«Həlimlər yer üzünə sahib olacaq»

Çoxlarımız ədalətin tapdalandığının və günahsız insanların pislərin əlindən zülm çəkdiyinin şahidi olmuşuq. Haqsızlığın və pisliklərin olmayacağı bir gün gələcək?

Zəbur kitabının 37-ci məzmurunda bu suala cavab verilir. Həmçinin orada bu gün necə yaşamalı olduğumuzla bağlı göstərişlər yer alır. Orada aşağıdakı vacib sualların cavabı var.

• Bizə zülm verən insanlara necə yanaşmalıyıq? (1 və 2-ci ayələr)

• Pis insanların aqibəti necə olacaq? (10-cu ayə)

• Əməlisaleh insanların gələcəyi necə olacaq? (11 və 29-cu ayələr)

• Bu gün bizdən nə etmək tələb olunur? (34-cü ayə)

Allahın ilhamı ilə yazılmış 37-ci məzmurda ümidini Yehovaya bağlayıb, Onun yolunu tutanları necə gözəl gələcəyin gözlədiyi aydın təsvir olunub. Yehovanın Şahidləri böyük məmnuniyyətlə sizə Müqəddəs Kitabı araşdırmağa və doğmalarınızla birgə gözəl gələcəyə sahib olmaq üçün nə etməli olduğunuzu öyrənməyə kömək edəcək.