Dualarınızın cavabını görməyə çalışırsınız?

Müqəddəs Kitabda Yehovanın dualara cavab verdiyini göstərən çoxlu nümunələr var. Qədimdə yaşayan mömin insanlar görəndə ki, Yehova onların dərd-sərinə qulaq asır, onlara kömək edir, sözsüz, imanları çox möhkəmlənirdi. Buna görə də yaxşı olar ki, biz konkret şeylər barədə dua edək, sonra isə Yehovanın dualarımıza verdiyi cavabı görməyə çalışaq. Unutmayın ki, Yehovanın verdiyi cavab gözlədiyimizdən fərqli, yaxud dilədiyimizdən artıq ola bilər (2Kr 12:7—9; Ef 3:20). Yehova bizim diləyimizə, duamıza necə cavab verə bilər?

• Çətinliyə dözmək üçün fiziki, emosional və ya ruhani güc verə bilər (Fp 4:13).

• Düzgün qərar vermək üçün hikmət verə bilər (Yq 1:5).

• Fəaliyyət göstərməyimiz üçün ürəyimizdə həm arzu oyadar, həm də güc verər (Fp 2:13).

• Narahat vaxtlarımızda bizə qəlb rahatlığı verə bilər (Fp 4:6, 7).

• Başqaları vasitəsilə bizə fiziki və emosional cəhətdən dayaq ola bilər (1Yh 3:17, 18).

• Haqqında dua etdiyimiz insanlara kömək edə bilər (Hv 12:5, 11).

«YEHOVA DUALARI EŞİDƏN ALLAHDIR» ADLI VİDEOYA BAXANDAN SONRA SUALLARA CAVAB VERİN:

• Əgər səhhətimizdə problem varsa, Takeşi qardaşın nümunəsi bizə necə kömək edə bilər?

• Takeşi qardaşdan necə nümunə götürə bilərik?