II Һиссә. Мәсиһи һәјаты

Мүгәддәс Китабдан Јеһованын сәндән нә тәләб етдијини вә бу тәләбләрә ҹаваб вермәк үчүн нә етмәли олдуғуну өјрәндин. Алдығын биликләрә ујғун олараг, ола билсин, давранышында вә һәјата бахышында дәјишикликләр етмәли олмусан. Инди сән Јеһованын салеһлик нормаларына ујғун јашамаг гәтијјәтиндәсән, буна ҝөрә дә хош хәбәрин мүждәчиси олмаға һазырсан.

Ашағыдакы суаллары нәзәрдән кечирмәјин сајәсиндә Јеһованын салеһлик нормалары јаддашына һәкк олунаҹаг вә Онун бәјәндији хидмәтчи олмаг үчүн етмәли олдуғун бәзи шејләр јадына дүшәҹәк. Бу материал сәнә һәр шеји тәмиз виҹданла вә Јеһованы шәрәфләндирмәк үчүн етмәјин ваҹиблијини ајдын шәкилдә ҝөстәрәҹәк (2 Кор. 1:12; 1 Тим. 1:19; 1 Бут. 3:16, 21).

Буну биләндән сонра, шүбһәсиз, сәндә Јеһованын һакимијјәтинә табе олмаг вә Онун тәшкилатынын сырасына гошулмаг истәји јараныб. Нөвбәти суалларын вә Мүгәддәс Китаб ајәләринин көмәјилә сән Јеһованын јығынҹагла, аилә илә вә бу дүнјанын сијаси системләри илә бағлы гурулушуна табечилик мәсәләсини нә дәрәҹәдә баша дүшдүјүнү јохлаја биләҹәксән. Јеһованын Өз халгыны руһани ҹәһәтдән маарифләндирдијинә вә мөһкәмләндирдијинә ҝөрә миннәтдарлығын артаҹаг. Имкан дахилиндә јығынҹаглара ҝедиб орадакы мүзакирәләрдә иштирак етдикҹә миннәтдарлығын бирә-беш артаҹаг.

Бундан әлавә, бу һиссәдә диггәт Падшаһлыг һагда мүждәни мүнтәзәм олараг тәблиғ етмәјин, башгаларына Јеһованы танымаға вә Онун бәшәријјәт үчүн ҝөрдүјү ишләр барәдә өјрәнмәјә көмәк етмәјин ваҹиблијинә јөнәлдилиб (Мәт. 24:14; 28:19, 20). Нәһајәт, сән һәјатыны Јеһоваја һәср етмәјин вә вәфтиз олмағын нә дәрәҹәдә ҹидди бир аддым олдуғуну дәрк едәҹәксән. Әмин ола биләрсән ки, Јеһова Онун сәнә ҝөстәрдији лүтфә сәмими-гәлбдән һај вермәјини чох гијмәтләндирир.

1. Аллаһын никаһла бағлы тәләби нәдир? Мүгәддәс Китаба әсасән, бошанмаг үчүн јеҝанә сәбәб нәдир?

• «Мәҝәр охумамысыныз ки, Јарадан башланғыҹдан онлары киши вә гадын олараг јарадыб вә белә дејиб: “Буна ҝөрә дә инсан өз ата-анасыны тәрк едиб арвадына бағланаҹаг вә икиси бир бәдән олаҹаг”? Беләликлә, онлар артыг ики јох, бир бәдәндир. Буна ҝөрә дә Аллаһын бир бојундуругда бирләшдирдијини гој һеч кәс ајырмасын ...Ким арвадыны әхлагсызлыг етдијинә ҝөрә дејил, башга сәбәбә ҝөрә бошајыб өзҝәси илә евләнирсә, зина едир» (Мәт. 19:4—6, 9).

2. Нәјә ҝөрә әр-арвад кими јашајан ики нәфәр дөвләтин ганунларына әсасән никаһда олмалыдыр? Әҝәр евлисәнсә, никаһын рәсми гејдијјата алыныб вә дөвләт тәрәфиндән таныныр?

• «Даима онлара хатырлат ки, һакимијјәтә вә һөкумәтә табе олсунлар, итаәт етсинләр» (Тит. 3:1).

• «Гој һәр кәс никаһа һөрмәт етсин вә никаһ јатағы ләкәсиз олсун, чүнки Аллаһ әхлагсызлары вә зинакарлары мүһакимә едәҹәк» (Ибр. 13:4).

3. Аиләдә һансы вәзифәни дашыјырсан?

• «Оғлум, атанын тәрбијәсинә гулаг ас, ананын өјүд-нәсиһәтини рәдд етмә» (Мәс. 1:8).

• «Мәсиһ јығынҹағын башы... олдуғу кими, әр дә арвадынын башыдыр. Әрләр, арвадларынызы һәмишә севин, неҹә ки Мәсиһ дә јығынҹағы севди» (Ефес. 5:23, 25).

• «Аталар, ушагларынызы гәзәбләндирмәјин, онлары Јеһованын тәрбијәси вә өјүд-нәсиһәтилә бөјүдүн» (Ефес. 6:4).

• «Еј ушаглар, һәр шејдә валидејнләринизин сөзүнә гулаг асын, чүнки бу, Ағаја хош ҝедир» (Кол. 3:20).

• «Еј гадынлар, әрләринизә табе олун» (1 Бут. 3:1).

4. Нәјә ҝөрә һәјат әнамына һөрмәт етмәк лазымдыр?

• «[Аллаһ] һамыја һәјат, нәфәс — һәр шеј верир. Биз Онун сајәсиндә јашајырыг, һәрәкәт едирик вә мөвҹудуг» (Һәв. 17:25, 28).

5. Нәјә ҝөрә ана бәтниндәки көрпә дә дахил олмагла, һеч кими өлдүрмәмәлијик?

• «Кишиләр далашанда һамилә гадына зәрбә дәјәрсә вә... өлүм оларса, онда ҹан әвәзинә ҹан верилмәлидир» (Чых. 21:22, 23).

• «Ҝөзләрин рүшејмими ҝөрмүшдү. Һәлә һеч бири јох икән бәдәнимин бүтүн һиссәләри, онларын әмәлә ҝәләҹәји ҝүнләр Сәнин китабында јазылмышды» (Зәб. 139:16).

• «[Јеһова]... икраһ едир: ...ҝүнаһсыз ган төкән әлләр» (Мәс. 6:16, 17).

6. Аллаһ ганла бағлы нә әмр едиб?

• «Гандан, боғулмуш һејван әтиндән... узаг дурун» (Һәв. 15:29).

7. Иман баҹы-гардашларымызы нијә севмәлијик?

• «Сизә јени бир әмр верирәм: бир-биринизи севин. Бир-биринизи мән сизи севдијим кими севин. Аранызда мәһәббәт олса, һамы биләҹәк ки, сиз мәним шаҝирдимсиниз» (Јәһ. 13:34, 35).

8. Нәјә ҝөрә јолухуҹу вә ја өлүмҹүл хәстәлијә тутулмуш инсан башгаларыны јолухдурмамаг үчүн а) ҝөрүшәркән гуҹаглашыб-өпүшмәјәҹәк, б) кимсә ону гонаг дәвәт етмәјәндә инҹимәјәҹәк? в) Нәјә ҝөрә әввәлләр јолухуҹу хәстәлијә тутулмаг риски олан шәхсин аилә гурмаг мәгсәдилә ҝөрүшмәјә башламаздан габаг ган анализи вермәси јахшы оларды? г) Нә үчүн јолухуҹу хәстәлији олан адам вәфтиз олунмамышдан өнҹә, бу барәдә ағсаггаллар шурасынын координаторуна хәбәр вермәлидир?

• «Бир-биринизә мәһәббәтдән башга борҹунуз олмасын... “Башгасыны өзүнү севдијин кими сев”. Севән адам башгасына пислик етмәз» (Ром. 13:8—10).

• «Тәкҹә өзүнүзү фикирләшмәјин, башгаларыны да фикирләшин» (Филип. 2:4).

9. Нәјә ҝөрә Јеһова башгаларыны бағышламағымызы истәјир?

• «Бир-биринизә гаршы һәмишә сәбирли олун, биринизин диҝәриндән шикајәти олса да, бир-биринизи үрәкдән бағышлајын. Јеһова сизи үрәкдән бағышладығы кими, сиз дә бир-биринизи үрәкдән бағышламалысыныз» (Кол. 3:13).

10. Диндашын сәнә бөһтан атанда вә фырылдаг ҝәләндә нә етмәлисән?

• «Әҝәр кимсә сәнә гаршы бир ҝүнаһ иш тутса, ҝет онунла тәкликдә даныш, ҝүнаһыны үзүнә де. Әҝәр сәнә гулаг асса, ону газандын. Ишдир, гулаг асмаса, өзүнлә бир вә ја ики нәфәр ҝөтүр ки, мәсәлә ики вә ја үч шаһидин дили илә тәсдиг олунсун. Әҝәр онлара гулаг асмаса, мәсәләни јығынҹаға даныш. Әҝәр јығынҹаға да гулаг асмаса, гој о адам сәнин үчүн бир бүтпәрәст вә ја верҝијыған кими олсун» (Мәт. 18:15—17).

11. Ашағыдакы ҝүнаһлара Јеһова неҹә бахыр?

▪ Әхлагсызлыг

▪ Ибадәтдә сурәт вә рәмзләрдән истифадә

▪ Һомосексуализм

▪ Оғурлуг

▪ Гумар

▪ Ички дүшкүнлүјү

• «Алданмајын. Нә әхлагсызлар, нә бүтпәрәстләр, нә зинакарлар, нә киши фаһишәләр, нә кишибазлар, нә оғрулар, нә тамаһкарлар, нә ички дүшкүнләри, нә тәһгирамиз данышанлар, нә дә сојғунчулар Аллаһын Падшаһлығына ҝирмәјәҹәкләр» (1 Кор. 6:9, 10).

12. Никаһданкәнар ҹинси әлагә дә дахил олмагла, әхлагсызлығын мүхтәлиф нөвләринә гаршы нә етмәк әзминдәсән?

• «Әхлагсызлыгдан гачын» (1 Кор. 6:18).

13. Нә үчүн мәсиһиләр асылылыг јарадан вә ја бејинә тәсир едән препаратлардан гејри-тибби мәгсәдләрлә истифадә етмәмәлидирләр?

• «Буна ҝөрә дә гардашлар, Аллаһын мәрһәмәти наминә сизә јалварырам: бәдәнинизи дири, мүгәддәс вә мәгбул гурбан кими Аллаһа тәгдим един. Бу јолла сиз ағылла ибадәт етмиш олаҹагсыныз. Бундан сонра бу зәманәјә ујғунлашмајын. Әксинә, дүшүнҹәнизи јениләшдирәрәк бүсбүтүн дәјишин ки, Аллаһын јахшы, хош вә камил ирадәсини дәрк едәсиниз» (Ром. 12:1, 2).

14. Аллаһ һансы ҹин-шејтан әмәлләрини гадаған едир?

• «Аранызда... рәммал, сеһрбаз, фала бахан, ҹадуҝәр, овсунчу, ҹиндар јанына ҝедән, ҝәләҹәји дејән, өлүләри чағыран олмамалыдыр» (Ган. 18:10, 11).

15. Ҹидди ҝүнаһ етмиш инсан јенидән Јеһованын лүтфүнү газанмаг истәјирсә, јубанмадан нә етмәлидир?

• «Ҝүнаһымы Сәнә етираф етдим, тәгсирими ҝизләтмәдим. Дедим: “Јеһоваја ҝүнаһларымы ачым”» (Зәб. 32:5).

• «Аранызда нахош олан вармы? Гој јығынҹағын ағсаггалларыны чағырсын. Онлар Јеһованын ады илә онун башына јағ сүртүб онун үчүн дуа едәрләр. Иманла едилән дуа нахош оланы сағалдаҹаг вә Јеһова ону ајаға галдыраҹаг. Әҝәр ҝүнаһ ишләјибсә, тәгсири бағышланаҹаг» (Јаг. 5:14, 15).

16. Диндашынын ҹидди ҝүнаһа јол вердијини билирсәнсә, нә етмәлисән?

• «Әҝәр кимсә һансыса ҝүнаһын шаһиди олар, бунунла бағлы нә исә биләр вә ја ҝөрәрсә, амма шәһадәт вермәк үчүн чағырыш оланда билдијини ачыб демәзсә, ҝүнаһына ҝөрә ҹаваб вермәли олаҹаг» (Лав. 5:1).

17. Бир нәфәрин артыг Јеһованын Шаһиди олмадығы елан олунарса, онунла неҹә рәфтар етмәлисән?

• «Инди исә сизә јазырам ки, өзүнү гардаш адландырыб әхлагсызлыг едән, аҹҝөз, бүтпәрәст, ички дүшкүнү олан, тәһгирамиз данышан вә ја сојғунчулуг едәнлә даһа отуруб-дурмајасыныз, беләси илә һәтта бир сүфрәјә дә әјләшмәјәсиниз» (1 Кор. 5:11).

• «Әҝәр кимсә сизә бу тәлимлә ҝәлмирсә, ону евинизә бурахмајын вә саламламајын» (2 Јәһ. 10).

18. Нәјә ҝөрә Јеһованы севәнләрлә јахын дост олмалысан?

• «Һикмәтли илә отуруб-дуран һикмәтли олар, ахмагларла ајаглашан бәдбәхт олар» (Мәс. 13:20).

• «Алданмајын! Пис достлар јахшы әхлагы позур» (1 Кор. 15:33).

19. Нәјә ҝөрә Јеһованын Шаһидләри сијасәтә гарышмыр?

• «Онлар да мәним [Иса] кими дүнјаја мәхсус дејилләр» (Јәһ. 17:16).

20. Нәјә ҝөрә һөкумәтә табе олмалысан?

• «Гој һәр кәс һөкумәтә табе олсун, чүнки Аллаһын изни олмадан һеч бир һөкумәт мөвҹуд ола билмәз. Бу һөкумәтләр Аллаһын онлара ајырдығы јери тутурлар» (Ром. 13:1).

21. Дөвләтин гануну Аллаһын ганунуна зидд ҝедәндә нә етмәлисән?

• «Биз инсанлара јох, һөкмдарымыз Аллаһа итаәт етмәлијик» (Һәв. 5:29).

22. Иш ахтараркән һансы ајәләр сәнә дүнјадан ајры дурмаға көмәк едә биләр?

• «Халг халгын үстүнә гылынҹ галдырмајаҹаг, артыг мүһарибә етмәји өјрәнмәјәҹәкләр» (Мик. 4:3).

• «Еј халгым, ондан [Бөјүк Бабилдән] чыхын ки, онун ҝүнаһларына шәрик олмајасыныз вә онун башына ҝәләҹәк бәлалар сизин башыныза ҝәлмәсин» (Вәһј 18:4).

23. Һансы истираһәт вә әјләнҹә нөвләрини сечирсән, һансылары рәдд едирсән?

• «Јеһова... зоракылығы севәнләрә нифрәт едир» (Зәб. 11:5).

• «Писликдән икраһ един, јахшылыға сарылын» (Ром. 12:9).

• «Доғру, ваҹиб, салеһ, пак, севилмәли, шәрәфли, нәҹиб, тәрифәлајиг нә варса, бунлар һагда дүшүнүн» (Филип. 4:8).

24. Нәјә ҝөрә Јеһованын Шаһидләри башга дини групларын ибадәтинә гошулмур?

• «Сиз һәм “Јеһованын сүфрәсиндән”, һәм дә ҹинләрин сүфрәсиндән јејә билмәзсиниз» (1 Кор. 10:21).

• «Јеһова белә дејир: “...Онларын арасындан чыхын, ајрылын вә бир дә мурдар шејләрә тохунмајын”, “вә Мән сизи гәбул едәҹәјәм”» (2 Кор. 6:17).

25. Һансы принсипләр әсасында бајрам вә мәрасимләрдә иштирак едиб-етмәмәјә гәрар верә биләрсән?

• «Башга халгларла гајнајыб-гарышдылар, онларын адәтләрини ҝөтүрдүләр. Онларын бүтләринә ситајиш етдиләр, бу, онлара тәлә олду» (Зәб. 106:35, 36).

• «Өлүләр һеч нә билмир» (Ваиз 9:5).

• «Онлар да мәним кими дүнјаја мәхсус дејилләр» (Јәһ. 17:16).

• «Сиз кечмишдә халгларын истәји илә отуруб-дурур, азғын һәрәкәтләрә, әјјашлыға, кеф мәҹлисләринә, сәрхошлуға вә мәнфур бүтпәрәстлијә гуршанырдыныз» (1 Бут. 4:3).

26. Мүгәддәс Китабдакы нүмунәләр ад ҝүнүнү гејд едиб-етмәмәјә гәрар вермәкдә сәнә неҹә көмәк едир?

• «Бу һадисәнин үчүнҹү ҝүнү фиронун ад ҝүнү иди. О, бүтүн әјан-әшрәфи үчүн зијафәт гурмушду. Фирон баш саги илә баш чөрәкчини зиндандан чыхартдырыб һамынын өнүнә ҝәтиздирди. Баш сагини әввәлки вәзифәсинә гајтарды... Чөрәкчини исә асдырды» (Јар. 40:20—22).

• «Һиродун ад ҝүнү гејд едиләндә Һиродиаданын гызы мәҹлисдә рәгс етди. Һирод гызын рәгсини елә бәјәнди ки, она истәдији һәр шеји верәҹәјинә анд ичди. Онда гыз анасынын өјрәтдији кими белә деди: “Вәфтизчи Јәһјанын башыны синидә мәнә вер”. О, зиндана адам ҝөндәриб Јәһјанын бојнуну вурдурду» (Мәт. 14:6—8, 10).

27. Ағсаггалларын ҝөстәришинә нә үчүн риајәт етмәк истәјирсән?

• «Сизә рәһбәрлик едәнләрә итаәт един, онлара табе олун, ахы онлар һесабат верәҹәк адамлар кими ҝеҹә-ҝүндүз сизин гејдинизә галырлар. Гојун онлар буну аһ-зарла јох, севинҹлә етсинләр ки, сизә зәрәр дәјмәсин» (Ибр. 13:17).

28. Нәјә ҝөрә Мүгәддәс Китабы охујуб арашдырмаға мүнтәзәм вахт ајырмаг һәм сәнин, һәм дә аилән үчүн ваҹибдир?

• «О, Јеһованын ганунундан һәзз алыр, ҝеҹә-ҝүндүз Онун ганунунун дәринлијинә варыр. О, ахар сулар кәнарында әкилмиш, барыны мөвсүмүндә верән ағаҹтәк олар, јарпаглары солмаз, һәр ишиндә уғур газанар» (Зәб. 1:2, 3).

29. Нәјә ҝөрә ибадәт ҝөрүшләринә ҝәлмәк вә иштирак етмәк сәнә хошдур?

• «Сәнин адыны гардашларыма билдирәҹәјәм, топланты ичиндә Сәни мәдһ едәҹәјәм» (Зәб. 22:22).

• «Ҝәлин бир-биримизә гаршы диггәтли олуб бир-биримизи мәһәббәтә вә јахшы ишләрә тәшвиг едәк, бәзиләринин вәрдиш етдији кими, јығынҹагларымыздан галмајаг, бир-биримизи руһландыраг вә о ҝүнүн јахынлашдығыны ҝөрдүкҹә бунлары даһа чох едәк» (Ибр. 10:24, 25).

30. Иса Мәсиһин бизә тапшырдығы ән ваҹиб иш һансыдыр?

• «Буна ҝөрә дә ҝедин вә бүтүн халгларын ичиндә шаҝирд һазырлајын, онлары... вәфтиз един, сизә әмр етдијим һәр шејә риајәт етмәји онлара өјрәдин» (Мәт. 28:19, 20).

31. Һансы әвһали-руһијјә илә Падшаһлыг ишинә ианә едәндә вә ја баҹы-гардашларымыза көмәк едәндә Јеһова биздән разы галыр?

• «Сәрвәтинлә... Јеһованы шәрәфләндир» (Мәс. 3:9).

• «Гој һәр кәс үрәјиндә гәт етдији кими версин, көнүлсүз вә ја мәҹбури вермәсин, ахы Аллаһ ҝүләрүзлә верәни севир» (2 Кор. 9:7).

32. Мәсиһиләр һансы чәтинликләрлә үзләшәҹәкләрини билирләр?

• «Салеһлик јолунда тәгиб олунанлар хошбәхтдир, чүнки сәмави Падшаһлыг онларындыр. Мәнә ҝөрә инсанлар сизи тәһгир вә тәгиб едәндә, сизин һаггынызда һәр ҹүр јалан вә пис сөз данышанда сиз неҹә дә хошбәхтсиниз! Севинин вә шадланын, чүнки ҝөјдә сизи бөјүк мүкафат ҝөзләјир, ахы сиздән әввәл пејғәмбәрләри дә белә тәгиб етмишләр» (Мәт. 5:10—12).

33. Нә үчүн Јеһованын Шаһиди кими вәфтиз олунмаг бөјүк шәрәфдир?

• «Сөзләрини тапыб једим. Сөзүн мәнә севинҹ верди, үрәјимә шадлыг ҝәтирди. Чүнки мән Сәнин адыны дашыјырам, еј ордулар Аллаһы Јеһова» (Әрм. 15:16).