MÜQƏDDƏS KİTABIN CAVABI

Elə bir gün gələcəkmi ki, dünyada sülh və əmin-amanlıq olsun?

Bu barədə nə deyərdiniz?

• Bəli

• Xeyr

• Ola bilsin

Müqəddəs Kitabda deyilir:

Bir gün Allah dünyanı cənnətə döndərəcək, onda «ay durduqca hər yanda sülh olacaq» (Zəbur 72:7).

Müqəddəs Kitabda daha nə deyilir?

• Allah-Taala yer üzündən şər insanların kökünü kəsəcək, o zaman saleh insanlar «əmin-amanlığın bolluğundan həzz alacaqlar» (Zəbur 37:10, 11).

• Xudavənd bütün dünyada müharibələrə son qoyacaq (Zəbur 46:8, 9).

Bu dünyada qəlb rahatlığı tapmaq mümkündür?

Bəzi insanlar düşünür ki, əzab-əziyyət və haqsızlıqla dolu olan bu dünyada qəlb rahatlığı tapmaq mümkün deyil. Siz bu barədə nə deyərdiniz?

Müqəddəs Kitabda deyilir:

Allaha yaxın olan insanlar bu keşməkeşli dünyada belə, rahatlıq tapa bilər, çünki Allah onlara «hər bir ağıldan üstün olan sülhü»nü verir (Filippililərə 4:6, 7).

Müqəddəs Kitabda daha nə deyilir?

• Allah-Taala vəd edir ki, zülm-sitəmi və ədalətsizliyi aradan qaldıracaq (Vəhy 21:4, 5).

• Hər bir insanın Allaha ehtiyacı var və bu ehtiyacı təmin edən insanlar qəlb rahatlığı tapır (Mətta 5:3).