Əşiya
24 Budur! Yehova diyarı bomboş qoyub viranəyə döndərir,+
2 Bu, hamının başına gələcək —
Xalqın da, kahinin də,
Nökərin də, ağanın da,
Qarabaşın da, xanımın da,
Alıcının da, satıcının da,
Borc verənin də, borc alanın da,
Sələmçinin də, sələm ödəyənin də.+
4 Ölkə yasa bürünüb*,+ sozalıb gedir.
Torpaq saralıb-solur.
Ölkənin adlı-sanlı adamları soluxur.
6 Buna görə lənət ölkəni məhv edir,+
Sakinləri təqsirkardır.
Buna görə ölkənin sakinləri azaldı,
Bir ovuc insan qaldı.+
9 Mey məclisləri nəğməsiz keçir,
İçkinin dadı içənə acı gəlir.
10 Bomboş qalmış şəhər xarabazara dönüb,+
Bütün evlər qıfıllıdır, girmək olmur.
11 Küçələrdə qışqırıb şərab istəyirlər.
Sevincdən əsər-əlamət qalmayıb,
Şənlik ölkədən üz döndərib.+
12 Şəhər viranə qalıb,
Darvazalar darmadağın olub.+
13 Zeytun ağacı döyüləndən sonra necə olursa,+
Yığımdan sonra meynədə necə tək-tük üzüm qalırsa,
Dünyada, xalqlar arasında qalanlar da elə olacaq.+
14 Onlar hayqıracaq,
Sevincdən haray salacaqlar.
Dənizdən* Yehovanın əzəmətini bəyan edəcəklər.+
15 Buna görə nur diyarında* Yehovanı mədh edəcəklər,+
Dənizdəki adalarda İsrailin Allahı Yehovanın adını ucaldacaqlar.+
16 Dünyanın hüdudlarından nəğmələr eşidilir:
«Haqq Sahibinə eşq olsun!»+
Mən isə deyirəm: «Üzülmüşəm, üzülmüşəm!
Vay mənim halıma! Xainlər xəyanət edir.
Bəli, xainlər xaincəsinə xəyanət edir».+
17 Ey bu diyarın sakini, səni dəhşət, çala, tələ gözləyir.+
18 Dəhşət səsindən qaçan çalaya düşəcək,
Çaladan çıxan tələyə düşəcək,+
Çünki göyün bəndləri açılacaq,
Yerin özülləri titrəyəcək.
20 Yer sərxoş kimi səndələyir,
Gözətçi çardağıtək, sanki, küləkdən yırğalanır.
Asiliyi ağır yük kimi onu əzir,+
O çökəcək, bir də qalxa bilməyəcək.
21 O gün Yehova göydə — göydəki ordunu,
Yerdə — yerdəki padşahları cəzalandıracaq.
22 Onları çaladakı məhbuslar kimi,
Bir yerə yığıb
Zindana atacaqlar.
Xeyli müddət sonra yoxlanacaqlar.