Ruhanilik
Əvvəldə deyildiyi kimi, bir çox insanlar Müqəddəs Kitaba dini kitab kimi hörmət edir. Onlar öz təcrübələrində görürlər ki, Müqəddəs Kitabı oxuyub, oradakı məsləhətlərə əməl edəndə özlərini Allaha yaxın hiss edirlər və həyatın mənasını başa düşürlər.
Müqəddəs Kitabda «ruhanilik» sözü əhval-ruhiyyəni və ya həyata yanaşmanı bildirir (Yəhuda 18, 19). Cismani düşüncəli insanın fikri-zikri özündə olduğu halda, ruhani düşüncəli insan Allahın qanunlarına önəm verir (Efeslilərə 5:1).
ÜMİD
MÜQƏDDƏS KİTAB MƏSLƏHƏTİ: «Dar gündə ruhdan düşsən, gücün tükənər» (Məsəllər 24:10).
MƏĞZİ: İnsan ruhdan düşsə, həyatın çətinlikləri ilə mübarizə aparmağa gücü olmayacaq. Ümid isə bu mübarizədə insana güc verə bilər. Ümidimiz olanda başa düşürük ki, üzləşdiyimiz problemlər müvəqqətidir. Çətinlikdən sonra yaxşı nəsə olacaq.
TƏTBİQİ: Çalışın, gələcəyə nikbin baxasınız. «Birdən sabah nəsə olar» qorxusu ilə yaşamaqdansa, yaxud mükəmməl vəziyyətin yaranacağı vaxtı gözləməkdənsə, qarşınıza məqsəd qoyun və bu məqsədlərə çatmağa çalışın. Düzdür, təsadüfən nə isə baş verə bilər (Vaiz 9:11). Lakin həyatda vəziyyət, adətən, düşündüyümüzdən yaxşı olur. Müqəddəs Kitabda əkinçilikdən nümunə gətirilərək deyilir: «Toxumunu səhər çağı səp, axşama qədər qoy əlin boş durmasın, çünki bilmirsən əvvəlki cücərəcək, sonrakı cücərəcək, yoxsa hər ikisi» (Vaiz 11:6).
HƏYATIN VACİB SUALLARINA CAVABLAR
MÜQƏDDƏS KİTAB MƏSLƏHƏTİ: «Mənə dərrakə ver... Sözünün bünövrəsi həqiqətdir» (Zəbur 119:144, 160).
MƏĞZİ: Müqəddəs Kitabda, demək olar ki, hər kəsi narahat edən sualların cavabı var. Məsələn, bu kimi sualların:
Həyatın mənası nədir?
İnsanlar niyə əzab çəkir?
İnsan öləndə nə baş verir?
Həyat elə budur?
Bütün dünyada milyonlarla insan Müqəddəs Kitabın bu və digər suallara verdiyi cavabı araşdırmaqla xoşbəxtlik əldə ediblər.
TƏTBİQİ: Müqəddəs Kitabı araşdırın. Yehovanın Şahidləri bu kitabı başa düşməkdə sizə kömək edə bilər. jw.org saytına daxil olun, yaxud ibadət görüşlərimizə gəlin. Giriş pulsuzdur və qapı hər kəsin üzünə açıqdır.
DİGƏR MƏSLƏHƏTLƏR
jw.org saytında «Müqəddəs Kitabı öyrənmək nəyə görə vacibdir?» adlı videoya baxın. Video 880-dən çox dildə əlçatandır
RUHANİ TƏLƏBATINIZI DƏRK EDİN
«Allaha ehtiyacı olduğunu dərk edənlər xoşbəxtdir, çünki səmavi Padşahlıq onlarındır» (MƏTTA 5:3).
ALLAH HAQQINDA ELM ALIN
«Allahı axtarsınlar,.. tapa bilsinlər. Hərçənd O, heç birimizdən uzaq deyil» (HƏVARİLƏRİN İŞLƏRİ 17:27).
MÜQƏDDƏS KİTABI OXUYUB DÜŞÜNÜN
«O, Yehovanına qanunundan həzz alır, gecə-gündüz Onun qanununun dərinliyinə varır... Hər işində uğur qazanar» (ZƏBUR 1:2, 3).
a Müqəddəs Kitaba əsasən, «Yehova» Allahın adıdır.