Dünyadakı hadisələrə görə narahatlıq artdıqca insanların doğmaları ilə münasibətləri də istər-istəməz gərilir.
İnsanlar özlərini dostlarından təcrid edir.
Ər-arvadlar arasında dava-dalaş artır.
Valideynlər övladlarının problemləri ilə ya az maraqlanır, ya da ümumiyyətlə maraqlanmır.
Nəyi bilməlisiniz?
Dostların rolu əvəzsizdir, çünki onlar çətin vəziyyətlərdə insanı sarsılmağa qoymur.
Dünyada baş verənlər ucbatından yaranan stres ailənizdə gözlənilməz problemlərə səbəb ola bilər.
Xəbər buraxılışlarında eşitdikləri xoşagəlməz hadisələr övladlarınızı düşündüyünüzdən çox qorxuda bilər.
Nə edə bilərsiniz?
Müqəddəs Kitabda deyilir: «Əsl dost hər zaman sevər, o, dar gün üçün doğulmuş qardaşdır» (Məsəllər 17:17).
Dostlarınızdan kömək istəyin. Onlar sizə dayaq ola bilər, məsləhət verə bilər. Dar günün dostları insana hər bir çətinliyə sinə gərməyə güc verə bilər.