Çıxış

11 Yehova Musaya dedi: «Fironun və Misirin üstünə bir bəla da göndərəcəyəm. Onda o, sizi buraxacaq.+ Nəinki buraxacaq, hətta buradan qovacaq.+ 2 Get xalqa de ki, kişili-qadınlı hər kəs qonum-qonşudan qızıl-gümüş əşyalar istəsin».+ 3 Yehovanın rizası ilə misirlilər israillilərə yaxşı münasibət göstərdilər. Üstəlik, Musa da Misirdə fironun əyanlarının yanında və xalq arasında hörmət qazanmışdı.

4 Musa dedi: «Yehova Allah belə deyir: “Gecə yarısı Misirdən keçəcəyəm.+ 5 Misirdə taxtda oturan firondan tutmuş dəyirmanda dən üyüdən qarabaşın övladınadək hamının ilk doğulan uşağı, bütün heyvanların ilk doğulan balası öləcək.+ 6 Bütün Misir torpağında elə ah-fəğan qalxacaq ki, beləsi heç vaxt olmayıb, olmayacaq da.+ 7 İsraillilərin isə başından bir tük belə, əskik olmayacaq, heyvanlarına heç bir zərər dəyməyəcək*, belə ki, Yehovanın israilliləri misirlilərdən fərqli tutduğunu biləsən”.+ 8 Bütün xidmətçilərin yanıma gələcək, qarşımda baş əyib: “Sən də, bütün xalqın da çıxın gedin”,+ — deyib yalvaracaqsınız. Onda mən gedəcəyəm». Musa bunları deyib qəzəb içində fironun yanından çıxdı.

9 Onda Yehova Musaya dedi: «Firon sizə qulaq asmayacaq,+ amma bu ona görədir ki, Misir torpağında möcüzələrim çoxalsın».+ 10 Musa və Harun bütün bu möcüzələri fironun qarşısında göstərdilər,+ ancaq Yehova fironun ürəyini daş elədi və o, israilliləri ölkəsindən buraxmadı.+