Билирсинизми?

Ерамызын 70-ҹи илиндән сонра Јерусәлим мәбәди нә вахтса бәрпа олунубму?

ИСАНЫН Јеһованын мәбәди барәдә дедији даш даш үстдә галмајаҹаг пејғәмбәрлији ерамызын 70-ҹи илиндә Титин башчылығы алтында Рома ордусу Јерусәлими мәһв едәркән јеринә јетди (Мат. 24:2). Сонрадан император Јули бу мәбәди јенидән бәрпа етмәји планлашдырды.

Јули сонунҹу бүтпәрәст Рома императору адландырылыр. Бөјүк Константинин өҝеј гардашы оғлу Јули сахта мәсиһчи тәлиминә өјрәдилмишди. Лакин ерамызын 361-ҹи илиндә о, император елан олундугдан сонра өјрәндији тәлимләри бүтпәрәстлијә дәјишди. Тарихи китабларда о, «дөнүк» кими гәләмә верилир.

Јули «мәсиһчилијә» нифрәт едирди. Сәбәбләрдән бири алты јашында оларкән атасынын вә гоһум-әгрәбаларынын бу динин нүмајәндәләри тәрәфиндән өлдүрүлмәси иди. Килсә тарихчиләринин дедијинә ҝөрә Јули Исанын јаланчы пејғәмбәр олдуғуну сүбут етмәк үчүн исраиллиләри һәмин мәбәди бәрпа етмәјә тәшвиг етдиa.

Јулинин мәбәди бәрпа етмәји планлашдырдығына шүбһә јохдур. Тарихчиләр онун мәбәдин бәрпа ишләринә башлајыб-башламадығы вә әҝәр башламышдыса, онда тикинтинин нә үчүн дајандырылдығы барәдә мүбаһисә едирләр. Лакин бир шеји әминликлә демәк олар: һакимијјәтә ҝәләндән ики ил сонра Јули өлдүрүлүр, лајиһәси дә онунла бирликдә өлүр.