Zəbur
Dirijora. Gittit* üçün. Asəfin məzmuru.+
81 Qüdrətli Allahımıza+ sevinc sədaları ucaldın,
Yaqubun Allahına zəfər harayı yüksəldin!
2 Mahnı səsi ucaldın, əlinizə qaval,
Xoş avazlı çəng, telli alət götürün.
3 Ay təzələnəndə, ay bədirlənəndə,
Bayram etdiyimiz gün şeypur çalın.+
4 Bu, İsraildə qaydadır,
Yaqubun Allahının hökmüdür.+
Mən orada naməlum bir səs eşitdim:
6 «Çiynindən yükü götürdüm,+
Əlləri səbətdən azad oldu.
Məriba sularında səni sınadım.+ (Selah)
8 Eşit, ey xalqım, sənə qarşı şəhadət edəcəyəm,
Kaş Məni dinləyəydin, ey İsrail.+
9 Aranızda özgə allah olmamalıdır,
Yad allaha səcdə etməməlisiniz.+
10 Sənin Allahın Mənəm, Yehova,
Səni Misirdən çıxaran Allah.+
Ağzını geniş aç, səni doyurum.+
11 Amma xalqım səsimi eşitmədi,
İsrail Mənə boyun əymədi.+
12 Mən də onları ürəklərinin inadına buraxdım ki,
Öz bildiklərini etsinlər.+
14 Onda düşmənlərini tez ram edərdim,
Əlimi yağıların üzərinə qaldırardım.+
15 Yehovaya nifrət edənlər gəlib qarşısında yerə döşənəcək.
Onların halı əbədiyyən belə olacaq.