Мүгәддәс Китабын әсас мөвзусу Аллаһын Падшаһлығыдыр. Јеһова Аллаһ бу Падшаһлыг васитәсилә илк нијјәтини јеринә јетирәҹәк, јәни јер үзүнү ҹәннәтә дөндәрәҹәк. Бәс Аллаһын Падшаһлығы нәдир? Бу Падшаһлыг һазырда һакимијјәт сүрүр? Индијәдәк нәләри һәјата кечириб? Ҝәләҹәкдә һансы ишләри ҝөрәҹәк? Бу вә нөвбәти ики дәрсдә бу суаллара ҹаваб тапаҹағыг.

1. Аллаһын Падшаһлығы нәдир вә Падшаһы кимдир?

Аллаһын Падшаһлығы Јеһова Аллаһын гурдуғу һөкумәтдир. Бу Падшаһлыг ҝөјдә гурулуб, Падшаһы Иса Мәсиһдир (Мәтта 4:17; Јәһја 18:36). Мүгәддәс Китабда дејилир ки, Иса Мәсиһ «әбәдијјән һөкмранлыг едәҹәк» (Лука 1:32, 33). Аллаһын Падшаһлығынын Падшаһы олан Иса Мәсиһ јер үзүндәки бүтүн инсанларын үзәриндә һакимијјәт сүрәҹәк.

2. Падшаһлыгда Мәсиһлә бирҝә кимләр һакимијјәт сүрүр?

Иса Падшаһлыгда тәк һакимијјәт сүрмүр. «Һәр тајфаја, һәр дилә, халга вә үммәтә мәнсуб олан» инсанлар онунла бирликдә «јер үзәриндә падшаһлыг едәҹәкләр» (Вәһј 5:9, 10). Онлар нечә нәфәр олаҹаг? Иса јер үзүндә јашајан вахтдан бу јана милјонларла инсан онун давамчысы олуб. Амма онларын һамысы ҝөјә галхыб онунла бирҝә һакимијјәт сүрмәјәҹәк. Јалныз 144 000 давамчысы Мәсиһлә бирҝә падшаһлыг едәҹәк. (Вәһј 14:1—4 ајәләрини охујун.) Галан мәсиһиләр исә јер үзүндә Аллаһын Падшаһлығынын вәтәндашлары олаҹаг (Зәбур 37:29).

3. Нәјә ҝөрә Аллаһын Падшаһлығы инсан һөкумәтләриндән үстүндүр?

Бу дүнјада дөвләт рәһбәрләриндән бәзиләри јахшы ишләр ҝөрмәјә чалышыр. Амма онларын ҝүҹү мәһдуддур, истәдикләри һәр шеји һәјата кечирә билмирләр. Һәмчинин әввәл-ахыр онларын јерини башгалары тутур. Бәзән исә һәмин адамлар халгын рифаһыны дүшүнмүр. Аллаһын Падшаһлығынын Рәһбәри олан Иса Мәсиһи исә һеч вахт һеч кәс әвәз етмәјәҹәк. Аллаһын гурдуғу бу Падшаһлыг «һеч вахт дағылмајаҹаг» (Дәнјал 2:44). Иса Мәсиһ бүтүн дүнјаны идарә едәҹәк. О, инсанлар арасында фәрг гојмајаҹаг. Иса чох меһрибан, хејирхаһ вә әдаләтли Падшаһдыр. Инсанлара да бир-бири илә бу ҹүр давранмағы, меһрибан, хејирхаһ, әдаләтли олмағы өјрәдәҹәк. (Әшија 11:9 ајәсини охујун.)

4. Аллаһын Падшаһлығы бүтүн јер үзүнү идарә едәҹәк

Иса Мәсиһ тарих боју јашамыш һөкмдарларын һамысындан гат-гат гүдрәтлидир. Мәтта 28:18 ајәсини охујун вә нөвбәти суалы мүзакирә един:

• Нәјә ҝөрә Исанын һакимијјәти бу дүнјадакы рәһбәрләрин һакимијјәтиндән үстүндүр?

Инсанларын гурдуғу һөкумәтләр тез-тез дәјишир. Һәмчинин һәр һөкумәт Јер күрәсинин мүәјјән бир һиссәсини идарә едир. Бәс Аллаһын Падшаһлығы һагда нә демәк олар? Дәнјал 7:14 ајәсини охујун вә нөвбәти суаллары мүзакирә един:

• Аллаһын Падшаһлығы «әсла дағылмајаҹаг». Бу, инсанлара һансы фајданы ҝәтирәҹәк?

• Бу Падшаһлыг бүтүн дүнјаны идарә едәҹәк. Бу, инсанлара һансы фајданы ҝәтирәҹәк?

5. Инсан һөкумәтләри олмајаҹаг

Нәјә ҝөрә бу дүнјадакы һөкумәтләрин јерини Аллаһын Падшаһлығы тутмалыдыр? ВИДЕОЈА бахын вә нөвбәти суалы мүзакирә един:

ВИДЕО: «Аллаһын Падшаһлығы» Фрагмент (1:41)

• Инсан һакимијјәти нәләрә сәбәб олуб?

Ваиз 8:9 ајәсини охујун вә нөвбәти суаллары мүзакирә един:

• Сизҹә, Аллаһын Падшаһлығы бу дүнјадакы һөкумәтләрин јерини тутмалыдыр? Нәјә ҝөрә белә дүшүнүрсүнүз?

6. Аллаһын Падшаһлығындакы рәһбәрләр мәрһәмәтлидир

Падшаһымыз Иса Мәсиһ јер үзүндә инсан кими јашадығы үчүн зәифликләримизи анлаја билир (Ибраниләрә 4:15). Үстәлик, Иса илә бирликдә 144 000 мөмин киши вә гадын һакимијјәт сүрәҹәк. Јеһова онлары «һәр тајфаја, һәр дилә, халга вә үммәтә мәнсуб олан» инсанларын арасындан сечиб (Вәһј 5:9).

• Исанын вә онунла һакимијјәт сүрәҹәк кәсләрин бир вахтлар инсан олдуғуну билмәк сиздә һансы һиссләри ојатды? Нәјә ҝөрә?

7. Аллаһын Падшаһлығынын ганунлары бүтүн ганунлардан үстүндүр

Һәр һөкумәтин ганунлары олур. Бу ганунлар вәтәндашлара фајда ҝәтирмәк, онлары горумаг үчүн верилир. Аллаһын Падшаһлығынын да ганунлары вар. Онун вәтәндашлары бу ганунлара әмәл етмәлидир. 1 Коринфлиләрә 6:9—11 ајәләрини охујун вә нөвбәти суаллары мүзакирә един:

• Һәр кәс Аллаһын ганунларына әмәл едәндә, сизҹә, дүнја неҹә олаҹаг?a

• Сизҹә, Падшаһлығын вәтәндашларындан бу ганунлара ујғун јашамағы тәләб етмәјә Јеһованын һаггы чатыр? Нәјә ҝөрә?

• Һарадан билирик ки, бу ганунларла јашамајан инсанлар сонрадан дәјишә биләр? (11-ҹи ајәјә бахын.)

ИҸМАЛ

Аллаһын Падшаһлығы ҝөјдә гурулмуш һөкумәтдир вә ҝәләҹәкдә бүтүн јер үзүнү идарә едәҹәк.

Тәкрар

• Аллаһын Падшаһлығында кимләр һакимијјәт сүрүр?

• Нәјә ҝөрә Аллаһын Падшаһлығы инсан һөкумәтләриндән үстүндүр?

• Јеһова Падшаһлығын вәтәндашларындан һансы ганунлара әмәл етмәји тәләб едир?

Ә Л А В Ә  М Ә Л У М А Т

Падшаһлыг һарада јерләшир? Ҝөрүн Иса Мәсиһ бу барәдә нә демишди.

«Аллаһын Падшаһлығы үрәјимиздәдир?» (интернет мәгаләси)

Нәјә ҝөрә Јеһованын Шаһидләри үчүн Аллаһын Падшаһлығына садиг галмаг инсан һакимијјәтинә садиг галмагдан ваҹибдир?

«Аллаһын Падшаһлығына садиг галан кәсләр» (1:43)

Јеһованын сечдији 144 000 нәфәр барәдә Мүгәддәс Китабда нә јазылыб?

«Кимләр ҝөјдә јашајаҹаг?» (интернет мәгаләси)

Һәбсханада олан бир гадыны нә әмин етди ки, Аллаһ дүнјада әдаләти бәргәрар едә биләр?

«Әдаләтсизликлә бағлы суалларыма ҹаваб тапдым» («Ојанын!», нојабр 2011)

Аллаһын Падшаһлығы 1914-ҹү илдән етибарән ҝөјдә һакимијјәт сүрүр. Елә һәмин илдән инсан һакимијјәтинин сон ҝүнләри башлајыб. Буну һарадан билирик? Ҝәлин ҝөрәк Мүгәддәс Китабда бу барәдә габагҹадан нә дејилмишди, о ҹүмләдән 1914-ҹү илдән бәри дүнјада һансы һадисәләр баш верир вә инсанлар неҹә олуб.

1. Мүгәддәс Китабда габагҹадан нә дејилмишди?

Дәнјал китабында дејилмишди ки, Аллаһын Падшаһлығы једди дөврүн сонунда һакимијјәт сүрмәјә башлајаҹаг (Дәнјал 4:16, 17). Әсрләр сонра Иса Мәсиһ һәмин једди дөврү «халглара верилән вахт» адландырмышды вә бу дөврүн һәлә битмәдијини билдирмишди (Лука 21:24). Бу фәсилдә ҝөрәҹәјик ки, једди дөвр 1914-ҹү илдә битиб.

2. Дүнјада 1914-ҹү илдән бәри һансы һадисәләр баш верир вә инсанлар неҹә олуб?

Исанын шаҝирдләри она белә суал вермишдиләр: «Сәнин һүзуруна вә о дөврүн јекунуна әламәт нә олаҹаг?» (Мәтта 24:3). Иса да онлара Аллаһын Падшаһлығында тахта отурандан сонра баш верәҹәк һадисәләри садаламышды. Мүһарибәләрин, гытлығын, зәлзәләләрин вә с. һадисәләрин олаҹағыны демишди. (Мәтта 24:7 ајәсини охујун.) Мүгәддәс Китабда һәмчинин габагҹадан дејилмишди ки, инсанларын хасијјәтинә ҝөрә ахырзаманда һәјат сон дәрәҹә чәтин олаҹаг (2 Тимутијә 3:1—5). 1914-ҹү илдән һәм бу һадисәләр, һәм дә бу хасијјәтдә олан инсанлар хүсусилә артыб.

3. Нәјә ҝөрә Аллаһын Падшаһлығы һакимијјәт сүрмәјә башлајандан дүнјада вәзијјәт писләшиб?

Иса Мәсиһ Падшаһ оландан дәрһал сонра ҝөјдә Шејтанла вә ҹинләрлә дөјүшдү. Шејтан бу дөјүшдә мәғлуб олду. Мүгәддәс Китабда дејилир ки, о, «јерә атылды, мәләкләри дә онунла бирликдә атылды» (Вәһј 12:9, 10, 12). Шејтан чох гәзәблидир, чүнки мәһв олаҹағыны билир. Бу сәбәбдән бүтүн дүнјада инсанлара ағры-аҹы јашадыр. Мәһз буна ҝөрә дүнја белә аҹынаҹаглы вәзијјәтдәдир. Амма Аллаһын Падшаһлығы бүтүн бу әзаблара сон гојаҹаг.

Д Ә Р И Н Л И Ј Ә  В А Р Ы Н

4. Мүгәддәс Китаба әсасән, Падшаһлыг 1914-ҹү илдә гурулуб

ВИДЕО: «Аллаһын Падшаһлығы 1914-ҹү илдә гурулуб» (5:02)

Аллаһ гәдим Бабилин падшаһы Навуходоносора јухуда ҝөстәрди ки, ҝәләҹәкдә һансы һадисәләр баш верәҹәк. Бу јуху вә Дәнјал пејғәмбәрин она вердији јозум Мүгәддәс Китабда јазылыб. Бу ајәләрдән ајдын ҝөрүнүр ки, јуху һәм Навуходоносорун һакимијјәтинә, һәм дә Аллаһын Падшаһлығына аиддирa. (Дәнјал 4:17 ајәсини охујун.)

Дәнјал 4:20—26 ајәләрини охујун вә схемин көмәји илә нөвбәти суаллара ҹаваб верин:

• А) Навуходоносор јухуда нә ҝөрмүшдү? (20 вә 21-ҹи ајәләрә бахын.)

• Б) Ағаҹла нә баш вермәли иди? (23-ҹү ајәјә бахын.)

• В) Једди дөврүн тамамында нә баш вермәли иди? (26-ҹы ајәјә бахын.)

Ағаҹла бағлы јуху Аллаһын Падшаһлығына неҹә аиддир?

ПЕЈҒӘМБӘРЛИК (Дәнјал 4:20—36)

Һакимијјәт

А) Һүндүр ағаҹ

Һакимијјәт дајандырылыр

Б) Ағаҹы кәсин. Гој једди дөвр кечсин

Һакимијјәт бәрпа олунур

В) «Тахт-таҹын јенә сәнин олаҹаг»

Пејғәмбәрлик илк дәфә јеринә јетәндә...

• Г) Ағаҹ кими тәмсил едирди? (22-ҹи ајәјә бахын.)

• Ғ) Онун һакимијјәти неҹә дајандырылды? (Дәнјал 4:29—33 ајәләрини охујун.)

• Д) Једди дөврүн тамамында Навуходоносорла нә баш верди? (Дәнјал 4:34—36 ајәләрини охујун.)

ИЛК ИҸРАСЫ

Һакимијјәт

Г) Бабил падшаһы Навуходоносор

Һакимијјәт дајандырылыр

Ғ) Б. е. ә. 606-ҹы илдән сонра Навуходоносор ағлыны итирди вә једди ил һакимијјәт сүрә билмәди

Һакимијјәт бәрпа олунур

Д) Навуходоносорун ағлы башына ҝәлди вә јенидән һакимијјәтә гајытды

Пејғәмбәрлик икинҹи дәфә јеринә јетәндә...

• Е) Ағаҹ кимләри тәмсил едирди? (1 Салнамәләр 29:23 ајәсини охујун.)

• Ә) Онларын һакимијјәти неҹә дајандырылды? Һарадан билирик ки, Иса јер үзүндә оланда онларын һакимијјәти һәлә дә бәрпа олунмамышды? (Лука 21:24 ајәсини охујун.)

• Ж) Бу һакимијјәт нә вахт вә һарада бәрпа олунду?

ИКИНҸИ ИҸРАСЫ

Һакимијјәт

Е) Аллаһын һакимијјәтини тәмсил едән Исраил падшаһлары

Һакимијјәт дајандырылыр

Ә) Јерусәлим дармадағын едилди. Исраил падшаһларынын сүлаләсинин һакимијјәтинә 2520 иллик фасилә верилди

Һакимијјәт бәрпа олунур

Ж) Иса ҝөјдә Аллаһын Падшаһлығынын Падшаһы кими һакимијјәт сүрмәјә башлады

5. Дүнја 1914-ҹү илдән дәјишиб

ВИДЕОЈА бахын.

ВИДЕО: «1914-ҹү илдән дүнја дәјишиб» (1:10)

Иса Мәсиһ демишди ки, о, Падшаһ оландан сонра дүнјада вәзијјәт дәјишәҹәк. Лука 21:9—11 ајәләрини охујун вә нөвбәти суалы мүзакирә един:

• Бу ајәләрдәки һадисәләрдән һансыны ҝөрүрсүнүз вә ја һансы һаггында ешидирсиниз?

Һәвари Булус ахырзаманда инсанларын неҹә олаҹағыны тәсвир етмишди. 2 Тимутијә 3:1—5 ајәләрини охујун вә нөвбәти суалы мүзакирә един:

• Бу хүсусијјәтләрдән һансыны зәманәмизин инсанларында ҝөрүрсүнүз?

6. Аллаһын Падшаһлығынын һазырда һакимијјәт сүрмәси бизи һәрәкәтә тәшвиг етмәлидир

Мәтта 24:3, 14 ајәләрини охујун вә нөвбәти суаллары мүзакирә един:

• Һансы мүһүм иш ҝөстәрир ки, Аллаһын Падшаһлығы һазырда һакимијјәт сүрүр?

• Сиз бу ишә неҹә төһфә верә биләрсиниз?

Аллаһын Падшаһлығы һазырда һакимијјәт сүрүр вә тезликлә бүтүн Јер күрәси үзәриндә һакимијјәти әлә алаҹаг. Ибраниләрә 10:24, 25 ајәләрини охујун вә нөвбәти суалы мүзакирә един:

• «О ҝүнүн јахынлашдығыны ҝөрдүкҹә» һәр биримиз нә етмәлијик?

ИҸМАЛ

Пејғәмбәрлик, Мүгәддәс Китаба әсасланан һесабламалар вә дүнјадакы вәзијјәт сүбут едир ки, Аллаһын Падшаһлығы һазырда һакимијјәт сүрүр. Биз бу барәдә тәблиғ етмәклә вә јығынҹаг ҝөрүшләринә ҝетмәклә буна инандығымызы ҝөстәририк.

Тәкрар

• «Дәнјал» китабында јазылан једди дөврүн тамамында нә баш верди?

• Аллаһын Падшаһлығынын 1914-ҹү илдә һакимијјәт сүрмәјә башладығына сизи нә әмин едир?

• Падшаһлығын бу ҝүн һакимијјәт сүрдүјүнә инандығынызы неҹә ҝөстәрә биләрсиниз?

Ә Л А В Ә  М Ә Л У М А Т

Тарихчиләр вә диҝәр инсанлар 1914-ҹү илдән бәри дүнјанын дәјишдији барәдә нә дејир?

«Әхлаг нә вахт чөкмәјә башлајыб?» («Ојанын!», апрел 2007)

Ҝөрүн Мәтта 24:14 ајәсиндәки пејғәмбәрлик бир нәфәрин һәјатына неҹә тәсир едиб.

«Бејсболу һәр шејдән чох севирдим!» («Ҝөзәтчи гүлләси» № 3, 2017)

Һарадан билирик ки, «Дәнјал» китабынын 4-ҹү фәслиндәки пејғәмбәрлик Аллаһын Падшаһлығына аиддир?

«Аллаһын Падшаһлығы нә вахтдан һөкмранлыг едир? (I һиссә)» («Ҝөзәтчи гүлләси», октјабр—декабр 2014)

Һарадан билирик ки, «Дәнјал» китабынын 4-ҹү фәслиндәки једди дөвр 1914-ҹү илдә тамамланыб?

«Аллаһын Падшаһлығы нә вахтдан һөкмранлыг едир? (II һиссә)» («Ҝөзәтчи гүлләси», 1 нојабр 2014)

Аллаһын Падшаһлығы артыг ҝөјдә һакимијјәт сүрүр. Бу Падшаһлыг тезликлә јер үзәриндә дә һакимијјәт сүрәҹәк вә бурада көклү дәјишикликләр едәҹәк. Бу фәсилдә ҝөрәҹәксиниз ки, Падшаһлығын һакимијјәти алтында јашајанда һансы немәтләри алаҹагсыныз.

1. Аллаһын Падшаһлығы јер үзүндә сүлһү вә әдаләти неҹә бәргәрар едәҹәк?

Аллаһын Падшаһлығынын Падшаһы Иса Мәсиһ Армаҝеддон мүһарибәсиндә шәр инсанлары, о ҹүмләдән бу дүнјадакы һөкумәтләри мәһв едәҹәк (Вәһј 16:14, 16). Онда Мүгәддәс Китабдакы нөвбәти вәд там шәкилдә ҝерчәкләшәҹәк: «Аз галыб! Артыг пис адам олмајаҹаг» (Зәбур 37:10). Иса Падшаһлыг васитәсилә бүтүн јер үзүндә сүлһү вә әдаләти бәргәрар едәҹәк. (Әшија 11:4 ајәсини охујун.)

2. Јер үзүндә Аллаһын ирадәси јеринә јетәндә һәјат неҹә олаҹаг?

Аллаһын Падшаһлығы дүнјаны идарә едәндә «салеһләр јерә саһиб олаҹаг, орада әбәди јашајаҹаглар» (Зәбур 37:29). Тәсәввүр едирсиниз, белә бир дүнјада јашамаг неҹә ҝөзәл олаҹаг! Дүнјада јалныз салеһ инсанлар јашајаҹаг, һәр кәс Јеһованы вә бир-бирини севәҹәк. Һеч кәс хәстәләнмәјәҹәк, һамы әбәди јашајаҹаг.

3. Шәр инсанлар мәһв оландан сонра Аллаһын Падшаһлығы һансы ишләри һәјата кечирәҹәк?

Шәр инсанлар мәһв оландан сонра Иса 1000 ил һакимијјәт сүрәҹәк. Бу дөвр әрзиндә Иса вә онунла һакимијјәт сүрән 144 000 нәфәр бүтүн инсанлары камилләшдирәҹәк. Бу дөврүн тамамында бүтүн Јер күрәси ҹәннәтә дөнәҹәк. Орада Јеһованын ганунларына итаәт едән хошбәхт инсанлар јашајаҹаг. Сонра Иса һакимијјәти Атасына, Јеһоваја гајтараҹаг. Јеһованын ады һеч вахт олмадығы гәдәр мүгәддәс тутулаҹаг (Мәтта 6:9, 10). Артыг сүбута јетириләҹәк ки, Јеһова бәндәләринин гејдинә галан јахшы Һөкмдардыр. О заман Јеһова Шејтаны, ҹинләри вә һакимијјәтинә гаршы чыхан һәр кәси мәһв едәҹәк (Вәһј 20:7—10). Аллаһын Падшаһлығынын бәргәрар етдији мүкәммәл һәјат әбәди сүрәҹәк.

Д Ә Р И Н Л И Ј Ә  В А Р Ы Н

4. Аллаһын Падшаһлығы бу дүнјадакы һөкумәтләрә сон гојаҹаг

«Бүтүн дөврләрдә инсанын инсана ағалыг етмәси инсанын зәрәринә олуб» (Ваиз 8:9). Јеһова инсан һакимијјәтинин вурдуғу зијаны Падшаһлыг васитәсилә арадан галдыраҹаг.

Дәнјал 2:44 вә 2 Салоникилиләрә 1:6—8 ајәләрини охујун. Сонра нөвбәти суаллары мүзакирә един:

• Јеһова Аллаһ вә Иса Мәсиһ инсан һөкумәтләринә вә онларын тәрәфдашларына нә едәҹәк?

• Јеһова вә Иса һаггында өјрәндикләриниз сизи неҹә әмин едир ки, онларын бу һөкмү әдаләтли олаҹаг?

5. Иса мүкәммәл Падшаһдыр

Аллаһын Падшаһлығынын Падшаһы олан Иса јер үзүндә јашајан инсанларын рифаһы үчүн чохлу ишләр ҝөрәҹәк. ВИДЕОЈА бахын. Ҝөрүн Иса неҹә ҝөстәрмишди ки, инсанлара көмәк етмәк истәјир вә Аллаһын вердији гүввә илә буну етмәјә гадирдир.

ВИДЕО: «Иса Падшаһлығын едәҹәји ишләри ҝөстәрмишди» (1:13)

Иса Мәсиһ јер үзүндә оланда Падшаһлығын нәләр едәҹәјини әјани шәкилдә ҝөстәрмишди. Нөвбәти немәтләрдән һансыны даһа чох ҝөзләјирсиниз? Һәмин немәтләрин гаршысындакы ајәләри охујун.

6. Аллаһын Падшаһлығынын һакимијјәти алтында һәјат ҝөзәл олаҹаг

ВИДЕО: «Еҹазкар ҝәләҹәјә ачылан пәнҹәрә» (4:38)

Зәбур 145:16 ајәсини охујун вә нөвбәти суалы мүзакирә един:

• Јеһованын һәр бир мәхлугу истәјинә чатдыраҹағыны билмәк сиздә һансы һиссләри ојадыр?

ИҸМАЛ

Аллаһын Падшаһлығы Аллаһын нијјәтини һәјата кечирәҹәк. Бүтүн Јер күрәси ҹәннәтә чевриләҹәк, орада јалныз Јеһоваја ибадәт едән салеһ инсанлар мәскән салыб әбәди јашајаҹаг.

Тәкрар

• Аллаһын Падшаһлығы Јеһованын адыны неҹә мүгәддәс едәҹәк?

• Нәјә ҝөрә әмин ола биләрик ки, Аллаһын Падшаһлығы Мүгәддәс Китабдакы вәдләри ҝерчәкләшдирәҹәк?

• Падшаһлығын һәјата кечирәҹәји ишләрдән һансыны ҝөрмәји даһа чох арзулајырсыныз?

Ә Л А В Ә  М Ә Л У М А Т

Армаҝеддон нә демәкдир?

«Армаҝеддон мүһарибәси нәдир?» (интернет мәгаләси)

Иса Мәсиһин «бөјүк мүсибәт» адландырдығы дөврдә баш верәҹәк һадисәләр барәдә охујун (Мәтта 24:21).

«Бөјүк мүсибәт нәдир?» (интернет мәгаләси)

Видеоја бахараг аиләнизлә бирҝә Ҹәннәтдәки һәјаты тәсәввүрүнүздә ҹанландырын.

«Өзүнү ҹәннәтдә тәсәввүр ет» (1:50)

«Бир чох суал мәнә раһатлыг вермирди» мәгаләсини охујун вә ҝөрүн сијаси үсјанкар ахтардығы ҹавабы неҹә тапды.

«Мүгәддәс Китаб һәјатлары дәјишир» («Ҝөзәтчи гүлләси», јанвар—март 2012)