«Мәсиһи һәјаты вә ибадәти. Иш дәфтәри» үчүн мәнбәләр
3—9 ЈАНВАР
АЛЛАҺЫН КӘЛАМЫНДАКЫ ХӘЗИНӘ | ҺАКИМЛӘР 15, 16
«Хәјанәт ијрәнҹ әмәлдир!»
Хаинлик — бизим ҝүнләрин дәһшәтли әламәти
4 Әввәлҹә ҝәлин һаким Шимшонун севдији һијләҝәр гадын Делиланын нүмунәсинә нәзәр салаг. Шимшон Аллаһын халгы наминә филиштлиләрлә вурушмаг нијјәтиндә иди. Ҝөрүнүр, филиштлиләрин ағаларындан беш нәфәр Делиланын Шимшону үрәкдән севмәдијини билирди. Онлар Шимшону арадан ҝөтүрмәк үчүн онун гејри-ади ҝүҹүнүн сиррини өјрәнмәк мүгабилиндә Делилаја бөјүк мәбләғдә рүшвәт тәклиф етдиләр. Пулҝир Делила онларын тәклифини гәбул етди. Лакин Шимшонун сиррини өјрәнмәк ҹәһди дүз үч дәфә боша чыхды. О, Шимшону дилә тутараг «һәр ҝүн она әзијјәт вә башағрысы» верирди. Сонда «Шимшонун ҹаны боғазына јығылды» вә о, сиррини ачды. Шимшон Делилаја деди ки, доғуландан бәри башына үлҝүҹ дәјмәјиб вә әҝәр сачы кәсиләрсә, ҝүҹүнү итирәҹәк. Делила Шимшону дизләри үстүндә јатыздырыб сачларыны кәсдиртди вә ону дүшмәнләрин әлинә тәслим етди ки, онунла истәдикләрини етсинләр (Һак. 16:4, 5, 15—21). Пула ҝөрә Делила ону севән инсаны сатды. Бу неҹә дә алчаг һәрәкәт иди!
«Һакимләр» китабындан диггәтәлајиг фикирләр
14:16, 17; 16:16. Ағлајыб-сызламагла тәзјиг ҝөстәрмәк, аиләдәки мүнасибәтләрә зәрәр ҝәтирә биләр (Сүлејманын мәсәлләри 19:13; 21:19).
w12 15/4 с. 11—12, абз. 15, 16
Хаинлик — бизим ҝүнләрин дәһшәтли әламәти
15 Евли инсанлар бир-биринә неҹә садиг гала биләрләр? Аллаһын Кәламында дејилир: «Ҝәнҹ икән евләндијин арвадынла [вә ја әринлә] хошбәхт јаша» вә «һәјатынын һамысыны севдијин гадынла [вә ја киши илә] хош... кечир» (Сүл. мәс. 5:18; Ваиз 9:9). Әрлә арвад јаша долдугҹа һәм физики, һәм дә емосионал ҹәһәтдән мүнасибәтләриндә там «иштирак етмәлидирләр». Бу, бир-биринә гаршы диггәтли олмаг, бир-бири илә вахт кечирмәк вә гәлбән бир-биринә бағланмаг демәкдир. Онлар бүтүн диггәтләрини никаһларыны вә Јеһова илә мүнасибәтләрини горујуб сахламаға јөнәлтмәлидирләр. Бунун үчүн әр-арвадлар бирликдә Мүгәддәс Китабы арашдырмалы, мүнтәзәм олараг бирликдә тәблиғ етмәли вә бирликдә дуада Јеһовадан онлара хејир-дуа вермәсини истәмәлидирләр.
ЈЕҺОВАЈА САДИГ ГАЛЫН
16 Јығынҹағын бәзи үзвләри ҹидди ҝүнаһа јол вермишләр. «Иманлары мөһкәм олсун дејә, онлары... ҹидди тәнбеһ [етмәк]» лазым ҝәлмишди (Тит. 1:13). Бәзиләринин давранышы исә јығынҹагдан кәнар едилмәләринә сәбәб олмушду. Низам-интизам тәдбирләриндән ибрәт ҝөтүрәнләрә бу, Јеһова илә мүнасибәтләрини бәрпа етмәјә көмәк етмишди (Ибр. 12:11). Бәс әҝәр јығынҹагдан кәнар едилән јахын достумуз вә ја гоһумумуздурса, онда неҹә? Белә вәзијјәтдә бизим һәмин инсана јох, Јеһоваја олан садиглијимиз сынаға чәкилир. Бизи ҝөрән Јеһова, јығынҹагдан кимин кәнар едилмәсиндән асылы олмајараг, онунла бүтүн әлагәләри кәсмәк әмринә риајәт едиб-етмәјәҹәјимизи мүшаһидә едир. (1 Коринфлиләрә 5:11—13 ајәләрини оху.)
Һикмәт хәзинәсиндән инҹиләр
«Бу торпағы» долаш
7 Һакимләр 16:2 ајәсиндә һаким Шимшонун Гәззәјә ҝәлдији барәдә охујуруг. Бу ҝүн Гәззәнин ады хәбәрләрдә чәкилир, буна ҝөрә дә биз Шимшонун тәхминән һара ҝәлдијини тәсәввүр едә биләрик. О, Аралыг дәнизи саһилиндәки Филишт дијарына ҝәлмишди. Инди Һакимләр 16:3 ајәсини охујаг: «Шимшон ҝеҹәјарысына гәдәр јатды, сонра ајаға галхды. О ҝәлиб шәһәр дарвазасынын һәр ики дирәјиндән тутараг ҹәфтә гарышыг дарвазаны чијнинә гојду вә Хевронун гаршысындакы дағын тәпәсинә чыхартды».
8 Шүбһәсиз, Гәззә кими истеһкамлы бир шәһәрин дарвазасы вә дирәкләри бөјүк вә ағыр иди. Онлары дашымағын неҹә ағыр олдуғуну тәсәввүр ет! Бунунла белә Шимшон буну етди, бәс о, онлары һара апарды вә һансы јолла ҝетмәли олду? Гәззә саһилдә, тәхминән дәниз сәвијјәсиндәдир. Хеврон исә Гәззәдән шәргдә, дәниз сәвијјәсиндән 900 метр һүндүрлүкдә јерләшир — бәли, бу ҹүр даға галхмаг һеч дә асан дејилди! Биз ‘Хевронун гаршысындакы дағын тәпәсинин’ һарада јерләшдијини дәгиг билмирик, лакин шәһәрин өзү Гәззәдән тәхминән 60 километр аралыдыр, һәмчинин ора ҝетмәк үчүн даға галхмаг лазымдыр! Бу мәсафәләри тәсәввүр едәрәк, биз Шимшонун бу һүнәринә тамамилә башга ҹүр бахмаға башламырыгмы? Һәмчинин Шимшонун бу кими ишләри нәјин сајәсиндә едә билдијини хатырлајаг: «Рәббин Руһу гүввәси илә онун үстүнә» енирди (Һакимләр 14:6, 19; 15:14). Бу ҝүн биз Аллаһын руһунун бизә гејри-ади физики гүввә верәҹәјини ҝөзләмирик. Бунунла белә, мәһз һәмин гүдрәтли руһ бизә дәрин руһани мәсәләләри баша дүшмәјә көмәк едир вә дахили варлығымызы мөһкәмләндирир (1 Коринфлиләрә 2:10—16; 13:8; Ефеслиләрә 3:16; Колослулара 1:9, 10). Шимшонун һадисәси бизә әминлик верир ки, Аллаһын руһу бизә дә көмәк едәҹәк.
10—16 ЈАНВАР
АЛЛАҺЫН КӘЛАМЫНДАКЫ ХӘЗИНӘ | ҺАКИМЛӘР 17—19
«Аллаһын ганунуна итаәтсизлијин ахыры пис олур»
ит-2-Е с. 390—391
Микә
1. Әфраимли киши. Микә Он әмрин сәккизинҹисини позараг (Чх 20:15) анасындан 1100 ҝүмүш оғурламышды. Әмәлини бојнуна алыб ҝүмүшләри анасына гајтаранда анасы деди: «Мән бунлары оғлумдан өтрү Јеһоваја һәср едиб бүтләр дүзәлтдирәҹәјәм. Инди бунлары өзүнә гајтарырам». Анасы 200 ҝүмүш ҝөтүрүб симҝәрә верди. Симҝәр ондан ојма вә төкмә бүт дүзәлтди. Бүтләри Микәнин евинә гојдулар. Микәнин бүтханасы вар иди. О, дөшлүк вә ев бүтләри дүзәлтдирди, оғланларындан бирини өзү үчүн каһин гојду. Бүтүн бунлар ҝуја Јеһованын шәрәфинә едилсә дә, чох бөјүк ҝүнаһ иди. Чүнки бүтпәрәстлији гадаған едән әмри позурду (Чх 20:4—6) вә Јеһованын Мүгәддәс чадырына, каһинләринә гаршы һөрмәтсизлик иди (Һк 17:1—6; Гн 12:1—14). Сонралар Микә Муса оғлу Һирсәмин оғлу Јонатаны евинә ҝәтирди, бу ҹаван лавилини муздла өзүнә каһин тутду (Һк 18:4, 30). Бундан мәмнун галараг деди: «Инди билирәм ки, Јеһова мәнә јар олаҹаг» (Һк 17:7—13). Анҹаг сөзсүз ки, о јанылырды. Јонатан Һарунун нәслиндән дејилди, буна ҝөрә дә каһинлик етмәјә ихтијары чатмырды. Беләликлә, Микә ҝүнаһынын үстүнә ҝүнаһ јығды (Сј 3:10).
ит-2-Е с. 391, абз. 2
Микә
Үстүндән чох кечмәмиш Микә гонум-гоншулары илә бирликдә данлыларын далынҹа дүшүб, онлары һаглады. Онлар Микәдән нә баш вердијини сорушанда Микә деди: «Сиз мәним бүтләрими, каһиними ҝөтүрүб апармысыныз. Бәс мәнә нә галды?» (Һк 18:22—26). Онда данлылар Микәјә хәбәрдарлыг етдиләр ки, далларынҹа ҝәлиб чығыр-бағыр салса, үстүнә һүҹум едәҹәкләр. Микә дә онларын ҝүҹлү олдуғуну ҝөрүб евинә гајытды (Һк 18:22—26). Данлылар ҝедиб Лајиши гылынҹдан кечирдиләр вә шәһәрә од вурдулар. Онун јериндә исә Дан шәһәрини тикдиләр. Јонатан вә оғуллары данлылара каһинлик етди. «Аллаһын евинин [Мүгәддәс чадырын] Шилода олдуғу бүтүн вахт әрзиндә Микәнин дүзәлтдији ојма бүт орада галды» (Һк 18:27—31).
Һикмәт хәзинәсиндән инҹиләр
Аллаһын Кәламынын ҹанлы тәрҹүмәси
6 Мүгәддәс Китабда Аллаһын адынын сахланылмасынын леһинә олан сүбутлар артыр ки азалмыр. «Јени Дүнја Тәрҹүмәси»нин 2013-ҹү илдә јениләнмиш версијасында Аллаһын ады 7216 дәфә јазылыб. Бу, 1984-ҹү ил нәшриндән алты дәфә чохдур. Әлавә олунан адлардан беши 1 Ишмуил 2:25; 6:3; 10:26; 23:14, 16 ајәләриндә јазылыб. Бу, әсас етибарилә, «Өлү дәниз әлјазмалары»на ҝөрә әлавә едилиб. «Јени Дүнја Тәрҹүмәси»ни тәрҹүмә едәркән ибрани Масорет мәтниндән истифадә олунмушду. Анҹаг јашы ибрани Масорет мәтниндән 1000 илдән чох олан «Өлү дәниз әлјазмалары»нда Аллаһын ады бу ајәләрдә дә јазылмышды. Гәдим әлјазмалары арашдырмағын нәтиҹәсиндә Аллаһын ады бир дәфә дә Һакимләр 19:18 ајәсинә әлавә олунуб.
17—23 ЈАНВАР
АЛЛАҺЫН КӘЛАМЫНДАКЫ ХӘЗИНӘ | ҺАКИМЛӘР 20, 21
«Һәмишә Јеһоваја үз тутун»
Проблемләр јарананда Пинхас кими даврана биләрсәнми?
Бир левилинин ҹаријәси Бинјамин гәбиләсиндән олан Ҝивеа кишиләри тәрәфиндән зорланараг өлдүрүлмүшдү. Бу фаҹиәви һадисәдән сонра диҝәр гәбиләләр бинјаминлиләрә гаршы мүһарибәјә галхдылар (Һак. 20:1—11). Онлар дөјүшә ҝетмәздән өнҹә Јеһоваја дуада мүраҹиәт етдиләр, лакин бөјүк иткиләр верәрәк ики дәфә мәғлуб олдулар (Һак. 20:14—25). Бәс бундан сонра онлар дуа етмәјин мәнасыз олдуғуну дүшүндүләрми? Јеһова, доғруданмы, диҝәр гәбиләләрин Ҝивеа кишиләринин етдији пислијин ҹәзасыны вермәләрини истәјирди?
«Һакимләр» китабындан диггәтәлајиг фикирләр
20:17—48 — Бинјамин гәбиләсинин өзүнү ҹәзаландырмаг лазым ҝәлдији һалда, нәјә ҝөрә Јеһова онларын башга гәбиләләри ики дәфә мәғлуб етмәләринә јол верди? Јеһова башланғыҹдан садиг гәбиләләрин арасында бөјүк иткиләрә јол вермәклә, онларын Исраилдә пислијин көкүнү кәсмәк гәтијјәтләрини сынајырды.
Проблемләр јарананда Пинхас кими даврана биләрсәнми?
Биз бу һадисәдән өзүмүз үчүн һансы ибрәт дәрси ҝөтүрә биләрик? Јығынҹагдакы бәзи проблемләр, ағсаггалларын бүтүн сәјләринә вә көмәк үчүн Јеһоваја етдикләри дуалара бахмајараг, узун мүддәт өз һәллини тапмаја биләр. Белә һалларда ағсаггаллар Исанын нөвбәти сөзләрини јадда сахламалыдырлар: «Дурмадан диләјин, сизә вериләҹәк; дурмадан ахтарын, тапаҹагсыныз; дурмадан гапыны дөјүн вә сизә ачаҹаглар» (Лука 11:9). Әҝәр дуанын ҹавабынын ҝеҹикдији тәәссүраты јаранырса, ағсаггаллар әмин ола биләрләр ки, Јеһова өз вахтында ҹаваб верәҹәк.
Һикмәт хәзинәсиндән инҹиләр
w14-Е 1/5 с. 11, абз. 4—6
Билирсиниз?
Гәдимдә мүһарибәдә сапанддан неҹә истифадә едирдиләр?
Давуд нәһәнҝ Ҹалуту мәһз сапандла өлдүрмүшдү. Ҝөрүнүр, о, ушаглыгда гојун отараркән сапандла даш атмағы өјрәнмишди.
Гәдим Мисир вә Ашшур инҹәсәнәтиндә дә сапанд тәсвирләринә раст ҝәлинир. Бу силаһ бир ҹүт кәндирә бәркидилмиш дәри вә ја парча кисәдән ибарәт иди. Һәмин кисәјә диаметри 5—7,5 сантиметр, ағырлығы исә 250 грам олан һамар, ҝирдә даш гојурдулар. Сапанды башлары үстүндә фырладыр, сонра исә кәндирин бирини бурахырдылар. Даш бөјүк сүрәтлә учуб дүз һәдәфә дәјирди.
Јахын Шәргдә апарылан газынтыларда гәдим дөврдәки мүһарибәләрдән галан чохлу сајда сапанд дашлары тапылыб. Маһир дөјүшчүләр дашы саатда 160 километрдән 240 километрә гәдәр сүрәтлә атырды. Сапанддан атылан дашын ох гәдәр узаға ҝедиб-ҝетмәдији илә бағлы алимләр арасында фикир ајрылығы вар. Бунунла белә, сапанд бирмәналы олараг инсаны өлдүрә биләрди (Һакимләр 20:16).
24—30 ЈАНВАР
АЛЛАҺЫН КӘЛАМЫНДАКЫ ХӘЗИНӘ | РУТ 1, 2
«Мәһәббәтә ҹан атын»
Јеһованын достларындан өрнәк алын
5 Рут фикирләшә биләрди ки, Муабда анасы, гоһум-әгрәбасы вар. Ҝедиб онларын јанында галар, она бахарлар. Муаб онун вәтәни иди. Орада һәр шеј, һәм инсанлар, һәм дил, һәм мәдәнијјәт она доғма иди. Бејтләһмдә исә ону бүтүн бунларын там әкси ҝөзләјирди. Буна ҝөрә дә Наимә Рута деди ки, өз вәтәни Муабда галсын. Наимә һәм дә горхурду ки, ҝәлинини әрә вериб онун үчүн ев-ешик гура билмәз. Бәс Рут нә етди? Рутла Орпа арасындакы фәргә фикир верин. Орпа «өз халгынын, өз аллаһларынын јанына гајытды» (Рут 1:9—15). Рут исә халгынын ситајиш етдији јалан аллаһларын јанына гајытмаг истәмәди.
Јеһованын достларындан өрнәк алын
6 Ҝөрүнүр, Рут артыг Јеһованы таныјырды. Јәгин ки, Онун һаггында ја мәрһум әриндән, ја да Наимәдән өјрәнмишди. Јеһова Муаб аллаһларына бәнзәмирди. Рут билирди ки, Јеһова севилмәјә, ибадәт олунмаға лајиг Аллаһдыр. Анҹаг бунлары билмәк аз иди. Гәрар вермәк лазым иди. Ҝөрәсән, Рут Јеһованы сечиб Она ибадәт едәҹәк? О, мүдрик гәрар верди. Наимәјә деди: «Халгын халгым олаҹаг, сәнин Аллаһын мәним Аллаһым олаҹаг» (Рут 1:16). Рутун Наимәјә мәһәббәти тәрифәлајигдир. Анҹаг ән тәсирлиси онун Јеһоваја олан мәһәббәти иди. Бу, Буәзә дә хош тәсир бағышламышды. О, Руту Јеһованын ганадлары алтына сығындығына ҝөрә тәрифләмишди. (Рут 2:12 ајәсини оху.) Буәзин сөзләрини охујанда адамын јадына анасынын ҝүҹлү ганадлары алтына сығынан бала гуш дүшүр (Зәб. 36:7; 91:1—4). Јеһова да Өз нөвбәсиндә Руту Өз баласы кими ганадлары алтына алыб горуду, иманына ҝөрә мүкафатландырды. Рут һеч вахт гәрарына ҝөрә пешман олмады.
Һикмәт хәзинәсиндән инҹиләр
«Рут» китабындан диггәтәлајиг фикирләр
1:13, 21 — Һәгигәтәнми Аллаһ Наоминин һәјатыны аҹы етмиш вә башына мүсибәт ҝәтирмишди? Хејр. Наоми дә Аллаһы һеч нәдә ҝүнаһландырмырды. Лакин баш верәнләрин үзәриндә дүшүнәрәк, о белә бир нәтиҹәјә ҝәлмишди ки, Аллаһ она гаршы чыхыб. Онун үмидләри пуча чыхмышды, буна ҝөрә дә аҹы һиссләр јашајырды. Бундан әлавә, һәмин дөврдә бәтнин бәһрәси Аллаһын хејир-дуасы, сонсузлуг исә лә’нәт сајылырды. Нәвәсиз галан вә ики оғлуну дәфн едән Наоми, Јеһованын ону ‘иттиһам етдијини’, јә’ни алчалтдығыны дүшүнмәклә өзүнә бәраәт газандырырды.
31 ЈАНВАР — 6 ФЕВРАЛ
АЛЛАҺЫН КӘЛАМЫНДАКЫ ХӘЗИНӘ | РУТ 3, 4
«Јахшы ада саһиб олун»
иа с. 47, абз. 18
«Ләјагәтли гадын»
18 Буәзин сәсиндәки мүлајимлик Рутун гәлбинә раһатлыг ҝәтирир. Буәз она дејир: «Гој Јеһова сәнә јар олсун, гызым! Инди сән әввәлкиндән дә бөјүк јахшылыг етдин. Чүнки нә касыб, нә дә варлы ҹаванын ардынҹа дүшмәдин» (Рут 3:10). Рутун биринҹи јахшылығы Наимә илә Исраилә ҝәлмәји вә онун гејдинә галмағы иди. Икинҹи јахшылығы исә ҹаван олса да, өзүнә ҹаван әр ахтармамасы иди. Рут Наимә илә јанашы, онун мәрһум әрини дә дүшүнүрдү. О истәјирди ки, мәрһумун ады доғма јурдунда јашасын. Инди баша дүшмәк олар, нәјә ҝөрә бу ҹаван ҝәлинин һәрәкәти Буәзә хош тәсир бағышламышды.
иа с. 48, абз. 21
«Ләјагәтли гадын»
21 Јухарыда охудуғумуз кими, Буәз Рута демишди ки, бүтүн ҹамаат ону ләјагәтли гадын кими таныјыр. Јәгин бу сөзләри јадына саланда Рут фәрәһ һисси дујурду. Сөзсүз ки, Рут әсас етибары илә Јеһова Аллаһы танымаг вә Она ибадәт етмәк истәдији үчүн ҹамаат арасында бу ады газанмышды. Һәмчинин Рут Наимәјә вә онун халгына һөрмәт едир, онлара гаршы хејирхаһ мүнасибәт бәсләјирди. Она јад олан адәт-әнәнәләрә өјрәшмәјә чалышырды. Биз дә Рутдан өрнәк алыб инсанлара, онларын адәт-әнәнәсинә һөрмәт етмәлијик. Белә етсәк, һамынын јанында јахшы ад газанарыг.
иа с. 50, абз. 25
«Ләјагәтли гадын»
Буәз Рутла евләнир. Мүгәддәс Китабда дејилир: «Јеһованын изни илә Рут һамилә галды вә бир оғул доғду». Бејтләһм гадынлары Наимәјә ҝөзајдынлығы верир, Руту тәрифләјәрәк онун једди оғулдан да артыг олдуғуну дејир. Мүгәддәс Китабдан өјрәнирик ки, сонралар Рутун оғлундан Давуд падшаһ төрәјир (Рут 4:11—22). Давудунса нәслиндән Иса Мәсиһ ҝәлир (Мәт. 1:1).
Һикмәт хәзинәсиндән инҹиләр
«Рут» китабындан диггәтәлајиг фикирләр
4:6 — Гәјјумлуг вәзифәсини јеринә јетирәркән јахын гоһумун өз ирси неҹә «дағыла» биләрди? Әҝәр ким исә јохсуллашыр вә өз мүлкүнү сатырдыса, мүлкү ҝери алмаг үчүн пулу онун гоһуму өдәмәли иди. Гијмәти, Азадлыг илинә гәдәр галан илин сајына ҝөрә мүәјјән едирдиләр (Левилиләр 25:25—27). Буна ҝөрә дә гәјјум өз мүлкүнүн мүәјјән гисмини итирирди. Бундан әлавә, әҝәр Рутун оғлу олсајды, онда сатын алынмыш тарланы гәјјумун индики јахын гоһумларындан кимсә јох, Рутун оғлу мирас алырды.
7—13 ФЕВРАЛ
АЛЛАҺЫН КӘЛАМЫНДАКЫ ХӘЗИНӘ | 1 ИШМУИЛ 1, 2
«Дуада үрәјинизи Јеһоваја бошалдын»
иа с. 55, абз. 12
О, үрәјини Аллаһа бошалтды
12 Һәннә дуа етмәкдә Аллаһын бүтүн хидмәтчиләринә ҝөзәл өрнәкдир. Јеһова истәјир ки, биз валидејнинә етибар едән ушаг кими Она үрәјимизи ачаг, фикирләримизи, һиссләримизи чәкинмәдән Она билдирәк. (Зәбур 62:8; 1 Салоникилиләрә 5:17 ајәләрини оху.) Мүгәддәс Китабда јазылыб: «Бүтүн гајғыларынызы Онун үзәринә гојун, чүнки О, гајғынызы чәкир» (1 Бут. 5:7). Нә хош сөзләрдир!
иа с. 55—56, абз. 15
О, үрәјини Аллаһа бошалтды
Һәннә мүгәддәс чадырда Аллаһа үрәјини бошалдандан вә ибадәт едәндән сонра нә һисс етди? Мүгәддәс Китабда јазылыб ки, Һәннә «ҝетди вә јемәк једи. Артыг онун чөһрәсиндә кәдәр олмады» (1 Ишм. 1:18). Һәннәнин үрәјинә раһатлыг, јүнҝүллүк чөкдү. О, ағыр гәм јүкүнү Гүдрәтли Јараданынын үзәринә гојмушду. (Зәбур 55:22 ајәсини оху.) Мәҝәр елә бир мүшкүл вар ки, Аллаһ ону һәлл едә билмәсин? Хејр, олмајыб, јохдур, олмајаҹаг!
Һикмәт хәзинәсиндән инҹиләр
«Биринҹи Шамуел» китабындан диггәтәлајиг фикирләр
2:10 — Исраил халгынын инсан падшаһы олмадығы бир вахтда, нәјә ҝөрә Ханна дуасында деди ки, Јеһова «Өз падшаһына гүввәт верәҹәк»? Мусанын ганунунда, Исраиллиләрин инсан падшаһы олаҹағы габагҹадан дејилмишди (Ганунун тәкрары 17:14—18). Јагуб өлүм јатағында пејғәмбәрлик етмишдир: «Падшаһлыг әсасы [Падшаһлыг һакимијјәтинин символу] Јәһуданын әлиндән ҝетмәјәҹәк» (Јарадылыш 49:10). Исраиллиләрин улу валидејни Сараја ҝәлдикдә исә, Јеһова демишдир: «Халгларын падшаһлары ондан доғулаҹаг» (Јарадылыш 17:16). Беләликлә, Ханна ҝәләҹәк падшаһ һаггында дуа едирди.
14—20 ФЕВРАЛ
АЛЛАҺЫН КӘЛАМЫНДАКЫ ХӘЗИНӘ | 1 ИШМУИЛ 3—5
«Јеһова бәндәләринә анлајышла јанашыр»
Гүдрәтли, ејни заманда анлајышлы Аллаһ
3 Ишмуил көрпәликдән Јеһоваја мәбәддә гуллуг едирди (1 Ишм. 3:1). Бир ҝеҹә о, јериндә узанмышды, бирдән гејри-ади шеј баш верир. (1 Ишмуил 3:2—10 ајәләрини охујун.) Ишмуил киминсә ону чағырдығыны ешидир. Елә билир ки, бу, ихтијар јашында олан баш каһин Әлинин сәсидир. Ишмуил дәрһал онун јанына гачыб дејир: «Бәли, ағам. Мәни чағырдын?» Әли исә: «Јох, чағырмамышам»,— дејә ҹаваб верир. Бу һадисә ики дәфә јенә тәкрарланыр, онда Әли баша дүшүр ки, ушағы чағыран Аллаһдыр. О, Ишмуилә нөвбәти дәфә сәс ону чағыранда неҹә ҹаваб вермәли олдуғуну өјрәдир. Ишмуил дә һәр шеји Әлинин дедији кими едир. Ҝөрәсән, нәјә ҝөрә Јеһова мәләји васитәсилә Ишмуили чағыранда елә илк дәфәдән Өзүнү әјан етмәди? Мүгәддәс Китабда бунун сәбәби ачыгланмаса да, һадисәләрин ҝедишатындан ајдын ҝөрмәк олар ки, Јеһова Ишмуилин һиссләрини нәзәрә алмышды. Ҝәлин ҝөрәк неҹә.
Гүдрәтли, ејни заманда анлајышлы Аллаһ
4 1 Ишмуил 3:11—18 ајәләрини охујун. Јеһованын вердији ганунда бујрулурду ки, ушаглар бөјүкләрә, әләлхүсус да, халгын арасында башчылыг едәнләрә һөрмәт гојмалыдыр (Чых. 22:28; Лав. 19:32). Буна ҝөрә дә чәтин ки, Ишмуил сәһәриси ҝүн Әлијә јахынлашыб ҹәсарәтлә һөкм хәбәрини чатдырарды. Мүгәддәс Китабдан охујуруг ки, «о, алдығы вәһји Әлијә данышмаға горхурду». Лакин Јеһова Ишмуили чағырдығыны Әлијә әјан едир. Беләҹә, Әлинин өзү Ишмуилдән «бирҹә кәлмә белә» ҝизләтмәдән һәр шеји данышмасыны истәјир. Ишмуил итаәткарлыг едиб «һәр шеји олдуғу кими» данышыр.
Һикмәт хәзинәсиндән инҹиләр
«Биринҹи Шамуел» китабындан диггәтәлајиг фикирләр
3:3 — Һәгигәтәнми Шамуел Ән Мүгәддәс јердә јатырды? Јох. Шамуел Гоһатын каһин олмајан нәслиндән ҝәлән бир левили иди (1 Салнамәләр 6:33—38). Буна ҝөрә дә она ‘мүгәддәс әшјалара бахмаға’ иҹазә верилмирди (Сајлар 4:17—20). Мүгәддәс мәскәндә онун ајаг баса биләҹәји јеҝанә јер Һүзур чадырынын һәјәти иди. Шамуел бурада јата биләрди. Чох еһтимал ки, Ели дә һәјәтдә јатырды. «Аллаһын сандығы олан јер» ифадәси јәгин ки, Мүгәддәс мәскәнин олдуғу јерә аиддир.
21—27 ФЕВРАЛ
АЛЛАҺЫН КӘЛАМЫНДАКЫ ХӘЗИНӘ | 1 ИШМУИЛ 6—8
«Сизин падшаһыныз кимдир?»
ит-2-Е с. 163, абз. 1
Аллаһын Падшаһлығы
Халг падшаһ истәјир. Мисирдән чыхандан тәхминән 400 ил сонра, Аллаһын Ибраһимлә әһд бағламасындан исә һарадаса 800 ил сонра исраиллиләр хаһиш етдиләр ки, онларын да диҝәр халглар кими падшаһы олсун. Бунунла ҝөстәрдиләр ки, Јеһованын онлара падшаһлыг етмәсини истәмирләр (1Иш 8:4—8). Дүздүр, халг һаглы олараг ҝөзләјирди ки, Аллаһ Ибраһимә, Јагуба вердији вәдә мүвафиг олараг, падшаһлыг гураҹаг. Үстәлик, Јагубун өлүм јатағында икән Јәһуда барәдә дедији пејғәмбәрлик (Јр 49:8—10), Мисирдән чыхандан сонра Јеһованын дедији сөзләр (Чх 19:3—6), Төвратдакы ганунлар (Гн 17:14, 15), һәтта Аллаһын Бәләм пејғәмбәрә дедиртдији сөзләр (Сј 24:2—7, 17) халга буну ҝөзләмәјә әсас верирди. Ишмуилин иманлы анасы Һәннә дә дуасында бу үмиди дилә ҝәтирмишди (1Иш 2:7—10). Бунунла белә, Јеһова Падшаһлыгла бағлы «мүгәддәс сирр»и һәлә там ачмамышды, Падшаһлығы нә вахт гураҹағы, онун гурулушу, кимләрдән ибарәт олаҹағы, јердә, јохса ҝөјдә тәсис едиләҹәји барәдә һеч нә демәмишди. Буна ҝөрә дә падшаһ истәмәклә халг тәкәббүрлә давранмышды.
Мәјуслуға бахмајараг, о, таб ҝәтирә билди
Ҝөрүн Шамуелин бу һагда дуасына Јеһова неҹә ҹаваб верир: «Сәнә дедикләри мәсәләләрлә әлагәдар халгын һәр сөзүнә гулаг ас, чүнки рәдд етдикләри сән дејилсән, онлар үзәриндә һөкмранлыг етмәјим дејә, јалныз Мәни рәдд едирләр». Бу, Шамуел үчүн нә гәдәр тәсәлливериҹи олса да, Күлли-Ихтијар Аллаһа гаршы чох тәһгирамиз һәрәкәт иди! Јеһова пејғәмбәрә деди ки, инсан падшаһы сечмәләринин онлара баһа баша ҝәләҹәји барәдә исраиллиләри хәбәрдар етсин. Шамуел сөзләрини гуртармаға маҹал тапмамыш халг ҹаваб верди: «Јох, мүтләг үзәримиздә бир падшаһ олсун». Һәмишә Аллаһа итаәткар олан Шамуел ҝедиб Јеһованын сечдији адамы мәсһ етди (1 Шамуел 8:7—19).
Јеһованын рәһбәрлији бәраәт газаныб!
9 Тарих Јеһованын хәбәрдарлығынын доғру олдуғуну ҝөстәрди. Падшаһлар — хүсусилә дә Аллаһдан үз дөндәрәндә — Исраил халгынын башына ҹидди проблемләр ачырдылар. Исраилин бу нүмунәсини нәзәрә алсаг, тәәҹҹүблү дејил ки, әсрләр бојунҹа дүнјада мөвҹуд олан вә Јеһованы танымајан һөкумәтләр узунмүддәтли фајда ҝәтирәҹәк бир шеј едә билмәмишләр. Дүздүр, бәзи сијасәтчиләр Аллаһдан сүлһ вә тәһлүкәсизлик јаратмаг ҹәһдләринә хејир-дуа вермәји хаһиш едирдиләр. Бәс Аллаһ Онун рәһбәрлијинә табе олмајан инсанлары неҹә хејир-дуаландыра биләр? (Мәз. 2:10—12).
Һикмәт хәзинәсиндән инҹиләр
Вәфтиз олунмаг нәјә ҝөрә лазымдыр?
13 Һәр бир кәс Јеһованын Шаһиди кими вәфтиз олунмаздан әввәл дөнмәлидир. Дөнмә - Иса Мәсиһин ардынҹа ҝетмәк гәрарыны үрәкдән гәбул едән кәсләр тәрәфиндән атылан көнүллү аддымдыр. Һәмин кәсләр әввәлки һәјат тәрзиндән әл чәкиб, Аллаһа мәгбул оланы етмәк гәрарына ҝәлирләр. Мүгәддәс Јазыларда дөнмә сөзүнә аид едилән ибрани вә јунан фе’лләри “чеврилмә” мә’насыны дашыјыр. Сөһбәт, Аллаһа тәрәф дөнмәкдән, јанлыш јолдан имтина етмәкдән ҝедир (1 Краллар 8:33, 34). Дөнмә, “төвбәјә лајиг” ишләрлә мүшајиәт едилмәлидир (Һәвариләрин ишләри 26:20). Бу исә тәләб едир ки, биз јалан дини тәрк едәк, Аллаһын әмрләрини тутаг вә Јеһоваја һәдсиз сәдагәт тәзаһүр етдирәк (Тәснијә 30:2, 8—10; 1 Самуел 7:3). Дөнмә инсанын нөгтеји-нәзәриндә, мәгсәдләриндә вә хасијјәтиндә дәјишикликләрә ҝәтириб чыхарыр (Һезекиел 18:31). Биз дөнәндә, хасијјәтимизин пис ҹизҝиләри јени шәхсијјәтин ҹизҝиләри илә әвәз олунур (Һәвариләрин ишләри 3:19; Ефеслиләрә 4:20—24; Колослулара 3:5—14).
28 ФЕВРАЛ — 6 МАРТ
АЛЛАҺЫН КӘЛАМЫНДАКЫ ХӘЗИНӘ | 1 ИШМУИЛ 9—11
«Талут вахтилә һәлим вә тәвазөкар иди»
Аллаһын өнүндә тәвазөкарлыгла јеријин!
11 Ҝәлин Талут падшаһын агибәтиндән данышаг. Әввәл-әввәл о чох тәвазөкар бир ҝәнҹ иди. Һәмин вахтларда о өз мәһдудијјәтләрини баша дүшүрдү. Һәтта үзәринә сәлаһијјәт ҝөтүрмәјә белә утанырды (1 Ишм. 9:21; 10:20—22). Амма падшаһ оландан гыса вахт сонра дәјишди, гүрурлу инсан олду. Бир дәфә Талутун Ишмуил пејғәмбәри ҝөзләмәјә сәбри чатмады. О, тәвазөкар давраныб, Јеһованын Өз халгынын хејринә һәрәкәтә кечәҹәјинә етибар етмәди. Әксинә, һаггы чатмајан ишә әл атды, гурбанҝаһда јандырма гурбаны тәгдим етди. Нәтиҹәдә, Јеһованын рәғбәтини вә падшаһлығы итирди (1 Ишм. 13:8—14). Бу һадисәдән ибрәт ҝөтүрмәклә вә гүрурдан узаг дурмагла мүдрик давранмыш оларыг.
Фәдакарлыг руһуну горујун
8 Исраилин падшаһы Шаул худбинлијин фәдакарлыг руһуну јејиб-битирә биләҹәјинин бариз нүмунәсидир. Падшаһлығынын әввәлиндә Шаул садә вә тәвазөкар инсан иди (1 Шам. 9:21). О, һакимијјәтинә гаршы дејинән исраиллиләри ҹәзаландырмады, һалбуки о, Аллаһын она вердији мөвгејин мүдафиәси наминә буну едә биләрди (1 Шам. 10:27). Шаул падшаһ аммонлулар үзәриндә гәләбә чалдыглары дөјүшдә исраиллиләрә башчылыг етмәклә Аллаһын руһунун рәһбәрлијини гәбул етди. Һәр шејдән әлавә, о, чалдығы гәләбәјә ҝөрә иззәти тәвазөкарлыгла Јеһоваја верди (1 Шам. 11:6, 11—13).
w95-Е 15/12 с. 10, абз. 1
Әмуниләр. Јахшылыға јаманлыгла ҹаваб верән халг
Әмуниләр јенә дә Јеһованын етдији јахшылығын әвәзиндә јаманлыг етдиләр. Анҹаг Јеһова онларын зүлмүнә ҝөз јуммады. «Буну [Наһашын сөзләрини] ешидәндә Јеһованын руһу онун үзәринә енди. Талут бәрк гәзәбләнди». Аллаһын руһунун тәсири алтында Талут 330 000 дөјүшчү топлады. Онлар әмуниләри елә дармадағын етдиләр ки, ики әмунини «бир јердә ҝөрмәк олмурду» (1 Ишмуил 11:6, 11)
Һикмәт хәзинәсиндән инҹиләр
«Биринҹи Шамуел» китабындан диггәтәлајиг фикирләр
9:9 — «О вахт пејғәмбәрләри ҝөрүҹү адландырырдылар» ифадәси нә демәкдир? Еһтимал ки, бу, Шамуелин вә Исраил падшаһларынын дөврүндә пејғәмбәрләрин ролунун даһа бөјүк әһәмијјәт кәсб етдијини билдирир. «Ҝөрүҹү» сөзү тәдриҹән «пејғәмбәр» сөзү илә әвәз едилди. Шамуел Исраилдә биринҹи пејғәмбәр һесаб олунур (Һәвариләрин ишләри 3:24).