтә бахышыныз. Дәјишмәси әлиниздә олмајан вәзијјәтлә барышсаныз, вахт өтдүкҹә вәзијјәтә даһа позитив мөвгедән јанашаҹагсыныз (Сүлејманын мәсәлләри 15:15). Белә оланда сиз проблеми һәлл етмәк үчүн јоллар ахтараҹаг, она сон гојмаг үчүн радикал васитәләрә әл атмајаҹагсыныз. Беләликлә, һәтта сизә елә ҝәлсә дә ки, вәзијјәт сиздән асылы дејил, јаваш-јаваш вәзијјәтә нәзарәт етмәји өјрәнәҹәксиниз (Әјјуб 2:10).

ЈАДДА САХЛАЈЫН: бир аддыма дағын башына чыхмаг мүмкүн дејил; проблемләринизи бир-бир һәлл един. Буну дағ кими гаршынызда дајанан бир чох манеәләрә аид етмәк олар.

БУ ҜҮН НӘ ЕДӘ БИЛӘРСИНИЗ? Проблеминизи достунуз вә ја аилә үзвүнүзлә бөлүшүн. Һәмин адам сизә вәзијјәтә таразлы јанашмаға көмәк едә биләр (Сүлејманын мәсәлләри 11:14).

Бәзән вәзијјәти дүзәлтмәк үчүн әлиндән һеч нә ҝәлмәдијини дүшүнәндә өлүм инсана һәјатдан ширин ҝәлир. Ҝөрәк белә һалларда нә көмәк едә биләр.

Дуа. Дуа терапевтик васитә вә ја чарәсизликлә чырпынан гәлбин сон үмид јери дејил. Бу, сизин гајғыныза галан Јеһова Аллаһла әсил үнсијјәт васитәсидир. Аллаһ истәјир ки, сиз дәрдинизи Онунла бөлүшәсиниз. Мүгәддәс Китаб һәр биримизә мүраҹиәт едир: «Сән гајғы јүкүнү Рәббә вер, гој сәнә дајаг олсун» (Мәзмур 55:22).

Елә бу ҝүн Аллаһа дуа един. Дуанызда Она Јеһова ады илә мүраҹиәт един вә үрәкдән данышын (Мәзмур 62:8). Јеһова Аллаһ истәјир ки, сиз Ону дост кими таныјасыныз (Јешаја 55:6; Јагуб 2:23). Дуа елә бир үнсијјәт васитәсидир ки, ондан һәр јердә вә һәр ан фајдаланмаг олар.

Сизә ҹаны јанан адамлар. Сизин һәјатыныз аилә үзвләриниз, достларыныз үчүн дәјәрлидир. Ола билсин, онлар сизә ҝөрә нараһат олдугларыны артыг дејибләр. Һәтта танымадығыныз инсанлар белә сизә ҹан јандыра биләрләр. Мәсәлән, бәзән хидмәтдә Јеһованын Шаһидләри көмәк үчүн фәрјад едән вә һәтта интиһар етмәк барәдә дүшүндүкләрини дејән пәришан инсанлара раст ҝәлирләр. Иса Мәсиһин нүмунәсини изләјәрәк бу Шаһидләр онлара көмәк едирләр. Онлар сизә дә көмәк едәҹәкләр (Јәһја 13:35).

Мүтәхәссисләрин көмәји. Интиһар фикринин бејиндә долашмасы чох вахт депрессија кими емосионал позунтуларын ҝөстәриҹисидир. Физики хәстәлијин олмасында утаныласы һеч нә олмадығы кими, емосионал хәстәлијин дә олмасында утаныласы һеч нә јохдур. Депрессија о гәдәр ҝениш јајылыб ки, һәтта ону «бејин сојугдәјмәси» адландырырлар. Һәр кәсин она «јолухма» еһтималы вар. Анҹаг онун мүалиҹәси дә варa.

АДДА САХЛАЈЫН: дәрин бир чухурдан тәкбашына чыхмаг мүмкүн олмадығы кими, дәрин депрессијанын да өһдәсиндән тәкбашына ҝәлмәк мүмкүн дејил. Амма кимсә көмәк әлини узадарса, «чыхмаг» мүмкүндүр.

БУ ҜҮН НӘ ЕДӘ БИЛӘРСИНИЗ? Депрессија кими емосионал позунтулары мүалиҹә едән бир мүтәхәссис тапын.

Мүгәддәс Китабда әбәс јерә дејилмир ки, «инсанын өмрү аздыр, һәјаты сыхынты илә долудур» (Әјјуб 14:1). Јашадығымыз дөврдә һамынын башына һәр ҹүр бәла ҝәлир. Бәзи адамлар һәјатдан үмидләрини тамамилә үзүбләр, санки, үфүгдә һеч бир ишыг јохдур. Сиз дә белә фикирләширсиниз? Онда әмин олун ки, Мүгәддәс Китаб нәинки сизә, һәтта бүтүн бәшәријјәтә ҝөзәл бир үмид верир. Мәсәлән:

• Мүгәддәс Китабда дејилир ки, Јеһова Аллаһ бизим үчүн даһа јахшы һәјат һазырлајыб (Јарадылыш 1:28).

• О вәд едир ки, јер үзүнү Ҹәннәтә чевирәҹәк (Јешаја 65:21—25).

• Бу вәд һөкмән јеринә јетәҹәк. Вәһј 21:3, 4 ајәләриндә дејилир:

  «Аллаһын чадыры инсанларладыр вә О, инсанларла јашајаҹаг, онлар да Аллаһын халгы олаҹаглар. Аллаһ Өзү онларла олаҹаг. Аллаһ инсанларын ҝөзләриндән бүтүн јашлары силәҹәк. Артыг нә өлүм, нә дәрд, нә фәрјад, нә дә ағры олаҹаг, чүнки әввәлки шејләр кечиб ҝетди».

Бу, садәҹә һәјатакечмәз бир хүлја дејил. Јеһова Аллаһ бу вәди ҝерчәкләшдирмәк нијјәтиндә гәти гәрарлыдыр вә буну етмәк игтидарындадыр. Мүгәддәс Китабын вердији үмид етибарлыдыр вә «Јашамаға дәјәрми?» суалына конкрет ҹавабдыр.

ЈАДДА САХЛАЈЫН: бәзән өзүнүзү ҹошғун дәнизин атыб-тутдуғу гајыг кими һисс етсәниз дә, Мүгәддәс Китабын вердији үмид бир лөвбәр кими сизи сабит вәзијјәтдә сахлајаҹаг.

БУ ҜҮН НӘ ЕДӘ БИЛӘРСИНИЗ? Мүгәддәс Китабда ҝәләҹәјә даир верилән етибарлы вәди арашдырмаға башлајын. Јеһованын Шаһидләри бөјүк мәмнунијјәтлә сизә көмәк едәрләр. Јашадығыныз әразидә онларла әлагә сахлаја, ја да рәсми жw.орҝ сајтларына дахил ола биләрсинизa.