Nəğmə 143
Qaranlıq dünyada ümid işığı
Çap versiyası
Zülmətə qərq olub dünya,
Amma bir ümid var;
Açılır yepyeni səhər,
Gecəyə nur saçar.
(NƏQARƏT)
Güntək bərq vuraraq
Xoş müjdəmiz zülmətdən
Ümidlə nur verir.
O, sübh şəfəqitək
Sanki doğur üfüqdən,
Gecə bitir.
Oyansın qoy bütün dünya
Qəflət yuxusundan.
Azdır vaxt, biz dua edək,
Alsınlar pay nurdan.
(NƏQARƏT)
Güntək bərq vuraraq
Xoş müjdəmiz zülmətdən
Ümidlə nur verir.
O, sübh şəfəqitək
Sanki doğur üfüqdən,
Gecə bitir.
(Həmçinin baxın: Yəh. 3:19; 8:12; Rom. 13:11, 12; 1 But. 2:9.)