Babil əsarətindən Yerusəlim divarlarının bərpasınadək

Babildə əsarətdə olarkən israillilərin imanı dəfələrlə sınağa çəkilir. Şadrak, Meşak və Aved-Neqonu qızmar sobanın içinə atırlar, lakin Allah onları sobadan sağ çıxarır. Bir qədər sonra Babil midiyalılar və farsların işğalı altında olanda, Danieli şirlər saxlanılan quyuya atırlar. Allah şirlərin ağzını bağlayaraq onu da xilas edir.

Fars padşahı Kir israilliləri azad edir. Babilə əsir aparıldıqdan düz 70 il sonra Allahın xalqı vətənə qayıdır. Yerusəlimə dönən israillilər ilk növbədə Yehovanın məbədini tikməyə başlayırlar. Çox keçməmiş düşmənləri bu işi dayandırırlar. Buna görə də, onlar məbədi Yerusəlimə qayıdandan təxminən 22 il sonra tikib qurtarırlar.

Sonra məbədi bəzəmək üçün Ezranın Yerusəlimə qayıtması haqqında öyrənirik. Bu hadisə məbədin bərpa edilməsindən təxminən 47 il sonra baş verir. Ezradan 13 il sonra Nehemya adlı bir israilli Yerusəlimin dağıdılmış divarlarını tikməyə kömək edir. Beləliklə, BEŞİNCİ HİSSƏ tarixin 152 ilini əhatə edir.