‘Bu müjdə təbliğ olunacaq!’
1. Haradan bilirik ki, təbliğ işini heç kim dayandıra bilməz?
1 Yehovaya iradəsini yerinə yetirməyə heç nə mane ola bilməz! (Yeşaya 14:24) Hakim Gideonun və onun 300 adamının midyanlıların 135 000-lik ordusu üzərində qələbə çalması qeyri-mümkün görünsə də, Yehova ona dedi: «İsraili Midyanlıların əlindən qurtar. Səni göndərən Mən deyiləmmi?» (Hak. 6:14) Bəs bu gün Yehova hansı işi dəstəkləyir? İsa demişdi: ‘Səmavi Səltənət haqqında olan bu Müjdə bütün dünyada təbliğ olunacaqdır’ (Mat. 24:14). Bəli, heç kim bu işi dayandıra bilməz!
2. Xidmətdə Yehovanın hər birimizə dəstək olacağını nəyə görə gözləməliyik?
2 Yehova hər birimizə şəxsən kömək edir. Yehovanın bir xalq kimi Şahidlərinin nailiyyət qazanmasına kömək edəcəyinə əmin olduğumuz halda hər birimizi ayrı-ayrılıqda dəstəkləyəcəyini gözləyə bilərikmi? Həvari Pavel çətin anlarda Yehovanın Oğlu İsa vasitəsilə ona şəxsən dəstək olduğunu duymuşdu (2 Tim. 4:17). Əmin ola bilərik ki, Yehova bu gün də Onun iradəsini yerinə yetirmək üçün hər birimizin göstərdiyi səyi xeyir-dualandıracaq (1 Yəh. 5:14).
3. Hansı hallarda Yehova bizə kömək edir?
3 Gündəlik qayğıların ucbatından xidmət etməyə gücünün qalmadığını hiss edirsənmi? «O, yorğunlara güc verər» (Yeşaya 40:29—31). Təqiblərlə və müqavimətlərlə qarşılaşırsanmı? «Sən qayğı yükünü Rəbbə ver, qoy sənə dayaq olsun» (Məz. 55:22). Özünə əmin olmadığın anlar olur? «Get, Mən ağzınla danışacağam» (Çıx. 4:11, 12). Səhhətində yaranan çətinliklərə görə xidmətdə az iştirak edirsən? Nə qədər səy göstərdiyimizdən asılı olmayaraq, Yehova ürəkdən gələn səylərimizi qiymətləndirir, həmçinin bundan istifadə edə bilər (1 Kor. 3:6, 9).
4. Yehovaya güvənmək bizi nəyə təşviq edəcək?
4 Yehovanın «qalxmış əlini kim geri döndərə bilər?» (Yeşaya 14:27) Gəlin Yehovanın xidmətimizə xeyir-dua verdiyinə əmin olaq, bununla da yorulmadan «Rəbbə arxalanaraq, cəsarətlə» təbliğ etməyə davam edək (Həv. iş. 14:3).