Xidmət zamanı əks cinslə söhbət edərkən nəyə diqqət yetirməliyik?

Bacı-qardaşlarımızın yüksək əxlaq normalarına müvafiq davranmağa çalışdıqlarını düşünmək üçün əsaslı səbəblərimiz var. Bununla belə, biz natəmiz və əxlaq normaları aşağı olan bir dünyada yaşayırıq. Niyyətlərimizin yaxşı olmasına baxmayaraq, biz daim diqqətli olmalıyıq ki, öz davranışımızla adımıza ləkə gətirəcək hərəkətə yol verməyək. Bu o deməkdir ki, biz xidmətdə olarkən ehtiyatlı olmalıyıq.

Təbliğ zamanı biz həqiqətlə maraqlanırmış kimi görünən əks cinsin nümayəndələri ilə rastlaşırıq. Əgər tək təbliğ ediriksə və qapını evdə tək olan əks cinsin nümayəndəsi açırsa, yaxşı olar ki, içəri girməyək və qapı ağzında şahidlik edək. Əgər həmin adam maraq göstərərsə, onda gələn dəfə o, evdə tək olmayanda və ya yanımızda əməkdaşımız olanda yenidən görüşmək üçün razılaşa bilərik. Əgər bu mümkün deyilsə, onda həmin insanın ünvanını eyni cinsdən olan təbliğçiyə vermək olar. Bu həmçinin əks cinsdən olan adamla Müqəddəs Kitab öyrənməsi keçirmək məsələsinə də aiddir (Mat. 10:16).

Kiminlə xidmət edəcəyimizi seçərkən də diqqətli olmalıyıq. Hərçənd, əks cinsin nümayəndələri hərdən xidmətdə əməkdaşlıq edə bilərlər, amma əgər onlar ər-arvad və ya yaxın qohum deyillərsə, bu, müntəzəm olmamalıdır. Adətən, həyat yoldaşımız olmayan kəslə xidmətə çıxarkən insanların olmadığı yerlərdə təklikdə vaxt keçirmək müdriklik olmazdı. Buna görə də təbliğ görüşünü keçirən qardaş təbliğçiləri, o cümlədən yeniyetmələri bir-biri ilə xidmətə bölüşdürəndə çox ehtiyatlı olmalıdır.

Əgər həmişə müdrik davransaq, biz nə özümüzü, nə də başqalarını «büdrədən bir iş» görmərik (2 Kor. 6:3).