DƏRS 18

Məzmunlu nitq

1 Korinflilərə 9:19—23

İCMAL: Dinləyiciləri düşündür. Qoy onlar dəyərli bir şey öyrəndiklərini hiss etsinlər.

Dinləyicilərin biliyini nəzərə al. Həmişə eşitdikləri məlumatı təkrarlama. Mövzunu yeni tərəfdən açıqla.

Tanış fikirlərin üstündən tez keç. Yeni fikirləri isə yavaş templə təqdim et.
Axtarış apar və düşün. Əgər mümkündürsə, əsas fikirləri izah edərkən az tanış olan faktlardan, yaxud cari hadisələrdən nümunə çək. Oxuduğun material barədə dərindən düşün və materialı söyləmək istədiyin faktlarla əlaqələndir.

Materialı nəzərdən keçirərkən özünə nə? nə üçün? nə vaxt? hara? kim? necə? kimi suallar verərək mövzu barədə düşün. Çıxış boyunca bu sualların bəzilərini səsləndir və onları cavablandır ki, nitqin canlı alınsın.
Məlumatın faydasını göstər. Müqəddəs Kitabdan olan fikirlərin dinləyicilərə gündəlik həyatda necə kömək edəcəyini izah et. Dinləyicilərlə əlaqəsi olan konkret vəziyyətlərdən, keyfiyyət və hərəkətlərdən söz aç.