Охуҹуларын суаллары

Шејтан ҝөјдән јерә нә заман атылды? (Вәһј 12:1-9).

Мүгәддәс Јазыларын «Вәһј» китабында Шејтанын јер үзүнә атылмасынын дәгиг вахты дејилмәсә дә, баш верән бир сыра һадисәләр бу вахты мүәјјән етмәјә көмәк едир. Мәсиһин рәһбәрлији алтында олан Падшаһлығын тәсис олунмасы бу һадисәләрдән биринҹисидир. Бундан сонра «ҝөјдә мүһарибә олду», нәтиҹәдә Шејтан мәғлуб олараг ҝөјдән јерә атылды.

Мүгәддәс Јазылар 1914-ҹү илдә «диҝәр халгларын вахты»нын сона јетдијини вә Падшаһлығын гурулдуғуну ајдын шәкилдә ҝөстәрирa (Лука 21:24). Шејтанын јерә атылмасы илә нәтиҹәләнән мүһарибә бу һадисәдән нә гәдәр сонра баш верди?

Вәһј 12:4 ајәсиндә дејилир: «Әждаһа [Шејтан] доғмаг үзрә олан гадынын өнүндә дурду ки, о, доған кими онун ушағыны удсун». Бу ҝөстәрир ки, Шејтан јени Падшаһлығы тез бир заманда, мүмкүнсә, доғулан кими арадан галдырмаг истәјирди. Јеһованын бу ишә мүдахилә етмәси сајәсиндә Шејтан өз мәкрли нијјәтини һәјата кечирә билмәсә дә, тәзәҹә тәсис олунмуш Падшаһлыға зәрәр јетирмәк гәтијјәтиндән вә инадындан дөнмәди. Буна ҝөрә дә белә бир нәтиҹәјә ҝәлмәк олар ки, «Микајыл вә онун мәләкләри» вахт итирмәдән ‘әждаһаны вә онун мәләкләрини’ ҝөјдән јерә атдылар ки, Падшаһлыға һеч бир зәрәр вурмасынлар. Бундан белә гәнаәтә ҝәлмәк олар ки, Шејтанын мәғлубијјәти вә јерә атылмасы 1914-ҹү илдә Падшаһлығын доғулмасындан гыса мүддәт сонра баш вериб.

Мүгәддәс Јазылардан ајдын ҝөрүндүјү кими, нәзәрдән кечирмәли олдуғумуз диҝәр амил Падшаһлығын гурулмасындан гыса мүддәт сонра башлајан мәсһ олунмушларын дирилмәсидирb (Вәһј 20:6). Мәсиһ әждаһа вә онун мәләкләри илә вурушанда мәсһ олунмуш гардашларындан һеч биринин онун јанында олдуғу дејилмир, буна ҝөрә дә, демәк олар ки, мәсһ олунмушларын дирилмәси башлајанда ҝөјдәки мүһарибә артыг баша чатмыш вә Шејтан ҹинләри илә бирҝә јерә атылмышды.

Беләликлә, Мүгәддәс Китабда Шејтанын ҹинләри илә бирҝә јерә атылмасынын дәгиг вахты дејилмир. Бунунла белә, ҝөрүнүр бу һадисә 1914-ҹү илдә Иса Мәсиһин тахта чыхмасындан гыса мүддәт сонра баш верди.

[Һашијәләр]