Zəbur

20 Qoy dar günündə Yehova sənə hay versin,

Yaqubun Allahının adı səni qorusun.+

 2 Müqəddəs məkandan köməyini göndərsin,+

Siondan sənə dayaq olsun.+

 3 Gətirdiyin bəxşişləri unutmasın,

Yandırma qurbanlarını qəbul etsin. (Selah)

 4 Sənə ürəyinə görə versin,+

Bütün niyyətlərin gerçəkləşsin.

 5 O zaman çaldığın zəfərlərə görə sevinib-coşarıq,+

Allahımızın adı ilə bayraqlarımızı qaldırarıq.+

 6 İndi bilirəm ki, Yehova məsh etdiyini xilas edir,+

Sağ əli ilə böyük qurtuluş verir,+

Müqəddəs göylərdən ona hay verir.

 7 Kimisi cəng arabalarına, kimisi atlara güvənir,+

Ancaq biz Allahımız Yehovanın adını çağırırıq.+

 8 Onlar çökdülər, yerə sərildilər,

Ancaq biz ayağa qalxdıq, dimdik durduq.+