Əşiya

39 Babil padşahı Baladan oğlu Mərduk-Baladan Hizqiyyənin xəstələndiyini və sonra sağaldığını eşidib ona məktublar və hədiyyələr göndərdi.+ 2 Hizqiyyə elçilərə ürəkdən xoşgəldin elədi, xəzinəsini+ — qızıl-gümüşü, balzamı, başqa bahalı yağları, bütün cəbbəxanasını və xəzinəsində olan hər şeyi onlara göstərdi. Evində və bütün səltənətində elə şey qalmadı ki, onlara göstərməsin.

3 Əşiya peyğəmbər Hizqiyyə padşahın yanına gəlib soruşdu: «Bu adamlar haradan gəlmişdilər? Nə dedilər?» Hizqiyyə dedi: «Uzaq diyardan, Babildən gəlmişdilər».+ 4 Əşiya soruşdu: «Sarayında nələri gördülər?» Hizqiyyə dedi: «Hər şeyi. Xəzinəmdə onlara göstərmədiyim şey qalmadı».

5 Əşiya dedi: «Ordular Allahı Yehovanın sözünü dinlə. 6 “Elə gün gələcək ki, sarayındakı hər şeyi, ata-babalarının bu günə qədər yığdığı nə varsa, Babilə aparacaqlar. Heç nə qalmayacaq,+ — deyir Yehova.+ — 7 Səndən törəyəcək oğulların da bəzilərini aparacaqlar. Onlar Babil padşahının sarayında saray məmuru olacaqlar”».+

8 Hizqiyyə Əşiyaya dedi: «Yehovanın dediyi bu söz haqdır». Sonra əlavə etdi: «Çünki mənim dövrümdə sülh, əmin-amanlıq olacaq».+