Avtocavab telefonlarına nə deyərdiniz?

Evdə çətin tapılan və uzaq ərazidə yaşayan insanlara təbliğ etmək üçün telefon çox yaxşı vasitədir. Lakin getdikcə çoxları telefona özləri cavab vermir, avtocavab telefonlarından istifadə edirlər. Bu vəziyyətdə nə etmək olar? Dəstəyi qoymağa tələsmə. Qabaqcadan yaxşı mə’lumat hazırla. Onu xoş və söhbətcil tərzdə oxu. Bu mə’lumata nə daxil etmək olar?

Səmimi tərzdə ev sahibini Padşahlıq Zalında keçirilən növbəti açıq görüşə də’vət et. Sən deyə bilərsən: «Mən çox təəssüf edirəm ki, sizi evdə tapa bilmədim. Əgər siz Müqəddəs Kitaba əsaslanan mə’ruzəyə qulaq asmaq istəyirsinizsə [açıq mə’ruzənin adı], zəhmət olmasa, Yehovanın Şahidlərinin Padşahlıq Zalına gəlin. Hamı də’vət olunur. Pul yığılmır». Sonra aydın şəkildə görüşün keçirildiyi günü və vaxtı söylə. Həmçinin Padşahlıq Zalının ünvanını de və ya onun harada yerləşdiyini təsvir et. Görüş zamanı yeni gələnləri nəzərdən qaçırma, onlarla tanış ol və iltifatlı davran. Pulsuz Müqəddəs Kitab öyrənməsi təklif etməyi unutma.