Zəbur
Davudun məzmuru.
28 Səni çağırıram, ey Yehova, ey mənim qayam,+
Səsimə qulağını tıxama,
Səsimə hay verməsən,
Qəbirə enənlərə bənzərəm.+
2 Əllərimi məbədinin iç otağına tərəf açanda,+
Səndən imdad diləyəndə yalvarışımı eşit.
3 Məni pis, zalım adamlara qatıb aparma,+
O kəslərlə ki, adamla mehriban danışır, ürəkləri isə pisliklə doludur.+
4 Onlara əməllərinə görə ver,+
Pisliklərinin cəzasını,
İşlərinin əvəzini ver,
Əməllərini başlarına gətir.+
5 Onlar Yehovanın işlərinə,
Əllərinin yaratdıqlarına məhəl qoymurlar.+
O, onları yıxacaq, ayağa qaldırmayacaq.
6 Yehovaya şükürlər olsun,
Yalvarışlarımı eşitdi.
7 Yehova gücüm,+ qalxanımdır,+
Ürəyim Ona arxalanır,+
Onun köməyini gördüm, qəlbim sevincdən coşur,
Nəğməmlə Onu tərənnüm edərəm.
8 Yehova Öz xalqının gücüdür,
Məsh etdiyinə möhtəşəm qurtuluş verən istehkamdır.+