ДӘРС 18

Мәзмунлу нитг

1 Коринфлиләрә 9:19—23

ИҸМАЛ: Динләјиҹиләри дүшүндүр. Гој онлар дәјәрли бир шеј өјрәндикләрини һисс етсинләр.

НЕҸӘ НАИЛ ОЛМАГ ОЛАР?

Динләјиҹиләрин билијини нәзәрә ал. Һәмишә ешитдикләри мәлуматы тәкрарлама. Мөвзуну јени тәрәфдән ачыгла.

Таныш фикирләрин үстүндән тез кеч. Јени фикирләри исә јаваш темплә тәгдим ет.
Ахтарыш апар вә дүшүн. Әҝәр мүмкүндүрсә, әсас фикирләри изаһ едәркән аз таныш олан фактлардан, јахуд ҹари һадисәләрдән нүмунә чәк. Охудуғун материал барәдә дәриндән дүшүн вә материалы сөјләмәк истәдијин фактларла әлагәләндир.

Материалы нәзәрдән кечирәркән өзүнә нә? нә үчүн? нә вахт? һара? ким? неҹә? кими суаллар верәрәк мөвзу барәдә дүшүн. Чыхыш бојунҹа бу суалларын бәзиләрини сәсләндир вә онлары ҹавабландыр ки, нитгин ҹанлы алынсын.
Мәлуматын фајдасыны ҝөстәр. Мүгәддәс Китабдан олан фикирләрин динләјиҹиләрә ҝүндәлик һәјатда неҹә көмәк едәҹәјини изаһ ет. Динләјиҹиләрлә әлагәси олан конкрет вәзијјәтләрдән, кејфијјәт вә һәрәкәтләрдән сөз ач.