«Мәсиһи һәјаты вә ибадәти. Иш дәфтәри» үчүн мәнбәләр
«Никаһын Јеһованын адыны уҹалдыр?»
*** jd-E с. 125, 126, абз. 4, 5 ***
Гој никаһын Аллаһын адыны уҹалтсын
4 Б. е. ә V әсрдә Мәлаки пејғәмбәрин дөврүндә Јәһудада бошанмалар ади һал алмышды. Мәлаки пејғәмбәр халга демишди: «Ҹаванлыгда евләндијин арвадынла сәнин аранда Јеһова Өзү шаһиддир». Кишиләрин хәјанәтинә ҝөрә Јеһованын гурбанҝаһындан хәјанәтә мәруз галмыш гадынларын ҝөз јашлары, аһ-зар әскик олмурду. Азғынлашмыш каһинләр дә бу инсафсызлыға ҝөз јумурдулар! (Мәлаки 2:13, 14).
5 Јеһова Мәлаки пејғәмбәрин дөврүндә јашанан бу аҹынаҹаглы вәзијјәтә неҹә јанашырды? Пејғәмбәр јазмышды: «Мән бошанмаја нифрәт едирәм, — дејир Исраилин Аллаһы Јеһова». О, һәмчинин гејд етмишди ки, Јеһова дәјишмир (Мәлаки 2:16; 3:6). Бурадан һансы нәтиҹәјә ҝәлә биләрик? Јеһова Аллаһ та башланғыҹдан бошанманын әлејһинә олуб (Јарадылыш 2:18, 24). Мәлакинин ҝүнләриндә дә бу белә иди. Јеһованын бошанмаја мүнасибәти бу ҝүн дә ејнидир. Бәзи инсанлар садәҹә һәјат јолдашларыны артыг бәјәнмәдикләри үчүн бошанмаг истәјирләр. Онларын үрәкләри хаиндир, амма Јеһова үрәкләри арашдырыр (Әрәмја 17:9, 10). Инсан бошанмаја бәраәт газандырмаға чалышса да, Јеһова бошанманын архасында дуран һәр бир нијјәт вә һијләдән аҝаһдыр. Бәли, «һәр шеј апачыг Онун ҝөзү өнүндәдир. Биз Она ҹаваб верәҹәјик» (Ибраниләрә 4:13).