«Бу брошүра мәнә инсанларын гәлбинә јол тапмаға көмәк едир»
БРАЗИЛИЈАНЫН ҹәнубунда јерләшән Порту-Алегри шәһәри бу јахынларда сосиал мәсәләләрлә бағлы кечирилән конфранса ев саһиблији едиб. Бу конфрансда 135 өлкәдән ҝәлән он минләрлә инсан иштирак едирди. Фасилә заманы Порту-Алегри јығынҹағындан олан бир груп Шаһид нүмајәндәләрә јахынлашараг онларла Падшаһлыг һаггында хош хәбәри бөлүшүрдү. Бәс онлар бир-бирини неҹә баша дүшүрдүләр?
Елизабет адлы бир пионер баҹы дејир: «Биз “Бүтүн халглардан олан инсанлар үчүн хош хәбәр” брошүрасындан истифадә едирдик. Бир чох нүмајәндәләр Падшаһлыг һаггында хош хәбәри һеч вахт ешитмәмишдиләр. Буна бахмајараг, онлар хош хәбәрә һәвәслә гулаг асырдылар. Сөһбәт етдијимиз инсанлар Боливијадан, Чиндән, Франсадан, Һиндистандан, Исраилдән вә Ниҝеријадан идиләр. Бәзи нүмајәндәләрә доғма дилләриндә Мүгәддәс Китаба әсасланан нәшрләр вердик вә онлар бу нәшрләри бөјүк мәмнунијјәтлә гәбул етдиләр».
Мексикада пионер кими хидмәт едән Раул да бу брошүрадан истифадә едәрәк јахшы нәтиҹәләр әлдә едиб. Бир мүддәт әввәл о, һәјат јолдашыны итирән бир әрәбә тәблиғ етмишди. 80 јашы олан бу киши брошүрада әрәб дилиндә олан мәлуматы охујанда севинҹдән ҝөз јашларыны сахлаја билмәди. Она бу гәдәр тәсир едән нә иди? О, Вәһј 21:3, 4 ајәләриндә артыг өлүмүн олмајаҹағына даир Аллаһын вәдини өз ана дилиндә охујанда чох мүтәәссир олду. Башга вахт исә, гејри-рәсми шәкилдә тәблиғ едәркән Раул португал дилиндә данышан бир кишијә раст ҝәлди. О да өз әзизини — оғлуну итирмишди. Раул она брошүрада португал дилиндә олан сәһифәни охутдурду. Ону охујуб гуртарандан сонра киши Мүгәддәс Китаб һагда даһа чох билмәк истәдијини ҝөстәрди вә Мүгәддәс Китабы өјрәнмәјә разылыг верди.
Раул «Бүтүн халглардан олан инсанлар үчүн хош хәбәр» брошүрасынын көмәјилә Чин, инҝилис, франсыз, алман, һинд, Кореја, михе, фарс, рус вә сапотек дилләриндә данышан инсанлара тәблиғ етмәјә мүвәффәг олду. О дејир: «Мән бу вәсаитдән хидмәтдә истифадә етмәјин нә гәдәр ваҹиб олдуғуна әмин олдум. Хариҹи дилләри билмәсәм дә, бу брошүра мәнә инсанларын гәлбинә јол тапмаға көмәк едир».
Мүасир зәманәдә даһа чох инсан хариҹи өлкәләрә сәфәр етдији вә көчдүјү үчүн хариҹи дилләрдә данышан инсанлара тез-тез раст ҝәлирик. «Бүтүн халглардан олан инсанлар үчүн хош хәбәр» брошүрасынын көмәјилә Падшаһлыг һаггында хош хәбәри онларла бөлүшә биләрик. Хидмәтә чыхаркән бу брошүраны өзүнлә ҝөтүрүрсәнми?
[32-ҹи сәһифәдәки шәкилләр]
Раул инсанларын үрәкләринә јол тапмаға көмәк едән брошүрадан истифадә едир